Lamantéshan 1:9 - Bokyi Bible

⁹ Babat emen ba/mû ba*fí ba-sóng ng eri* nké mǔ o*da/kérê kyi-kim ne bukyû emen*. Dyirông emen dyi/mû dii*nwa eri*. Onet o*fí mú oda ǎ eman efé dyityém*. Banet-bushwôn emen baa/kpógê, ne o-kú o-tii ng o-kó ng o/fu, Óburúkpâbí ori ǎ bafip.

Lamantéshan 1:9 Iomraidhean Croise

2 Sámwel 16:12

Katô Óburúkpâbí o/chi o-ri [bafip] ejí, o-kye mě ojware eringe odakúng kyikit ńkyí byishû ejí.

2 Kyîng 14:26

Óburúkpâbí o/ri [byibî-afaníkong] ḿbyí banet-Ézerel mbe ba-ri ng. Onet o/mû o*fí mú odachwáp kámbé*.

Nehemyâ 9:32

Ô Osówo mú eten, wo a/rêe kanong kanong. Wo a-chi i bushî ne busa eyên boo*nwa eri*. Wo a-tî ng kanong kanong ocím eyên mú a/ryí. Kyi-fím ké nkéré mú batu ḿbé Asyírya ba/cít bě tete kántîk, be bii/ri busông kanong kanong. Batu eten ne banet-ashí eten ne banchi kyifen eten ne bamkpábé eten ḿbé badasét byiraa eyên ne banchí eten ḿbé kpákpá ne kángkáng banet eten baa/ri busông. Zîim a-ri eringe nyí be bii/ri busông.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 119:153

Ri busông ejí a-nyii mě, ké nǎ, me n*da/ráp byije eyên*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 140:8

Óburúkpâbí, *dakye bambên atyém ńkyí mbe ba-ryuu ng*. *Dabángê byibî-byěm ebe ḿbyí mbe ba-nam m byi-chi*. [

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 25:18

Kabe kyi-kim ne bafip ne afaníkong ejí, a-pwoo mě ké byibî ejí kángkáng.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 69:21

Ba/kye mě bukye ḿbú buda mě eju n-jwáp ké nkéré esong e/mû e-nwa ng mě. Ba-kye mě buruu n-jwáp ké nkéré omu o/mû o-jê ng mě.

Ézódos 3:17

Me mm/bángê n/fu, n-fîm m kámbé ba-byí ké Éjip, nyí mbe ba-bên n kámbé dyitî, ne n/chi n-kúng kámbé n-ca ne mbé ké esí nyí edabát byiryíng, ké esí nyí banet ḿbé Kínan ne Hyítat ne Ámórit ne Périzit ne Hyíbit ne Jébus mbe ba-kyú u.

Ézódos 3:7

Ne Óburúkpâbí o-raa ne nyǐ kâng o/fu, me nn/ri eringe nyí mbe ba-bên n banet ejí etî ké Éjip. Me nn/jwo ké mbe ba-tii ng ba/fu, me nnyii kámbé ké abwô nyí banet ḿbé ba/tî ba/fu, bakûtî kámbé wǎ básóng. Me mu n-nyît ng kángkáng kyi-kim ne afaníkong ebe

Ézódos 4:31

Mbé ba-bángê, ne ké nkéré mú ba/jwo ba/fu, Óburúkpâbí oo/bê o-kâm kámbé, ne oo/ri eringe nyí ba*fí ba-man n kámbé etî* mbé ba/tíngê kyísí ba-kye ǎ ofê.

Ekyilyizátes 4:1

Me n/chîtún achi kâng n-ri kángkáng acît nyí mbe ba-ryí i ké ejíí ńnyín. Banet ḿbé mbe ba-cít ng kámbé mbe ba-tii ng bukyû, ne onet o*fí mú odachwáp kámbé*. Onet o*fí mú odachwáp kámbé* ké nǎ, banet ḿbé mbe ba-cít ng kámbé mbe ne busa.

Azáya 3:8

Ké nǎ, Jerúsélem o/firi ké busông. Júda o-kú o-bú ng. Kángkáng byěm ḿbyí mbe ba-raa ng, ba-chi i byi*fí byi-kwárê ng ne Óburúkpâbí*. Mbé mbe ba-bwom m wááng ba-kyâ Osówo oyén edángé.

