Jóshwa 9:1 - Bokyi Bible

¹ Okpóge mú banet-Ézerel mbe ba-kpógê e banet o/ribi o-kâm kángkáng batu ḿbé mbe ké kyicê-Jódan ńkyí esû nyi e-ríbî ng e-jâ, ké eku ne ké byikû-eku ne ké kángkáng ndege-esí mú mu fáráng ne baya ḿbé Medeterényan, tete kyi-ribi ké Lebánon mú mu ké kyicê ńkyí bushûyû. Batu ámbe ba/mû batu-Hyítat ne ḿbé Ámórit ne ḿbé Kínan ne ḿbé Périzit ne ḿbé Hyíbit ne ḿbé Jébus.

Jóshwa 9:1 Iomraidhean Croise

2 Sámwel 24:7

Ne ba-dim kâng ba-wâa ké kyicê ńkyí busyísen, ké oshê mú Táya mú shwaneshwane, ba-dim ba-wâa ké kángkáng eshê nyí banet-Hyíbit ne ḿbé Kínan, ne ké nryî esim, ba/dim ba-wâa Byíshíba, ké kyicê-busyísen-esí nyí Júda.

Ézódos 23:23

Orím ejí mú onong o/chi o-ca běn kashú, o-kúng běn o-ca ne ben ké esí nyí banet ḿbé Ámórit ne nyí ḿbé Hyítat ne nyí ḿbé Périzit ne nyí ḿbé Kínan ne nyí ḿbé Hyíbit ne nyí ḿbé Jébus, ne n/chi n-ju kámbé.

Ézódos 23:31

Me n/chi n-chi buti-esí enen bu-nere bu-fím ké dyiga ńdyí Ákwaba tete bu-ribi ké kace ńké Yuférétyis, bu-fím to ké baya ḿbé Medeterényan bu-ribi ké kyikim-dyikán. Me n/chi n-kye běn busa ḿbú badakpógê bayén-esí, ne ba/chi ba-ró kámbé â ba-kú ba-câ kámbé ké abwô.

Ézódos 3:17

Me mm/bángê n/fu, n-fîm m kámbé ba-byí ké Éjip, nyí mbe ba-bên n kámbé dyitî, ne n/chi n-kúng kámbé n-ca ne mbé ké esí nyí edabát byiryíng, ké esí nyí banet ḿbé Kínan ne Hyítat ne Ámórit ne Périzit ne Hyíbit ne Jébus mbe ba-kyú u.

Ézódos 34:11

Tî n̂g byije ḿbyí me n/chi n-kye běn kurún. Me n/chi n-ró banet ḿbé Ámórit ne ḿbé Kínan ne ḿbé Hyítat ne ḿbé Périzit ne ḿbé Hyíbit ne ḿbé Jébus ba-dim, â ba-kú ba-fárâng ng kámbé ba-câ.

Nómba 13:29

Banet ḿbé Amálek mbe ba-kyú u ké kyicê-esí ńkyí busyísen. Ḿbé Hyítat ne Jébus ne Ámórit mbe ba-kyú u ké esí nyí eku éku. Banet ḿbé Kínan mbe ba-kyú u fáráng ne baya ḿbé badakó Medeterényan ne bakô-kace ńké Jódan.

Nómba 34:6

Buti ḿbú kyicê ńkyí esû edaríbî bu/chi bu-kyú ké baya ḿbé Medeterényan.

Dyitórónómyi 1:7

Bú n̂g boompyep enen ba-dim ba-wâa kashú. Ca n̂g ké esí-eku éku nyí Ámórit ne ké kángkáng byikit ḿbyí mbyi ányi fáráng, ba-ca ké owo mú kace ńké Jódan ne ké esí nyí eku éku ne byikit ḿbyí ndege ńdege ne ké kyikim-esí ńkyí busyísen ne ké bukô-baya ḿbé Medeterényan. Ca n̂g ké esí nyí Kínan, ba-ca kashú ba-shwôm eku nyí Lebánon tete ba-ribi ké kiǐtí-kace ńké Yuférétyis.

Dyitórónómyi 3:25

Mîng mě, ǎ Óburúkpâbí, n-nyáng kace ńké Jódan n-ri esí nyí edajang ebát byiryíng, nyí kyicê ńkyí áku, esí-eku éku nyí enong enong, ne eku nyí Lebánon.

Dyitórónómyi 4:49

Esí ányi e/mû e/kpaa to kyikim-esí ńkyí kyicê-kace-Jódan ńkyí esû edabyí tete a-ribi ké kyicê-busyísen, ké baya ḿbé Bukyû, e-ribi ké kyicê ńkyí esû edabyí, ké kyikû-kaku ńké Pyíga.

Dyitórónómyi 7:1

Óburúkpâbí mú mu Osówo enen o/chi o-bâ ne ben ké esí nyí ben ba/chi ba-da-nung ba-kyú ké nyǐ, ne o/chi o-ró eshê chwóó e-byí ké esí ányi. Â ba-kú ba-cen n ba-câ, nyǐ o/chi o-ró eshê káchâtkányi nyí e/rêe, ne nyi ne busa e-shwôm běn. Eshê ányi nyi banet ḿbé Hyítat ne ḿbé Gyígashit ne ḿbé Ámórit ne ḿbé Kínan ne ḿbé Périzit ne ḿbé Hyíbit ne ḿbé Jébus.

