2 Nyǐ o/tut mě o-fé ké kyifip ké kafâ ké kafâ.
Ba/chi ba-ró ǎ o-byí ké ejíí. Ba-ró ǎ ké kiinwángé o-jâ ké kyifip.
Me m/mû n/tî achi ké bunyîn-dyityém ne kiinwángé, nké afaníkong ne kyifip nké byi/bwa byi-bâ.
Banet-Ézerel ba/raa ba/fu, kántîk, bii/nyît ńkyí Osówo o*fí o-nyii ng bě ké abwô nyí banet ḿbé mbe ba-cít ng bě*. Be byimu byi-tî ng achi ké kiinwángé ńkyí byidacen, nké kyifip nké nke nkyi kô,
Kye n̂g Osówo Óburúkpâbí enen ofê ne o-kûbê ne kyifip ńkyí kyi/chi kyi-chi běn ba-kpán ácíring kyíbóng-eku, ne o-kûbírî kiinwángé ńkyí bamu ba-tî ng achi ké nkyí kyi-firi kiǐtí-kyifip.
Me n/tún achi ké ejíí ne n-ri kányí ké e/firi kafâ dyikáá. N-tún achi ké bubóng, kiinwángé kyi*fí*.
Óburúkpâbí, ké kafâ esa emen, oo/cít Záyon ne kyifip. Nyǐ oo/pín bunong ḿbú Záyon ḿbú boo*nwa eri* bu-bírî ecing. Ké dyicí kafâ kada ǎ esa, nyǐ o-mîng ng nang [kiǐtí-kyise-kyifen emen echi.]
Ba/chi ba-kûcen ne esû ba-fwôo ng abwô wǎ bansêe achi, ne baa*ba/chi ba-nyît kyicê ńkyí bamu ba-jâ*. Nang ba-chi ebóng, kii*byí běn dyishí*. Ba-cít ng běn kángkáng nkéré ba-jii běn byěm, ne onet oo*ba/chi o-chi mú oda běn echwáp*.
Mbé mbe wǎ kyibî-bunâng-baya, ne édúú ebe nyí ee*chi kámbé éshwân* nyí nyi e-byí i wǎ biǐnfyiryî. Mbé mbe wǎ ékpére nyí nyi e-yêe ng, ḿbé Osówo oo/tî kámbé kyikit ké kiǐjîijîi-kyifip ne banyá ne banyá.
Zîim m̂ barím ḿbé ba*da/waa ké biǐtí-byikit ebe* nké ba/mîng bachíchí-byikit ebe. Osówo oo/bwá kámbé bamgbokobá ḿbé baa*pii ne banyá* o-tî kámbé kyísí ké kyifip, o-bám m Kiǐtí-Dyicí ńdyí o/chi o-pan kámbé mpan.
