Jóshwa 7:2 - Bokyi Bible

² Jóshwa o-twóm banet ké Jéríku o/fu, baca oshê mú odabángê Áyi, ba-da-kyé kyikû kyi-kim ne mǔ. Oshê ámu mu ké kyicê-oshê mú badakó Bétel, ńkyí esû edabyí, fáráng ne oshê mú badakó Betáben. Ké nkéré mú baa/ce ba-bwa esim dyijê,

Jóshwa 7:2 Iomraidhean Croise

Jénésis 12:8

Ńdyí o/bi kánkyí, o/dim ḿbú busyísen o-byí ké esí nyí eku éku nyí e/mû ké kyicê-Bétel ńkyí esû edabyí, o-da-bi boompyep emen ḿbú badabi ké byídí, ké otyém ne otyém mú Bétel ne Áyi. O/bi to kyikit-kyifen echi ányi ńkyí o/mû o-fâ Óburúkpâbí.

Jénésis 28:19

O-fé kyikit ánkyi dyizîn, Bétel. Oshê mú o/mû ányi ba/mû ba-kó ng kámú Lûz.

1 Kyîng 12:29

O-yip mpong-gûl ámu obónge o-tî ké Bétel, o-yip mú obónge o-tî ké Dǎn.

Nehemyâ 11:31

Banet ḿbé ba/fím kyikû-banet ńkyí Běnjámin ba/kyú ké Géba ne Mékyímashi ne Âyi ne Bétel ne boǒshê ḿbú bu/fárâng kányí.

Póróvep 20:18

Koo bacê ne kyi/chi kyi-nwa kyi-kye ǒ. Kabe kpá ne a-dim byití enwa.

Póróvep 24:6

Ké nǎ, a-man a-kabe kanong kanong ne a-nwa byití, ne a-kpógê ng byití â amu a-koo ng bacê ḿbé banong.

Azáya 10:28

Basúja ḿbé banet-bushwôn eten baa/koo oshê mú Âyi. Baa/shwôm ké Myísoron. Ba/mîng byěm ebe ké Mékyímashi.

Jeryimáya 49:3

Banet ḿbé Héshibon, tii n̂g. Baa/bên Âyi. Banyinyi ḿbé Rába, ta n̂g dyikán. Fé n̂g ekâa-byídí ba-ta dyikán. Zóngê ê ochéé mú ba/firi yógeyóge. Ba/chi ba-kúng osówo enen Myíkom ba-dim ne nyǐ oshê okíri, cibicibi ne banet-ashí emen ne banchi kyifen emen.

Hozáya 4:15

Nang ké ben banet ḿbé Ézerel ba*da/tî dyityém ne me* kyi/bát banet ḿbé Júda ba*dachi ba-chi dyizong-kyibî ánkyi kyibónge*. *Da n̂g echi ba-kûdakye ofê ké Gyígal ne Bétel*. Nang ocím ké byikit ámbyi ké dyizîn ńkyí Óburúkpâbí mú mu okpó, *da n̂g eryí*.

Mátyuu 10:16

Fwôo n̂g atông ba-jwo, me mu n-twóm m běn wǎ etám-ebû nyí nyi e-wâa ng e-kâm ekpang. Ben ba-man ba-chwoo byiko enen wǎ etong, ne ba-man to ba-kyú ne dyityém ńdyí degere wǎ ńdyí karúú.

Efyíshan 5:15

Ké bubwô ámbu, kû n̂g ebám akpen enen kanong kanong. *Da n̂g echi ba-kûtî akpen enen wǎ banet ḿbé ba*fí ba-nyît ng chwǒm*. Nké tî n̂g kányí wǎ banet ḿbé mbe ne byinyídíng.

Jóshwa 12:9

Banet-Ézerel ba/kpógê batu-eshê ńnyín, Jéríku ne Áyi, oshê mú mu fáráng ne Bétel,

Jóshwa 18:12

Ké kyicê ńkyí bushûyû, buti ebe bu/kpet ké Jódan bu-dim ányi bu-wâa kyíbóng ké bukô-kaku ḿbú ké kyicê-bushûyû-oshê mú Jéríku, ne ké kyicê ńkyí esû edaríbî e-jâ, bu/shwôm ké esí nyí eku éku tete bu-ribi ké kyikim-dyikán ńkyí ké Betáben.

Jóshwa 2:1

Jóshwa o-twóm kâng banet-boǒfêp-esí bafee fím ké bampyep ḿbé ké Akákya, ké kyikit ńkyí ba/mû ba-kyú u, o-sét kámbé o/fu, baca ké kadip ba-da-ryuu kyikû kyi-kim ne esí nyí Kínan, aciringaciring oshê mú Jéríku. Ké nkéré mú banyinchéng ámbe ba/nung ké Jéríku, ba/darí ké kyise-onyi-dyikpe obónge mú odabángê Ráhap.

Jóshwa 7:3

ba/basét Jóshwa ba/fu, kyi*fí ńkyí basúja bamúmú badace*. Twóm égot-basúja nang diǐkpú nang onyiryiká nké nke ba-ca. *Dachi a-twóm basúja bamúmú*. Oshê ámu o*da/rêe*.

1 Sámwel 13:5

Banet-Fyilíta ba-cibi kyikit kyibónge eringe badanwa ne banet-Ézerel. Mbé ba/mû ne égot-bamútu etánge etánge ké byikit bujam esim diǐkpú ḿbé byití enwa, ba/mû to ne égot-banyû bubyî-orá bujam esim diǐkpú ne bujê-basúja to wǎ eringe nyí éshíshě nyi ké bukô-baya. Ba-dim ba-wâa Mékyímashi, ké kyicê ńkyí esû edabyí, ké oshê mú badakó Betáben, ba-bi bampyep-byití ebe ányi.

1 Sámwel 14:23

ba-nwa tete ba-shwôm Betáben. Óburúkpâbí o/chwáp banet-Ézerel dyicí ándyi.

1 Sámwel 30:27

O-twóm to kámbyí ba-kye banet-Bétel ne ḿbé Ryíma, ké kyicê-busyísen ńkyí Júda, ba-kye to banet ḿbé eshê nyí Játyi