Jóshwa 8:1 - Bokyi Bible

¹ Óburúkpâbí o-raa ne Jóshwa o/fu, kpî basúja eyên bamúmú a-ca ne mbé ké Áyi. *Dachi a-shî* a-zú to nang dyityém*. Me n/chi n-chi ǒ a-kpógê otu-Áyi ne banet emen ne oshê ámu, ne esí ányi e/chi e-firi nyí enen.

Jóshwa 8:1 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 27:1

Óburúkpâbí nké mu mě kiinwángé ne Onet-Onyii ejí. Me mm*ba/chi n-shî onet nang obónge*. Óburúkpâbí mu o-ku ng mě ké kángkáng afaníkong. Me mm*ba/chi n-shî*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 44:3

Banet eyên ba*da/kúng bushwám ebe ne ba-kpógê esí ányi ba-koo*. Ba*da/koo kányí ké busa ḿbú ebe*. Kyi/mû ké bubwô eyên ne busa eyên ne osêt mú a/sét kámbé ntûntû a/fu, wo oyén a-kyú u ne mbé nké kyi/tông kyi/fu, mbé mbe ba-jê ng ǒ.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 46:11

Óburúkpâbí mú o/rêe o-shwôm mu ne be. Osówo mú Jekôp nké mu kyikit-dyirem eten.

Azáya 12:2

Osówo nké mu o-nyii ng mě. Me n/chi n-fé dyityém ne nyǐ, mm*ba/chi n-shî*. Óburúkpâbí mu o-kyâ mě busa ejí ne okwan ejí. Nyǐ nké mu o-nyii ng mě.

Azáya 43:2

 ba/shwôm ké buce ḿbú bu/ríbî, me n/chi n-kyú ne ben. Afaníkong enen aa*ba/chi a-shwôm běn busa*.  ba/shwôm ké okwâ, oo*ba/chi o-shí běn*. Biimbâng-okan ḿbyí byi/chi byi-bâ bii*ba/chi byi-chi běn chwǒm*.

Jeryimáya 46:27

Banet ejí, *da n̂g echi ba-shî*. Banet ḿbé Ézerel, *da n̂g eshî*. Me n/chi n-nyii běn ké esí ányi nyí tíbítíbí, ké esí nyí ben bamu bamgbokobá. Ben ba/chi ba-bwa esim dyijê ba-ba-kyú ké bunyîn-dyityém. N/chi n-ku běn, ne onet o*fí mú o/chi o-chi běn ba-shî*.

Jeryimáya 49:3

Banet ḿbé Héshibon, tii n̂g. Baa/bên Âyi. Banyinyi ḿbé Rába, ta n̂g dyikán. Fé n̂g ekâa-byídí ba-ta dyikán. Zóngê ê ochéé mú ba/firi yógeyóge. Ba/chi ba-kúng osówo enen Myíkom ba-dim ne nyǐ oshê okíri, cibicibi ne banet-ashí emen ne banchi kyifen emen.

Dányel 2:21

Nkéré mu ké bubwô emen. Nyǐ o-kúng ng batu ne o-fîm m batu. Nyǐ nké mu o-kyâ byinyídíng ne bubong.

Dányel 4:25

Ba/chi ba-ró ǒ ké burwám-banet ne a/chi a-kûkyú ne enyam-dyikán. Wo a/chi a-kûryí biǐbyâa wǎ mpong ké aje káchâtkányi, ne a-kû ng erí kyíjí gbúúl, kyibû kyi-kû ǒ ena. Ne wo a/chi a-bángê kâng a/fu, kángkáng batu-banet mbe ké bubwô ḿbú Osówo mú o/rêe o-shwôm, ne nyǐ o-man n ekúng kámbé o-kye onet mú o/nyîn ǎ.

Dányel 4:35

Nyǐ mu o-tún n banet-ejíí wǎ ba*da/byí chwǒm*. Barím ḿbé banong kyíbóng ne banet-ejíí mbe ké bubwô emen. Onet o*fí mú odané okabe emen* o-bí nang ḿbím ké ńkyí nyǐ mu o-chi i*.

Mátyuu 8:26

Jisos o-faa kámbé o/fu, ben bamu ba-jang ng eshî ebóng. Dyityém enen ńdyí ba/fé ne me dyi*da/jê*. Ne o-bûu kâng nensang o-nyán afú ne bunâng-baya. Ne byikit kángkáng byi-chee beem!

Dyitórónómyi 31:8

Óburúkpâbí oyén o/chi o-tông ǒ kiǐfáng, o-kyú ne wo ké kyikû. Nyǐ oo*ba/chi o-fé ǒ bushú kyísí* o-mîng ǒ kǎnchí*. Ké bubwô ámbu, *dachi a-jwâa asa* a-shî nang oshî*.

Dyitórónómyi 7:18

*Da n̂g echi ba-shî kámbé*. Zîim m̂ ńkyí Óburúkpâbí mú mu Osówo enen o/chi otu mú Éjip ne kángkáng banet emen.

Dyitórónómyi 7:21

Ké bubwô ámbu, *da n̂g echi ba-shî banet ḿbén*. Óburúkpâbí mú mu Osówo enen mu ne ben. Nyǐ o-chi i Osówo mú kiǐtí, mú bada ǎ eshî.

Jóshwa 1:9

Zîim a/fu, me nn/sét ǒ n/fu, fé busa a-kyú to ne dyityém dyibónge. *Dachi a-shî* a-jwâa asa* ké nǎ, me Óburúkpâbí mú Osówo eyên, me mu ne wo nang a-ca nyá nang a-ca nyá.

Jóshwa 10:7

Jóshwa ne basúja emen kángkáng, cibicibi ne basúja emen ḿbé badajang enwa byití, ba-zûu ké Gyígal.

Jóshwa 10:8

Óburúkpâbí o-sét Jóshwa o/fu, *dachi a-shî kámbé*. Me nn/chi ǒ a-kpógê kámbé. Nang onet obónge ké burwám ebe oo*ba/chi o-man ebwom bunwa ne wo*.

Jóshwa 2:24

Ba-sét ǎ kâng ba/fu, be byimu byi-nyît ng byi/fu, Óburúkpâbí oo/kye bě oshê ámu omúmú. Banet ámbe bamúmú mbe ba-shî ng bě.

Jóshwa 6:2

Óburúkpâbí o-sét Jóshwa o/fu, me mu m-bâ ebakúng Jéríku ne otu ebe ne bakân-basúja emen n-fé ǒ ké abwô.

Jóshwa 7:9

Banet-Kínan ne kángkáng banet ḿbé mbe nyín ba-man ba-jwo kyi-kim ne nkyí. Mbé ba-man ba-ba-wâng bě ashí amúmú ba-ju. Wo a/chi a-chi nǎ kâng ne a-ku dyizîn eyên.