Jóshwa 7:3 - Bokyi Bible

³ ba/basét Jóshwa ba/fu, kyi*fí ńkyí basúja bamúmú badace*. Twóm égot-basúja nang diǐkpú nang onyiryiká nké nke ba-ca. *Dachi a-twóm basúja bamúmú*. Oshê ámu o*da/rêe*.

Jóshwa 7:3 Iomraidhean Croise

Póróvep 13:4

Onet-dyidare nang o-ryuu chwǒm nǎ! oo*já kánkyí*. Nchi bǎmkpóngé o-fé busa o-já ng nang ebóng ńkyí mu o-ryuu ng.

Póróvep 21:25

Onet-dyidare mú mu o-né ng bǎmkpóngé echi mu o-ju ng byiko emen nyǐ oyén.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 13:24

yip n̂g busa enen kángkáng ba-kan eringe nyí badashwôm ké dyifyi ńdyí dyi*da/rêe*. Ké ebóng, me mu n-sét ng běn ké ntûntû n/fu, banet chwóó ba/chi ba-kan ba/fu, mbé ba-nung ng, nké baa*ba/chi ba-man enung*.

Hyíburus 4:11

Bâ n̂g kâng byi-nwa ne busa eten, eringe nyí byidanung byi-da-jáng ne Osówo. Be ashí amúmú bii*man byi-né wǎ eringe mbé ba/né* ne ba*da/man ece ké kafâ*.

Jóshwa 7:2

Jóshwa o-twóm banet ké Jéríku o/fu, baca oshê mú odabángê Áyi, ba-da-kyé kyikû kyi-kim ne mǔ. Oshê ámu mu ké kyicê-oshê mú badakó Bétel, ńkyí esû edabyí, fáráng ne oshê mú badakó Betáben. Ké nkéré mú baa/ce ba-bwa esim dyijê,

Jóshwa 7:4

Ké bubwô ámbu, égot-basúja nang onyiryiká ba-dim kâng ba-ca ba-da-kye bunwa. Nké oshê ámu ba/tín kámbé ké busa ba-bwa esim.

2 Pyíta 1:10

Ké bubwô ámbu kâng, ǎ bwǎn-bané ejí, kan n̂ ba-shwôm oshwǒm, eringe nyí badabwom kíngkíng ké dyikô ńdyí Osówo o/kó běn ne ocâ emen mú o/cá běn. Ké ebóng, â bamu ba-chi i éné, baa*ba/chi ba-róng*.

2 Pyíta 1:5

Ké bubwô ḿbún, kan n̂ byiko enen, eringe nyí badasû kanong echi ké dyityém enen ńdyí ba/fé ne Osówo, eringe nyí badasû byinyídíng ké kanong echi,