Jóshwa 7:4 - Bokyi Bible

⁴ Ké bubwô ámbu, égot-basúja nang onyiryiká ba-dim kâng ba-ca ba-da-kye bunwa. Nké oshê ámu ba/tín kámbé ké busa ba-bwa esim.

Jóshwa 7:4 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 89:43

Wo aa/chi byiyám-byití emen byi-waa kyísí dyikáá, a-chi ba-kpógê ǎ ké byití.

Azáya 30:17

Égot-banet enen etánge e/chi e-chêe ké nkéré baa/ri onet-súja mú onet-bushwôn enen obónge, ne basúja batánge ba/chi ba-chi běn ben ashí amúmú ba-chêe. Onet-súja enen nang obónge oo*ba/chi o-waa* kyi-cibi ne onet mú mu o-níbî ng ekap-oshê kǎnchí* kyíbóng-kaku*.

Azáya 59:2

Nkyi ké bubwô ḿbú byibî enen nké o*fí o-jwo ng běn*. Byibî enen nké mbyi byi-pap ng běn ne Osówo ké nkéré ba-kú ba-kan n ba/fu, ba-fâ ǎ.

Lyívyítyíkus 26:17

Me n/chi m-bírî běn esim eringe nyí bada běn ekpógê, ne banet ḿbé bamu ba-sa ng kámbé kafâ nké ba/chi ba-firi batu enen. Bushî bu/chi bu-róng běn ḿbú ba/chi ba-kûchêe nang onet o*fí o-nwa ng ne ben*.

Dyitórónómyi 28:25

Óburúkpâbí o/chi o-chi banet-bushwôn enen ba-kpógê běn. Ba-fím m kyicê kyibónge ba-kye běn bunwa, nké ba-chêe ng kámbé ba-jâ byicê byimúmú, ne bushî bu/chi bu-róng kángkáng banet ḿbé ké ejíí ké nkéré baa/ri ńkyí nkyi kyi-chi i běn.

Dyitórónómyi 32:30

Ebóng onet obónge o/ju égot-banet etánge, banet bafee ba-ju égot-banet diǐkpú. Óburúkpâbí mú mu Osówo ebe oo/mîng kámbé. Kiǐtí-Onet-Onyii ebe oo/kúng kámbé o-kye banet-bushwôn ebe.

Jóshwa 7:3

ba/basét Jóshwa ba/fu, kyi*fí ńkyí basúja bamúmú badace*. Twóm égot-basúja nang diǐkpú nang onyiryiká nké nke ba-ca. *Dachi a-twóm basúja bamúmú*. Oshê ámu o*da/rêe*.