Jóshwa 9:6 - Bokyi Bible

⁶ Ba-da-nung ké Gyígal, ké kyikit ńkyí banet-Ézerel ba/mû ba-kyú u. Ba-sét Jóshwa ne banet-Ézerel ba/fu, be byi/fím tíbítíbí ne byi-bâ nyín. Byimu byi-ryuu ng byi/fu, byichi kyikwáré ne ben.

Jóshwa 9:6 Iomraidhean Croise

1 Kyîng 8:41

 ocinónet mú mu o-kyú u ké esí nyí tíbítíbí o/jwo dyizîn eyên ne biǐtí-byěm ḿbyí wo aa/chi a-kye banet eyên, nké o/bê ǒ ofê ekye, o-fé nshwam o-kye ǒ ké kiǐtí-kyise-kyifen eyên echi ńkyín,

2 Kyîng 20:14

Ne Azáya o-dim kâng o-kâm Otu Hezekyâ o-bí ǎ o/fu, banet ḿbén ba/fím nyá, ne ba/sét ǒ ebóng. Otu Hezekyâ o-faa o/fu, ba/fím ké oshê mú tíbítíbí, ké Bábyílon.

Jóshwa 10:43

Ké nkéré mú ńkyín kii/shwôm, Jóshwa ne basúja emen ba-bwa esim ké Gyígal, kyikit ńkyí ba/mû ba/bi bampyep-byití ebe.

Jóshwa 10:6

Banet-Gyíbwon ba-twóm kyitwóm ba-sét Jóshwa ké kyikit ńkyí ba/mû ba/bi bampyep ebe ké Gyígal, ba/fu, *dachi a-mîng bě* ǎ bonchí*. Bâ babap a-ba-chwáp bě. Batu-Ámórit bamúmú, ḿbé ba/fím esí nyí eku éku, baa/cibi basúja ebe ba-ba-kye bě bunwa.

Jóshwa 4:19

Banet-Ézerel ba/nyáng kace ánke ké ací diǐkpú, ké mbwôp kashú-otukáku, ba-bi bampyep ebe ké oshê mú badakó Gyígal, oshê ámu mu ké kyicê-Jéríku ńkyí esû edabyí.

Jóshwa 5:10

Nkéré mú banet-Ézerel mbe ba-kyú u ké kyikit ánkyi, ńkyí nkyi ké ndege-esí mú o/fárâng ne Jéríku, mbé ba/chi dyijî-kyifen ńkyí Shwôm, ké dyikurúku, ké ací diǐkpú ne achât nyí otukáku ámu.

Jóshwa 9:5

Ba-yip bakâa-byídí ba-bwá ne abe nyí aa/kâa ba-zim ozǐm. Ba-kúng berêt mú oo/jwóm o-fip.

Jóshwa 9:9

Mbé ba-kpet ǎ esét kâng ba/fu, be byi/fím tíbítíbí ne byi-bâ nyín, ǎ bonchí, ké nǎ, be bii/jwo kyi-kim ne dyizîn ńdyí Óburúkpâbí mú Osówo eyên. Be bii/jwo kyi-kim ne kángkáng byěm ḿbyí nyǐ o/chi ké Éjip