Jóshwa 7:5 - Bokyi Bible

⁵ Banet-Áyi ba-ró kámbé kyi-fím ké dyifyi ńdyí ké dyishí-bukwóp-oshê ba-ribi ké kyikit ńkyí badasé aká. Ba-ju banet nang bujam esim onyiryiká ne din, nkéré mú mbe ba-shû ng kaku ba-bâ. Kyi-fím ányi kâng, banet-Ézerel ba-zú dyityém.

Jóshwa 7:5 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 22:14

Busa ejí boo/man. Boo/man éné wǎ omu mú ba/pwó kyísí. Byikúú ejí kángkáng bii/zóngê. Dyityém ejí dyi/firi éné wǎ burwan nké mbu bu-nyange e mě ké kafâ. [

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 58:7

Kyi/bát barím wǎ omu mú mu o-núng ng. [Kyi/bát bacím kámbé wǎ biǐbyâa ḿbyí ké kiǐfáng.]

Azáya 13:7

Abwô nyí nang yeě nang yeě a/chi a-róng, ne asa a/chi a-jwâa nang yeě nang yeě.

Ezékyel 21:7

 ba/bí ǒ ńkyí kyi/chi ne wo amu a-shwám m, sét kámbé a/fu, wo amu a-shwám m ké bubwô-kyitwóm ńkyí nkyi kyi-bâ. Ké nkéré kii/bê, atyém ebe a/chi a-sú ne bushî. Abwô ebe a/chi a-firi kyeekyee, ne asa a/chi a-man kámbé, ne arông ebe a/chi a-tím banê. Nkéré oo/fyi, ne oo/ribi nyín. Óburúkpâbí mú mu Otu Kyítá nké o/raa.

Lyívyítyíkus 26:36

N/chi n-chi běn ben mú ba/chi ba-kám běn ba-dim ne ben ba-firi ne bushî ḿbú kyicoge ńkyí bushǎan ḿbú afú nyi a-tugi ng kámbú kyida běn echi ba-byí ne ochéé. Ba-zóngê wǎ mbe ba-nwa ng ne ben ké byití, ne ba/chi ba-myii nang onet-bushwôn enen o*fí běn fáráng*.

Náhum 2:10

Baa/bên Nyínyíve, banet baa/chêe ké mǔ ne oo/waa kafâ dyikáá. Atyém aa/kyee ké bushî, arông a-kú a-tím m kámbé banê, busa boo/man kámbé, bashú baa/kpú.

Dyitórónómyi 1:44

Ne banet-Ámórit ḿbé ba/mû ba-kyú u ányi kâng ba-byí bunwa ne ben wǎ bakwan. Ba/zóngê ne ben ké kyikû tete ba-ribi ké Hóma, ba-kpógê běn ányi ké esí-eku éku nyí Édom.

Jóshwa 2:11

Bushî bu/kám bě kanong kanong ńdyí byi-jwo ng kánkyí byi-bâ. Óburúkpâbí mú mu Osówo enen o-chi i Osówo mú bubóng ne esí ńnyín.

Jóshwa 2:9

o-sét kámbé o/fu, me mu n-nyît ng n/fu, Óburúkpâbí oo/kye běn esí ńnyín. Nang yeě nang yeě ké oshê mún mu o-shî ng běn.

Jóshwa 5:1

Kángkáng batu-Ámórit ḿbé mbe ké kyicê-kace ńké Jódan, ńkyí esû nyi e-byí i, ne kángkáng batu to ḿbé Kínan, ḿbé mbe ba-kyú u ké bukô-baya ḿbé badakó Medeterényan ba/jwo ba/fu, Óburúkpâbí oo/chi Jódan o-núng tete banet-Ézerel ba-nyáng kánké. Bushî bu-róng kámbé kanong kanong.