Jóshwa 7:21 - Bokyi Bible

²¹ Ké burwám-byěm ámbyi ḿbyí byi/koo éné, n/ri kyídí ńkyí kyinong kyinong, ńkyí banet-Bábyílon ba/chi, ne syílyíba mú odaró wǎ bakyílogaram bafee, ne ochu-gûl mú odaró o-shwôm kyicê-kyílogaram. Byi/nyîn mě kanong kanong, n-yip kámbyí kâng. A-ri ng kámbyí ké n/sím n-fé kyísí ké kafâ-mpyep ejí, kyíbóng-syílyíba.

Jóshwa 7:21 Iomraidhean Croise

Jénésis 10:10

Ké mbwôp kashú, eshê nyí Bábyílon ne Érek ne Ákat e/mû ké bubwô emen wǎ otu. Eshê ńnyín echât e/mû ké Bábyílon.

Jénésis 3:6

Ké nkéré mú mú onyinyi o/nyît kâng o/fu, kyichí ánkyi ba-ryí i, ne nkyi kyi-nwa ng, ne â onet o/ryí kánkyí o-firi ng ne bubong, o/bóng kyirim emen o-ryí. O-bóng to o-kye otyép emen o-ryí.

Jénésis 34:27

Ńdyí ba/ju kámbé éné, bwǎn-Jekôp ḿbé áku ba-da-nung ké oshê ba-wuri byěm ba-só kámbé ewa nyí ba/fé wǎn-boné ebe mú onyinyi éshwân.

Jénésis 6:2

kyicê-[barím-Osówo] ba/cá bwǎn-banyinyi ḿbé banong banong, ḿbé banet ba/fwon, ba-bé kámbé.

2 Sámwel 11:2

Dyicí dyibónge, ányi esû e-kú e-jwâa ng e-câ, Otu Dívit o/jwóbê ké achi nyí o/mû mu o-nya ng, o-yú o-jâ kyíbóng-kyibám-butu. Ńdyí mu o-koo ng bufú áku kyíbóng, o/ri onyinyi obónge mu o-kôo ng omu. Onyinyi ámu o/nwa búsé kanong kanong.

2 Kyîng 7:8

Ké nkéré mú banyinchéng ámbe ashí anyii ba/ribi ké bukô-bampyep ámbe, ba-da-nung ké mpyep obónge, ba-ryí byiryíng ba-jwáp bato ḿbé ba/ri ányi, ba-wuri syílyíba ne gûl ne byídí ḿbyí ba/ri, ba-yip kámbyí ba-da-rôo. Ba-bwa esim ba-da-nung ké mpyep okíri ba-chi eringe ebónge.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 31:1

Me nn/ryí ocím n-sem dyizîn-Osówo n/fu, nn*tún wǎn-onyinyi achi*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 119:37

*Da mě emîng n-tî dyityém ké chwǒm ńkyí kyi*fí ké chwǒm*. [Nwa dyityém ne me eringe nyí wo aa/ryí ocím.]

Ézódos 20:17

*Da n̂g eryuu ba/fu, ba-koo ng kyise ńkyí onet okíri*. *Da n̂g eryuu ba/fu, ba-koo ng onyi emen* nang básóng emen* nang byitú emen* nang ebóng chwǒm kyikíri ńkyí mu ne nkyí*.

Póróvep 1:19

Kajii ejii kángkáng nkéré ka-cen n ne bukyû ḿbú njii kajii. [Eringe ebónge to ne] onet mú dyikpen emen ndyi ké anwa enwa.

Póróvep 23:31

*Damîng bato ba-nîm ǒ nang mbe ba-nyîn n nǎ* nang mbe ba-fyí i ké mmîk, nang mbe ba-shwôm m ké omiríng kanong kanong*.

Póróvep 28:22

Onet-kanim o-ryuu ng akpuga ejá babap ne oo*nyît nkéré mú kyikpu kyi/chi kyi-bâ*.

Póróvep 4:23

Bwom chee a-kabe. Okabe eyên nké mu wǎ dyijwáng ńdyí dyikpen eyên.

Azáya 28:15

Ben bamu ba-nyîim m esim ba/fu, ben baa/ryí ocím ne bukyû ne oshê-bakúsí. Ben ba/firi dyityém dyibónge ba/fu, ké nkéré busông boo/bê, boo*ba/chi bu-ta běn* ké nǎ, ben bamu ba-jêem m esim ne byisédéng ne boǒnínǐm ba/fu, byi/chi byi-chi běn ba-fem.

