Jóshwa 9:9 - Bokyi Bible

⁹ Mbé ba-kpet ǎ esét kâng ba/fu, be byi/fím tíbítíbí ne byi-bâ nyín, ǎ bonchí, ké nǎ, be bii/jwo kyi-kim ne dyizîn ńdyí Óburúkpâbí mú Osówo eyên. Be bii/jwo kyi-kim ne kángkáng byěm ḿbyí nyǐ o/chi ké Éjip

Jóshwa 9:9 Iomraidhean Croise

1 Kyîng 8:41

 ocinónet mú mu o-kyú u ké esí nyí tíbítíbí o/jwo dyizîn eyên ne biǐtí-byěm ḿbyí wo aa/chi a-kye banet eyên, nké o/bê ǒ ofê ekye, o-fé nshwam o-kye ǒ ké kiǐtí-kyise-kyifen eyên echi ńkyín,

Nehemyâ 9:5

Bǎmgbán-nchi kyifen-Osówo ḿbé ba/sét ba/fu, mbé bakye Óburúkpâbí ofê ba/mû Jéshwa ne Kadyímyel ne Bányi ne Hashabanáya ne Sherebyâ ne Hodyâ ne Shebanyâ ne Petáya. Mbé ba-raa ba/fu, bûu n̂g nensang byi-kpee Osówo Óburúkpâbí eten. Kpee n̂g ǎ ne banyá ne banyá. Nang yeě okpee kiǐtí-dyizîn-Óburúkpâbí, nang ké akpee ekye nyí onet a*da/kwárê*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 148:13

Kyi/bát mbé kángkáng bakye dyizîn ńdyí Óburúkpâbí akpee. Dyizîn emen dyi/rêe dyi-shwôm kángkáng azîn nyí áku. Busan emen ḿbú ragerage bu/rêe bu-shwôm bubóng ne esí.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 72:19

Kye n̂g kiǐtí-dyizîn emen akpee nyí ne banyá. Kyi/bát busa emen busú ké ejíí emúmú. Kyi/bát kyikyú éné kerededet.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 78:12

Ké nkéré banchí ebe ḿbé kpákpá mbe ba-tún n achi, Osówo o/chi biǐtí-akat ké ndíp-kyikit mú Zôn, ké Éjip.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 83:18

Kyi/bát mbé banyît ba/fu, wo kǎnchí nké amu Óburúkpâbí mú mu Otu-Dyishí mú ejíí emúmú, mú o/rêe o-shwôm.

Ézódos 15:14

Eshê ee/jwo, ne e-kú e-tím m banê ké bushî. Bushî boo/róng banet ḿbé Fyilíta.

Ézódos 9:16

Nké eringe nyí n/chi n-tông ǒ busa ejí, me m/mîng ǒ a-kpen eringe nyí dyizîn ejí dyi/chi dyi-káng ejíí emúmú.

Azáya 55:5

Kántîk, ben ba/chi ba-kó eshê nyí bacinbánet. Ké nkéré obónge, mbé ba*da běn enyît*. Nké kántîk, ba/chi ba-zóngê ochéé ba-ba-kâm běn. Me Osówo Óburúkpâbí enen mú onong mú Ézerel n/chi n-chi ńkyín kángkáng kyi-chi. N/chi n-kye běn ofê ne akpee.

Azáya 66:19

ne ba/chi ba-nyît ba/fu, me nké mu n-kyâ kámbé busông. Nké n/chi m-mîng kyicê-banet n-twóm kámbé ké eshê nyí tíbítíbí nyí e*da/jwo ne kyi-kim ne eringe nyí me mu kiǐtí* nang busa ejí to e*da/ri ne*. N-twóm m kámbé ba-jâ Syipîn ne [Lyíbya] ne Lyídya mú mu ne bamman eché abán, n-twóm to kámbé ba-jâ Túbal ne Girîs. Mbé ba/chi ba-sét eringe nyí me mu kiǐtí ké eshê ńnyín.

Nómba 14:15

Kántîk, â wo a/ju kángkáng banet eyên, eshê nyí ee/jwo kyi-kim ne dyizîn eyên e/chi e-raa e/fu,

Nómba 20:14

Músis o-twóm banet-kyitwóm ké Kádyishi ba-ca ba-kâm otu mú Édom. Mbé ba-sét otu mú Édom ba/fu, kyitwóm ńkyín kyi/fím ne byikû-banet ḿbyí Ézerel, ḿbyí bwǎn-bané eyên. Wo amu a-nyît ng afaníkong nyí be bii/ri,

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 8:7

Byibî-bací byi/wonge kakânkakân, byi-byí banet chwóó ké byiko. O-chi banet chwóó ḿbé ba/mû ba-rwôm m kyibok ne bankwa to chwóó ba-nyange.

Dyitórónómyi 20:11

 mbé ba/bâa afyi-oshê ebe ba/fu, mbé baa*nwa bunwa* mbé kángkáng ba/chi ba-firi básóng enen, ba-kû ng běn echi bǎmkpóngé ḿbé sóngsóng.

Dyitórónómyi 20:15

Éné nké ben ba/chi ba-chi ne eshê nyí nyi tíbítíbí ne esí nyí ben ba/chi ba-kyú ké nyǐ.

Jóshwa 9:10

ne ńkyí o/chi batu-Ámórit ashí afee, ḿbé ba/mû ba-kyú u ké kyicê-kace ńké Jódan ńkyí esû edabyí, Otu Síhon mú o/fím Héshibon ne Otu Ôok mú o/fím Báshan, mú o/mû o-kyú u ké Ashítarat.

Jóshwa 9:16

Nkéré mú baa/ryí ocím ámu kyi-rí ací achât, banet-Ézerel ba/jwo ba/fu, ké ntûntû, banet ámbe mbe ba-kyú u ányi fáráng ne mbé.

Jóshwa 9:17

Banet-Ézerel ba-dim kâng mbe ba-cen n ba-câ. Ne ké nkéré mú ací aa/shwôm achât, ba-da-ribi ké eshê nyí banet ámbe mbe ba-kyú u, Gyíbwon ne Kéfyira ne Byírot ne Kyíryat-Jérim.

Jóshwa 9:24

Mbé ba-faa ba/fu, be byi/chi éné, ǎ bonchí, ké nǎ, be byi/jwo ba/fu, nkyi ntûntû něen, Óburúkpâbí mú Osówo enen o/sét Músis mú ḿgbán emen o/fu, okye běn esí ńnyín emúmú, ba-ju to banet ḿbé mbe ba-kyú u ké nyǐ, â ba-kú ba-tín n ba-bâ. Be byi/chi éné, ké nǎ, bushî bu/chi bě ne ben kanong kanong. Ne bushî bu/mû mbu bu-chi i bě kyi-kim ne akpen eten.