Jóshwa 7:13 - Bokyi Bible

¹³ Bûu nensang. Banet eyên basoo byiko ebe, a-kpá kámbé byiko ḿbyí badabê ké bushú ejí nencí. Sét kámbé a/fu, bakpá byiko, ké nǎ, me Óburúkpâbí mú Osówo-Ézerel nké n/raa n/fu, ben bamu ne byěm ányi byikíri ḿbyí n/sét běn n/fu, bên n̂ kámbyí. Ben baa*ba/chi ba-man ebwom ne banet-bushwôn enen* tete ba-bên byěm ámbyi.

Jóshwa 7:13 Iomraidhean Croise

Jénésis 34:27

Ńdyí ba/ju kámbé éné, bwǎn-Jekôp ḿbé áku ba-da-nung ké oshê ba-wuri byěm ba-só kámbé ewa nyí ba/fé wǎn-boné ebe mú onyinyi éshwân.

2 Korónyíkil 28:10

Ben kántîk ba/kabe ba/fu, ben ba/chi ba-chi banyinchéng ne banyinyi ḿbé Jerúsélem ne Júda ba-firi básóng enen. Ben ba*fí ba-nyît ng ba/fu, ben to baa/chi byibî ké bushú ḿbú Osówo Óburúkpâbí enen dí*.

Mátyuu 7:5

Ben bannîm banet, bwóp kpá kashú a-fîm kiǐchwóm ńkyí nkyi ké dyichi ńdyí eyên, ne kyi-fím ányi wo a/chi a-man eri ne a-fîm to wǎn-boné eyên kiǐnfwarê ké dyichi.

Dyitórónómyi 13:6

Nang wǎn-boné eyên nang wǎn eyên nang onyi eyên mú mu o-jê ng ǒ nang ocín-dyityém eyên o-man n ejii o-fé běn busa o/fu, ben bafé esówo ekíri nyí ben ne banchí enen ḿbé kpákpá ba/mû ba*da/fé ne*.

Jóshwa 3:5

Jóshwa o-sét banet-Ézerel o/fu, soo n̂g byiko enen, ké nǎ, nencí Óburúkpâbí o/chi o-chi akat o-kye běn.

Jóshwa 6:18

Nké *da n̂g echi ba-yip chwǒm nang kyibónge ba-dim ne nkyí* ḿbyí n/fu, babên*. Â ba/yip, ba/chi ba-bâ ne busông ne bukyû ké oshê-Ézerel.

Jóshwa 7:11

Banet-Ézerel baa/chi kyibî. Mbé baa/bên ocím ejí mú n/ryí ne mbé n/fu, batî. Mbé baa/kúng byěm byikíri ḿbyí n/fu, babên. Mbé ba/jii kámbyí, ba-sét kyisédéng kyi-kim ne mbyí, ba-yip kámbyí ba-cibi ne byěm ḿbyí ebe.