Azáya 29:15

Banet ḿbé mbe ba-kan n ba/fu, mbé ba-rôo ng Óburúkpâbí okabe ebe mbe ké busông. Mbé mbe ba-chi i byibî-byěm ebe ké kajii, ba-kabe ng ba/fu, onet o*fí mú mu o-ri ng kámbé* o-nyît nang onyît ńkyí mbé mbe ba-chi i*.

Habákuk 2:9

Ben ba/firi ké busông. Ben baa/chi byikû-banet enen byi-fang ké byěm ḿbyí bamu ba-koo ng ké busa, ne baa/bi byise enen eringe nyí kyibî-chwǒm kii*ta kámbyí*.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 12:15

Ne o-chîraa o-ca kashú o-sét kámbé ashí kángkáng o/fu, kû n̂g etún achi ba-bám m byiko enen ké kángkáng azong-byěm eshwam. Ké ebóng, ochíchí-dyikpen ńdyí onet dyi*fí ké byěm ḿbyí nyǐ mu ne mbyí* nang o-bwa o-já esang nǎ*.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 12:2

Nang ebóng chwǒm ńkyí ba/cít kánkyí ba/chi ba-bâa. Nang ebóng chwǒm to ńkyí nkyi ké kadip kyi/chi kyi-byí kyíjí.

Efyíshan 5:3

Ké bubwô ḿbú ben bamu banet-Osówo, kyi*da/nwa ńkyí ben badakûraa nang kaǎchwóm ne barî kyi-kim ne byibî-byěm echi* nang kyi-kim ne karíng erí ne banet byiryibyiryi* nang ne byěm eshwam*.

Efyíshan 5:5

Nyît n̂g ńkyín ké ntûntû ba/fu, onet mú mu o-chi i byibî-byěm, o-rí i ne banet byiryibyiryi, ne o-shwam m byěm o*fí nang obónge* mú o/chi o-já mpât ké Butu ḿbú Karâs ne Osówo ne banyá*. Ké nǎ, â wo amu a-shwam m byěm, ányi kyi/byí, amu a-kyâ byěm ofê a-shwôm Osówo oyén.

Dyitórónómyi 7:25

Shí n̂g erím-bakye ebe. Basyílyíba ne bagûl ḿbé mbe ké nyǐ ba*dachi ba-jê běn* ne *da n̂g echi ba-kúng kámbé ba-já běn*. Â ba/chi éné, kyi/chi kyi-kyú běn wǎ kaǎtám, ké nǎ, bakye esháng ba-nut ng Óburúkpâbí.

Kolóshan 3:5

Ben ba-man ba-mîng kâng dyikpen enen ńdyí bamu ba-kyú u wǎ eringe nyí byibî-atyém enen nyi a-sét ng běn, wǎ byibî-byěm echi ne karíng erí ne banet byiryibyiryi ne babép ebép ne dyityém etî ké byěm-ociring ne byěm eshwam. Ké ebóng, byěm eshwam mbyi wǎ bakye esháng.

Hyíburus 13:5

Kyijé ńkyí akpuga kyi*dachi kyi-kyú běn fáráng ne akpen enen*. Ńkyí bamu ne nkyí kyikwárê běn. Ké ebóng, Osówo oo/fu, me mm*ba/chi m-mîng běn ne banyá*. Me mm*ba/chi n-twóp běn n-dim ne banyá*.

Jêmsyi 1:15

Kyibî-okabe emen kâng kyi-koo dyifít, kyi-fwon kyibî, ne ké nkéré kyibî ánkyi kii/kán kanong kanong, kyi-fwon bukyû.

Jóshwa 7:20

Ákan o-faa o/fu, ntûntû, nkyi éné. Me nn/chi kyibî ké bushú ḿbú Óburúkpâbí mú Osówo-Ézerel. Něen nké n/chi.

Jóshwa 7:22

Jóshwa o-twóm kâng kyicê-banet, ba-zóngê ba-da-ri byěm ámbyi wǎ eringe Ákan o/sét.

2 Pyíta 2:15

Mbé baa/mîng kiǐfáng ńkyí dángdáng, ne baa/tánê bukwóp. Mbé baa/kúng kiǐfáng ńkyí Bálim mú wǎn-Bwô o/kúng, mú o/mû ne kyijé-akpuga nyí nyǐ o/chi o-já ké byibî-byěm echi,