Jóshwa 1:15

tete ké nkéré mú baa/koo esí nyí nyi ké kyicê-kace ńkyí áku, nyí Óburúkpâbí mú Osówo enen oo/kye kámbé. Ké nkéré mú Óburúkpâbí oo/bwât kángkáng byikû-banet-Ézerel o-tî kanong, ben ba-man ebwa esim nyín ké esí nyí enen, ké kyicê ńkyí esû nyi e-byí i, ké kace ńkén, nyí Músis mú ḿgbán-Óburúkpâbí o/kye běn.

Jóshwa 1:4

Buti enen bu/chi bu-fím ké kyikim-dyikán ké kyicê-busyísen bu-ribi ké eku nyí Lebánon nyí nyi ké kyicê ńkyí bushûyû. Bu-fím ké kiǐtí-kace ńké Yuférétyis ké kyicê ńkyí esû nyi e-byí i, bu-shwôm ké oshê mú banet-Hyítat bu-ribi ké baya ḿbé Medeterényan ké kyicê ńkyí esû nyi e-ríbî ng e-jâ.

Jóshwa 10:23

Ba-bâa kâng ocím-bucim, ba-kpî kámbé

Jóshwa 11:17

Esí ányi e/yage kyi-fím ké kaku ńké Hálak, ńké nke ké kyicê ńkyí busyísen, fáráng ne oshê mú badakó Édom, tete e-ribi Bâl-Gât, mú mu ké kyicê ńkyí bushûyû, ké owo mú Lebánon, ké kyicê-busyísen-kaku ńké Hémon. Jóshwa o/nwa byití ne batu ḿbé ba/mû ké esí ńnyín kyi-rí kanong kanong, nké nyǐ o/kám kámbé ashí amúmú o-ju.

Jóshwa 13:5

Esí-banet-Gébal ne nyí banet-Lebánon emúmú, ké kyicê ńkyí esû edabyí, e-chi i nyí ebe, kyi-fím ké Bâl-Gât, mú mu ké kyicê ńkyí busyísen-kaku ńké Hémon, kyi-ribi ké kyikit ńkyí badayú kaku ánke, ké Hámat.

Jóshwa 15:12

mú mu buti ḿbú kyicê ńkyí esû edaríbî e-jâ. Banet ḿbé ba/fím ké kyikû-dyibóng ńkyí Júda nké mbe ba-kyú u ké kyikim-esí nyí bati ḿbén.

Jóshwa 22:4

Kántîk kâng, wǎ eringe nyí Óburúkpâbí mú Osówo enen o/mû o/ryí ocím, nyǐ oo/kye barî-banet-Ézerel enen bunyîn-dyityém. Bwa n̂g dyijê kâng ba-jâ ké esí nyí ben ba/koo e-firi nyí enen, esí nyí nyi ké Jódan, ké kyicê ńkyí esû edabyí, nyí Músis mú ḿgbán-Óburúkpâbí o/kye běn.

Jóshwa 23:4

Me nn/kúng esí-eshê nyí e/waa n-kye byikû-byikim-banet enen n/fu, efiri nyí ebe, cibicibi ne kángkáng eshê nyí me mm/kpógê kámbé, kyi-fím ké kace ńké Jódan ké kyicê ńkyí esû edabyí tete kyi-ribi ké baya ḿbé Medeterényan, ḿbé mbe ké kyicê ńkyí esû edaríbî e-jâ.

Jóshwa 24:11

Ben ba/nyáng Jódan ba-bâ Jéríku. Banet-Jéríku ba-nwa ne ben wǎ eringe nyí ḿbé Ámórit ne ḿbé Périzit ne ḿbé Kínan ne ḿbé Hyítat ne ḿbé Gyígashit ne ḿbé Hyíbit ne ḿbé Jébus ba/nwa ne ben. Nké me n/chi běn ba-kpógê kámbé ashí amúmú.

Jóshwa 3:10

O/fu, â ben ba-kú ba-câ kashú, nyǐ o-man o-ró banet ḿbé Kínan ne ḿbé Hyítat ne ḿbé Hyíbit ne ḿbé Périzit ne ḿbé Gyígashit ne ḿbé Ámórit ne ḿbé Jébus. Ben ba/chi ba-nyît ba/fu, Osówo mú mu okpó mu ne ben,

Jóshwa 3:17

Nkéré mú banet-Ézerel mbe ba-nyáng ng ba-câ ké esí nyí jwómjwóm, banchi kyifen-Osówo ḿbé ba/kúng mkpukpu-byěm-Óburúkpâbí ba/bwom ányi ké otyém-kace ké esí nyí jwómjwóm tete kángkáng banet ba-nyáng.

Jóshwa 5:1

Kángkáng batu-Ámórit ḿbé mbe ké kyicê-kace ńké Jódan, ńkyí esû nyi e-byí i, ne kángkáng batu to ḿbé Kínan, ḿbé mbe ba-kyú u ké bukô-baya ḿbé badakó Medeterényan ba/jwo ba/fu, Óburúkpâbí oo/chi Jódan o-núng tete banet-Ézerel ba-nyáng kánké. Bushî bu-róng kámbé kanong kanong.

Jóshwa 6:27

Óburúkpâbí o/mû ne Jóshwa, ne dyizîn emen dyi/káng ké oshê omúmú.

Jóshwa 9:7

Nké banet-Ézerel ba/bí kámbé ba/fu, ebóng bamu ba-ryuu ng ba/fu, be byichi kyikwáré ne ben. Kakíri ben bamu ba-kyú u nyín fáráng ne be.