Jóshwa 8:2 - Bokyi Bible

² A/chi a-chi oshê ámu ne otu ebe ńkyí a/chi Jéríku ne otu ebe. Nké ntáng mún, wo a-man n ekoo byěm ebe ne byitú ebe byi-firi ḿbyí enen. Kpá byiko a-kye kámbé bunwa kiǐmút ké esim nyí áku.

Jóshwa 8:2 Iomraidhean Croise

2 Korónyíkil 13:13

Ké nkéré ámu, Otu Jérobâm o/mû o/twóm kyicê-basúja emen o/fu, bada-ját basúja ḿbé Júda ké esim, kyicê kyi-bwom kámbé ké kashú.

2 Korónyíkil 20:22

Ké nkéré mbé ba/kpet ekwán, Óburúkpâbí o/chi basúja ḿbé mbe ba-kyâ kámbé bunwa ba-firi byiryibyiryi ké bushî.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 39:6

Ké ntûntû, onet mu wǎ kiǐríribí. Kángkáng byěm ḿbyí nyǐ mu o-chi i mu o-chi i dyikáá. Nyǐ mu o-wuri ng esang, nké nyǐ o*fí o-nyît ng onet mú o/chi o-kúng kányí*.

Póróvep 13:22

Onet mú mu o-chi i kanong o-já ng esang nyí bwǎn ḿbé bwǎn emen badaryí bukyû, nké esang nyí banet-byibî e-jâ e-kâm banet ḿbé mbe ba-chi i kanong. [

Póróvep 28:20

Banet ḿbé mbe ba-sét ng ntûntû mbe ba-kyú u dyikpen ńdyí bunyîn-dyityém chwóó, nké â wo amu a-kyé ng esang ejá babap, Osówo o/chi o-kye ǒ busông.

Jeryimáya 17:11

Onet mú mu o-já ng akpuga ké bukwóp ḿbú boo*nwa* mu wǎ kanurung ńké kadacép ácě nyí ka*da/mîng*. Esang emen e-tánê e ǎ ne bubwásíng, ne ké nkuli kyikû, o-firi enyam-onet.

Jeryimáya 51:12

Tông n̂g ekap nyí byidabên ekpe nyí Bábyílon. Fé n̂g banet-mbâm ba-jê. Tî n̂g basúja ké byikit. Fé n̂g banet-njât. Óburúkpâbí oo/chi ńkyí nyǐ o/fu, nyǐ o-chi i banet ḿbé Bábyílon.

Dyitórónómyi 2:35

Byi/kúng byitú ebe, byi-koo byěm-oshê ebe.

Dyitórónómyi 20:14

Ba-man n ekúng banyinyi ne bwǎsíng ne byitú ne kángkáng byěm byikíri ké oshê ámu ba-dim ne mbyí. Ba-man n ekúng nang ebóng chwǒm ńkyí kyi/mû kyi/já banet-bushwôn enen kyi-firi ńkyí enen. Óburúkpâbí nké oo/kye běn kámbyí.

Dyitórónómyi 3:2

Nké Óburúkpâbí o/sét mě o/fu, *dachi eshî ǎ*. Me n/chi n-kúng ǎ ne banet emen ne kángkáng esí emen n-kye ǒ. Chi ǎ wǎ eringe nyí a/chi Otu Síhon mú otu-Ámórit, mú o/mû otu ké Héshibon.

Jóshwa 10:1

Otu Adónyizédek mú otu-Jerúsélem o/jwo ba/fu, Jóshwa oo/koo Áyi o-bên kámú nang kaǎchwóm ka*da/waa* o-ju to otu ebe o-cibi ányi, wǎ eringe nyí o/chi Jéríku ne otu ebe. O-jwo to ba/fu, banet-Gyíbwon baa/chi kyikwáré ne banet-Ézerel, ne ba-kú ba-kyú u ne mbé to.

Jóshwa 10:28

Jóshwa o/dakye banet-Makéda bunwa ké ochíchí-dyicí ándyi, o-koo kámú, o-kám to otu ebe. O-ju kángkáng banet ḿbé ba/mû ké oshê ámu. Nang onet o*da/waa*. O-ju otu-oshê ámu wǎ eringe nyí o/ju otu-Jéríku.

Jóshwa 11:14

Banet-Ézerel ba-yip kángkáng byěm ḿbyí byinong ne byitú ḿbyí byi/mû ké eshê ányi, ba-tî byiko ebe. Nké mbé ba/ju kángkáng banet ḿbé ba/mû ké eshê ányi, nang onet o*da/waa*.

Jóshwa 6:21

Ba-zú bushwám ba-ju kángkáng banet ḿbé ba/mû ké oshê ámu, banyinchéng ne banyinyi ne bwǎsíng ne bakâa. Ba-ju to bampong ne etám-ebû ne boonyam-atû.

Jóshwa 8:12

O-yip égot-basúja nang bujam esim etánge ba-da-rem ké kyicê-oshê ńkyí esû edaríbî e-jâ, ké otyém ne otyém mú Áyi ne Bétel.

Jóshwa 8:14

Ké nkéré mú otu-Áyi o/ri basúja-Jóshwa, o-kpá okpáng byiko babap. Nyǐ ne banet emen bamúmú ba-dim ba-wâa ḿbú owo mú ké Jódan eringe nyí badanwa ne banet-Ézerel ké ochíchí-kyikit mú ba/mû baa/nwa. Nyǐ o*da/nyît o/fu, ba/chi ba-kye ǎ bunwa kwán ké esim*.

Jóshwa 8:19

Ne ńdyí nyǐ o-bêem m bubwô kyíbóng o-bâ, banet ḿbé ba/mû ba/darem éné ba-bûu obúng nensang, ba-zóngê ba-nung ké oshê ba-da-koo kámú. Ba-waa owǎng ba-mee okwâ ba-fé ké mǔ.

Jóshwa 8:24

Banet-Ézerel ba-ju kángkáng banet-bushwôn ebe ḿbé mbe ba-kyú u ké kyikim-dyikán ánkyi, ké kyikit ńkyí ba/mû baa/ró kámbé ba-chêe. Ba-bwa esim kâng ké Áyi ba-da-ju kángkáng banet ḿbé ba/mû ányi.

Jóshwa 8:3

Jóshwa o-kpá kâng byiko ḿbyí badadim Áyi ne basúja emen bamúmú. O-cá bajam-égot-banet káchâtkányi esim batánge ḿbé badaman enwa byití ba-shwôm, o-twóm kámbé ba-dim ké buchú ámbu.

Jóshwa 8:7

Kyi-fím ányi kâng, ben ba/chi ba-byí áku ba-ba-koo oshê ámu. Óburúkpâbí mú Osówo eten o/chi o-kye běn oshê ámu.

Jóshwa 8:8

Ké nkéré mú baa/koo kámú, shí n̂g kámú wǎ eringe nyí Óburúkpâbí o/sét. Nyín něen ńkyí me n/sét běn.

Jóshwa 8:9

Jóshwa o-twóm kámbé kâng ba-dim. Ba-da-rem ké kyikit ánkyi ba-kûbám, ké kyicê-Áyi ńkyí esû edaríbî e-jâ, ké otyém ne otyém mú Áyi ne Bétel. Jóshwa o-waa ányi dyi-cé.

Jóshwa 9:3

Nké banet-Gyíbwon, ḿbé ba/mû banet-Hyíbit, ba/jwo ńkyí Jóshwa o/chi banet-Jéríku ne ḿbé Áyi.