Azáya 37:17

Kántîk, ǎ Óburúkpâbí, jwo bě, a-ri ńkyí nkyi kyi-chi i bě. Fwôo atông a-jwo kángkáng byiraa ḿbyí Otu Senakaríp mu o-sét ng, o-kyâ ǒ edángé, wo Osówo mú mu okpó.

Azáya 37:23

Wo a/kabe a/fu, wo amu a-kyâ yeě edángé, a-fát ng ǎ kiikuku. Wo a*fí a-fâ mě me Osówo mú mu onong mú Ézerel*.

Azáya 37:29

Baa/sét mě kyi-kim ne bunwa ámbu ne byiko eyên ámbyi etông, ne kántîk, n/chi m-kpong ǒ byílôp ké ozóng, n-fé ǒ kaǎkím-kiǐré ké ocím, n-kúng ǒ m-bwa ne wo ké kiǐfáng ńkyí a/cen ne a-bâ.

Azáya 37:4

Otu mú Asyírya oo/twóm onet-dyishí-basúja emen o/fu, oba-shú Osówo mú mu okpó. Kyi/bát Óburúkpâbí mú mu Osówo eyên ojwo byishû ḿbyín, o-kye banet ḿbé ba/shú kámbyí busông. Ké bubwô ḿbún, fé nshwam a-kye Osówo ké bubwô-banet eten ḿbé ba/tôong bakpó.

Azáya 40:2

Fé banet ḿbé Jerúsélem busa. Sét kámbé a/fu, baa/ri afaníkong a-kwárê, ne mm/pwoo kámbé ké byibî ebe kángkáng. Nn/kye kámbé busông ḿbú bu/kwárê kerededet ne byibî ebe.

Azáya 47:7

Wo a/mû a/kabe a/fu, kángkáng nkéré a-kyú u otu-onyinyi, ne a*da/kúng byiraa ḿbyín a-fé ké dyityém* a-kabe nang okabe eringe nkuli kyikû o/chi o-kyú*.

Azáya 51:19

Afaníkong afee aa/róng ǒ. Byití bii/bên esí eyên, ne banet eyên baa/waa esong. Onet o*fí mú oda ǒ eri bafip*.

Azáya 54:11

Óburúkpâbí o/raa o/fu, ô Jerúsélem, wo amu oshê mú mu o-ri ng busông, onet mú oda ǒ echwáp o*fí*. Onet o*fí mú oda ǒ efé dyityém*. N/chi m-bwât kyikû-ekpe-byise eyên m-bi ne aká nyí adashwane kasî.

Jeryimáya 13:27

Nyǐ oo/ri běn ba-chi byěm ḿbyí mbyi byi-sa ng ǎ kafâ. Nyǐ oo/ri běn ké baa/kyé esówo nyí e*fí ké kafâ* ké eku ne ké byifát, wǎ onyinchéng mú mu o-kyé ng erí ne onyi mú orî-onet emen, wǎ kabyî-orá ńké nke ka-kyé ng erí ne buma. Banet ḿbé Jerúsélem, ben ba/firi ké busông. Nkéré orá mú ben ba/chi ba-firi kanong.

Jeryimáya 16:7

Onet o*fí mú o/chi o-kye onet byiryíng* o-fé ǎ nang bato o/fu, onet-kyijé emen o/kpú ǎ*. Onet o*fí mú o/chi o-ri orî bafip*. Nang onet mú bonchí nang boné odakpú baa*ri ǎ bafip*.

Jeryimáya 2:34

Byídí enen byi/firi ne byibît-baróng ḿbé banet-byikpu ne banet ḿbé ba*da/chi chwǒm* *chí baróng ḿbé banet ḿbé mbe ba-sé ng byise* ba-jii ng byěm*. Nké nang ké nkyi éné,

Jeryimáya 48:26

Óburúkpâbí o/raa o/fu, chi Mówep o-kûbwóm bato, ké nǎ, o/bwom bunwa ne me. Mówep o/chi o-bínê ké éfâm emen nyí o/fám, ne banet ba/chi ba-jwó kámú.

Jeryimáya 5:31

Bamkpábé ḿbé badasét byiraa ejí ba*fí ba-sét ng chwǒm* kyi-cibi ne kyisédéng*. Banchi kyifen ejí mbe ba-tún n oshê wǎ eringe nyí bamkpábé ámbe mbe ba-kyâ kámbé busa, ne banet ejí ba*fí ba-né ng*. Nké ben ba-chi i nǎ, â nkuli kyikû o/fyi.

