Jóshwa 9:10 - Bokyi Bible

¹⁰ ne ńkyí o/chi batu-Ámórit ashí afee, ḿbé ba/mû ba-kyú u ké kyicê-kace ńké Jódan ńkyí esû edabyí, Otu Síhon mú o/fím Héshibon ne Otu Ôok mú o/fím Báshan, mú o/mû o-kyú u ké Ashítarat.

Jóshwa 9:10 Iomraidhean Croise

Jénésis 14:5

Ké dyije ńdyí aje diǐkpú ne anyii, Kédolóma ne batu ḿbé ba/bwom ne nyǐ ké kyikû ba/bê ne basúja ebe ba-kpógê banet ḿbé Réfyam ké Ashítarat-Kanyâm, ba-kpógê banet ḿbé Zúzim ké Hâm, ba-kpógê banet ḿbé Émim ké esí nyí ndege ńdege nyí Kyíryǎtyam

1 Korónyíkil 6:71

Eshê nyí ba/kyii ba-kye byikû ḿbyí kyikim-banet ńkyí Géshon ne esí nyí e/mû ányi to fáráng, nyí byitú ebe byidakûryí baryî ké nyǐ e/mû Gólan ké Báshan ne Ashítarat, nyí nyi ké kyikim-esí ńkyí ké kyicê-Manáse ńkyí óbyísû mu o-byí i.

Nómba 20:14

Músis o-twóm banet-kyitwóm ké Kádyishi ba-ca ba-kâm otu mú Édom. Mbé ba-sét otu mú Édom ba/fu, kyitwóm ńkyín kyi/fím ne byikû-banet ḿbyí Ézerel, ḿbyí bwǎn-bané eyên. Wo amu a-nyît ng afaníkong nyí be bii/ri,

Dyitórónómyi 1:4

Ńkyín kyi/mû ké nkéré mú [Óburúkpâbí] oo/kpógê Otu Síhon mú banet ḿbé Ámórit, mú o/mû otu mú oshê mú Héshibon, ne Otu Ôok mú Báshan, mú o/mû otu mú eshê nyí Ashítarat ne Édara.

Dyitórónómyi 2:30

Nké Otu Síhon o*da/bángê o/fu, be byishwôm ké esí emen*. Óburúkpâbí mú mu Osówo enen o/mû oo/fé ǎ dyishí eshwane o-bírî bunwa, eringe nyí be byida ǎ ekpógê byi-koo esí emen nyí byi/tôong byi-kyú u ké nyǐ.

Jóshwa 12:4

Mbé ba/kpógê to Otu Ôok mú otu-Báshan, mú o/mû nryî esim-otu to mú banet-Réfyam. Nyǐ o/mû onet-dyishí mú Ashítarat ne Édara.

Jóshwa 13:31

Nyǐ e/cít to kyicê-oshê mú badakó Gyílet, cibicibi ne Ashítarat ne Édara, eshê-dyityém nyí Otu Ôok, mú o/mû ké Báshan. Kángkáng eshê ńnyín Músis o/mû o/kye kyicê-kyikû-dyibóng-onyinchéng obónge mú odabángê Mákyi, mú wǎn-Manáse.

Jóshwa 2:10

Be byi/jwo eringe Óburúkpâbí o/chi baya ḿbé badakó Rêt ba-núng, ńdyí bamu ba-bâ, ké nkéré mú ba/dim ké Éjip. Be bii/jwo to eringe ba/ju Otu Síhon ne Otu Ôok, ḿbé batu-Ámórit, ké kyicê-Jódan ńkyí esû nyi e-byí i.

Jóshwa 2:9

o-sét kámbé o/fu, me mu n-nyît ng n/fu, Óburúkpâbí oo/kye běn esí ńnyín. Nang yeě nang yeě ké oshê mún mu o-shî ng běn.

Jóshwa 9:11

Banet-ashí eten ne kángkáng banet ḿbé mbe ba-kyú u ké esí eten ba/sét bě ba/fu, byida-kyé byiryíng byi-kpá byiko ḿbyí byidadim bucen byi-ba-kâm ǒ. Mbé ba/sét bě ba/fu, byikúng byiko eten byi-kye ǒ wǎ bǎmgbán eyên, byi-bí ǒ byi/fu, chi kyikwáré ne be.

Jóshwa 9:9

Mbé ba-kpet ǎ esét kâng ba/fu, be byi/fím tíbítíbí ne byi-bâ nyín, ǎ bonchí, ké nǎ, be bii/jwo kyi-kim ne dyizîn ńdyí Óburúkpâbí mú Osówo eyên. Be bii/jwo kyi-kim ne kángkáng byěm ḿbyí nyǐ o/chi ké Éjip