Jóshwa 8:4 - Bokyi Bible

⁴ O-sét kámbé o/fu, ca n̂g ba-da-rem ké bukô-oshê ḿbú áku, *da n̂g echi ba-jang ng etíbî ne oshê*. Kpá n̂g byiko ḿbyí badakye kámbé bunwa.

Jóshwa 8:4 Iomraidhean Croise

2 Kyîng 7:12

Kyi/mû kyi/tôong buchú, nké otu o/bûu ké karíng emen o-kó banet-ashí-basúja emen o/fu, me n/chi n-sét běn ńkyí banet ḿbé Syírya mbe ba-nam m. Mbé mbe ba-nyît ng kyi-kim ne esong nyí e/róng nyín, ké bubwô ámbu, ba/mîng bampyep ebe ba-da-rem ké bakô. Mbe ba-kabe ng ba/fu, be byi/chi byi-mîng oshê byi-dim byiryíng edakyé, ne ké bubwô ámbu, mbé ba/chi ba-kám bě okpó, ba-koo oshê eten. [

2 Korónyíkil 13:13

Ké nkéré ámu, Otu Jérobâm o/mû o/twóm kyicê-basúja emen o/fu, bada-ját basúja ḿbé Júda ké esim, kyicê kyi-bwom kámbé ké kashú.

Ekyilyizátes 7:19

Bubong bu-chwáp ng onet bu-shwôm ochwâp mú batu diǐkpú badakye oshê.

Ekyilyizátes 9:16

Me kángkáng nkéré mu n-sét ng n/fu, bubong bu/shwôm busa, nké onet o*fí mú odakabe o/fu, onet-kyikpu mu ne bubong* o-tî nang atông ké ńkyí mu o-sét ng*.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 23:21

Nké *dachi a-bángê ne mbé* ké ebóng, banet ba-shwôm m bajam bafee ḿbé ba/chi ba-rem ké bukwóp ba-kû ǎ ebám. Banet ámbe baa/ryí ocím ba-sem Osówo ba/fu, mbé baa*ryí byiryíng* ba-jwáp nang chwǒm* tete mbé ba-ju ǎ. Baa/kpá byiko kántîk ḿbyí ba/chi ba-chi kánkyí, ne mbe ba-bám m ba-jwo ńkyí wo a/chi a-sét.

Jóshwa 8:16

Banet-Áyi ba-kó kángkáng banet ḿbé ké oshê kyikit kyibónge ba/fu, baca ne banet-Jóshwa ké kyikû. Nkéré mú mbe ba-ró ng kámbé éné ba-câ, mbe ba-tíbî ng otíbíng ba-câ fím ké oshê.

Jóshwa 8:3

Jóshwa o-kpá kâng byiko ḿbyí badadim Áyi ne basúja emen bamúmú. O-cá bajam-égot-banet káchâtkányi esim batánge ḿbé badaman enwa byití ba-shwôm, o-twóm kámbé ba-dim ké buchú ámbu.

Jójis 20:29

Banet-Ézerel ba-da-tî kâng basúja bakíri ké karem ba-wâng Gyíbya ba-fé ké kafâ.

Jójis 20:33

Nkéré mú bujê-basúja-Ézerel ba/tín kâng ba-bwa esim ba-da-cibi barî ké Bâl-Táma, basúja ebe ḿbé ba/mû ba/wâng Gyíbya ba-kpû okpúng ké byikit ḿbyí ba/mû ba/rem ké esí nyí aká áka fáráng ne [Gyíbya.]

Jójis 20:36

Ne banet-Běnjámin ba-nyît ba/fu, baa/kpógê kámbé. Bujê-basúja ḿbé Ézerel ba/bwa kyikû esim ésim ké bushú-banet-Běnjámin, ké nǎ, mbé ba/mû ba/jêem esim ne banet ebe ḿbé ba/mû ba/tî kámbé ké karem fáráng ne Gyíbya.

Jójis 9:25

Banet-Shékem ba-twóm banet ba-da-fé njât kyíbóng-eku eringe badakám Abyímélek. Banet ámbe ba/bam nang yeě nang yeě mú o/shwôm ányi byěm ba-koo. Ba-da-sét Abyímélek kyi-kim ne nkyí.

Jójis 9:32

Ké bubwô ámbu kâng, wo ne banet eyên, dim m̂ ké buchú ba-ba-rem ké byifát.

1 Sámwel 15:2

O/fu, nyǐ o/chi o-kye banet ḿbé Amálek busông, ké nǎ, banchí ebe ḿbé kpákpá ba/mû ba*da/bángê banet-Ézerel ba-shwôm ké esí ebe* ńdyí mbe byi-byí i ké Éjip*.

1 Sámwel 15:5

Nyǐ ne banet emen ba-dim kâng ba-wâa ké oshê-Amálek ba-da-fé njât ké otyém-kace ńké kaa/núng ba-kpet ebám.