Jóshwa 8:8 - Bokyi Bible

⁸ Ké nkéré mú baa/koo kámú, shí n̂g kámú wǎ eringe nyí Óburúkpâbí o/sét. Nyín něen ńkyí me n/sét běn.

Jóshwa 8:8 Iomraidhean Croise

2 Sámwel 13:28

O-sét bǎmgbán emen o/fu, kan n̂ achi, â Ámyinon oo/jwáp bato kanong kanong, ne â n/kye kâng busa, ju n̂g ǎ. *Da n̂g eshî*. Me oyén n/chi n-kúng busông ámbu. Shwane ê dyityém, ne *da n̂g ebên nkéré*.

Dyitórónómyi 20:16

Nké â ben ba/koo eshê nyí nyi ké esí nyí Óburúkpâbí mú mu Osówo enen mu o-kyâ běn, ju n̂g nang yeě nang yeě.

Jóshwa 1:16

Mbé ba-faa Jóshwa ba/fu, be byi-chi i nang ebóng chwǒm ńkyí a/sét bě, ne byi-câ to nang ebóng kyikit ńkyí a/twóm bě.

Jóshwa 1:9

Zîim a/fu, me nn/sét ǒ n/fu, fé busa a-kyú to ne dyityém dyibónge. *Dachi a-shî* a-jwâa asa* ké nǎ, me Óburúkpâbí mú Osówo eyên, me mu ne wo nang a-ca nyá nang a-ca nyá.

Jóshwa 6:24

Ba-mee okwâ kâng ba-fé ké oshê ba-shí kámú o-firi atông átong, cibicibi ne kángkáng byěm ḿbyí byi/mû ké mǔ. Kyi*da/shwôm byěm ḿbyí ba/chi ké gûl ne syílyíba ne borôn ne áyon, ḿbyí ba/kúng ba-tî ké nfût-byěm erôo mú Óburúkpâbí nké byi/waa*.

Jóshwa 8:13

Ba/bwât basúja ámbe ba-tî ké byití enwa, ba-bi bampyep chwóó ké kyicê ńkyí bushûyû-oshê ámu, basúja ḿbé áku ba-jâ ké kyicê-oshê ámu ńkyí esû edaríbî e-jâ. Jóshwa o-rí ányi ké owo ámu.

Jóshwa 8:2

A/chi a-chi oshê ámu ne otu ebe ńkyí a/chi Jéríku ne otu ebe. Nké ntáng mún, wo a-man n ekoo byěm ebe ne byitú ebe byi-firi ḿbyí enen. Kpá byiko a-kye kámbé bunwa kiǐmút ké esim nyí áku.

Jóshwa 8:22

Banet-Ézerel ḿbé ba/mû baa/nung ké oshê-Áyi, ba-fím áku ba-ba-fé abwô ké bunwa. Ba-wáp kâng banet-Áyi ba-fé ké otyém. Ba-ju kámbé ashí amúmú. Nang onet o*da/chêe* nang onet to o*da/waa okpó*.

Jóshwa 8:28

Jóshwa o-fé okwâ ké oshê ámu o-shí, o-mîng kámú o-waa éné. Kyikit ánkyi kyi/tôong éné tete kurún.

Jóshwa 8:7

Kyi-fím ányi kâng, ben ba/chi ba-byí áku ba-ba-koo oshê ámu. Óburúkpâbí mú Osówo eten o/chi o-kye běn oshê ámu.

Jóshwa 8:9

Jóshwa o-twóm kámbé kâng ba-dim. Ba-da-rem ké kyikit ánkyi ba-kûbám, ké kyicê-Áyi ńkyí esû edaríbî e-jâ, ké otyém ne otyém mú Áyi ne Bétel. Jóshwa o-waa ányi dyi-cé.

Jójis 4:6

Dyicí dyibónge, o/twóm o/fu, Bérek mú wǎn-Abyínwam, mú mu o-kyú u ké oshê-Kédeshi ké esí nyí Nafatályi obâ. O-sét ǎ o/fu, Óburúkpâbí mú Osówo-Ézerel nké o/raa ńkyín. O/fu, wo ayip égot-banet bajam bafee esim diǐkpú ké kyikû-banet ńkyí Nafatályi ne ńkyí Zébélon ba-kpî kámbé ba-ca ké kaku-Tábo.