Jeryimáya 50:29

Sét n̂g banchê abán ba-kye Bábyílon bunwa. Twóm m̂ nang yeě mú odaman eché dyibán. Bwom m̂ ba-wáp oshê ba-fé ké kafâ. *Da n̂g emîng onet nang obónge o-fem*. Só n̂g oshê ámu ewa ké kángkáng byěm ḿbyí oo/chi, ba-chi kámú wǎ eringe nyí o/chi eshê ekíri, ké nǎ, o/tông byiko ne me, Osówo mú onong mú Ézerel.

Lamantéshan 1:17

Me mu n-tan n abwô ejí, nké onet o*fí mú o/chi o-chwáp mě*. Óburúkpâbí oo/kó banet-bushwôn ejí ba-bwom mě byicê byimúmú. Mbé mbe ba-kúng ng mě wǎ kiinunut-chwǒm.

Lamantéshan 1:21

Fwôo atông a-jwo] dyibyê ejí. Onet o*fí nang obónge mú oda mě efé dyityém*. Banet-bushwôn ejí mbe ba-jêe ng ké busông ḿbú wo a/bê mě ne mbú. [Bâ ne] dyicí ándyi ńdyí a/ryí ocím. Chi banet-bushwôn ejí ba-ri busông wǎ eringe nyí me mu n-ri ng.

Lamantéshan 2:13

Ô Jerúsélem, Jerúsélem mú mu o-jê ng mě, me n-sét ng ebóng kyi-kim ne wo. Me n-cen n nǎ ne n-fé ǒ dyityém. Onet o*fí mú oo/ri busông wǎ ḿbún*. Afaníkong eyên a*fí ne bunyerenyere* wǎ baya ḿbé baryên. Bukwóp ḿbú onyánge bu*fí*.

Lamantéshan 4:1

Gûl eten mú ragerage o/firi bimê. Aká nyí kiǐtí-kyise-kyifen-Osówo echi a/firi byiryibyiryi ké byiká-oshê.

Lamantéshan 5:1

Ô Óburúkpâbí, zîim ńkyí kii/chi bě. Bírî a-tún bě a-ri éshwân eten.

Hozáya 2:14

Ké bubwô ámbu, n/chi n-chîbwa ne nyǐ ké kyikim-dyikán. Áku nké n/chi n-kúng bunyîn-ejá-kyijé n-chi ǎ o-bwa esim o-kâm mě.

Zefanyâ 2:10

Zefanyâ o/fu, éné nké Óburúkpâbí o/chi o-kye banet ḿbé Mówep ne Ámon busông ké bubwô-byiko ebe etông ḿbyí mbe ba-kyâ banet ḿbé Óburúkpâbí mú o/rêe o-shwôm edángé.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 11:19

ne banet-Jûs chwóó baa/bê ebafé Máta ne Méryi dyityém ké bukyû ḿbú wǎn-boné ebe o/kpú.

Dyitórónómyi 26:7

Ne be byi-tii kâng byi-kó Óburúkpâbí mú mu Osówo mú banchí eten ḿbé kpákpá. Nyǐ o/jwo bě, o-ri busông eten ne bafip eten.

Dyitórónómyi 32:27

Nké mm*ba/chi m-bángê banet-bushwôn ebe ba-tông byiko ba/fu, mbé baa/kpógê banet ejí* ké nǎ, me oyén nké n/ju kámbé.

Dyitórónómyi 32:29

Mbé ba*fí ba-nyît ng ńkyí kyi/cen ne ba-kpógê kámbé*. Baa*man enyît kyikû kyi-kim ne ńkyí kyi/chi*.

1 Pyíta 4:17

Nkéré oo/fyi mú mpan ámu odakpet. Kyikû-banet-Osówo nké Osówo o/chi o-bwóp kashú o-pan kámbé mpan. Â mpan mu o-kpet ng ne be, mǔ o-cen n nǎ ne o-man ne banet ḿbé ba*da/bángê ké Bǎmpém ḿbé Banong* ḿbé ba/fím ne Osówo.

1 Sámwel 1:11

Hána o-ryí ocím kanong kanong o/fu, Óburúkpâbí mú o/rêe o-shwôm, kan achi a-ri mě me ḿgbán eyên. Ri afaníkong ejí a-zîim mě. *Da mě eráp*. Â a/kye mě wǎn-onyinchéng, me n/ryí ocím n/fu, n-kúng ng wǎn ámu n-kye ǒ ké dyikpen emen dyimúmú, n-ryí to ocím n/fu, baa*ba/chi ba-kwárê ǎ dyishí ne banyá*.