Jóshwa 7:11 - Bokyi Bible

¹¹ Banet-Ézerel baa/chi kyibî. Mbé baa/bên ocím ejí mú n/ryí ne mbé n/fu, batî. Mbé baa/kúng byěm byikíri ḿbyí n/fu, babên. Mbé ba/jii kámbyí, ba-sét kyisédéng kyi-kim ne mbyí, ba-yip kámbyí ba-cibi ne byěm ḿbyí ebe.

Jóshwa 7:11 Iomraidhean Croise

2 Kyîng 18:12

Samérya o/róng, ké nǎ, banet ḿbé Ézerel ba*da/chi ńkyí Óburúkpâbí mú mu Osówo ebe o/sét kámbé*. Nké ba/bên ocím mú o/mû o/ryí ne mbé, ba-bên kángkáng byije ḿbyí Músis mú ḿgbán-Óburúkpâbí o/kye. Mbé ba*da/jwo* ne ba*da/chi ńkyí o/sét kámbé*.

2 Kyîng 5:24

Ké nkéré mú ba/ribi ké kaku ńké Elásha o/mû o-kyú u, Geháze o-koo biimbam ámbyi byifee o-da-tî ké kyise. O-twóm bǎmgbán-Náman ba-bwa esim.

Azáya 24:5

Banet baa/bên ejíí ké byije ḿbyí Osówo ḿbyí mbe ba-bên n, ne ké ocím ebên mú nyǐ o/ryí o/fu, o/chi o-waa ne banyá.

Jeryimáya 31:32

Oo*ba/chi o-chi wǎ mú kpákpá mú n/ryí ne banchí ebe ḿbé kpákpá* ké nkéré mú n/níbî kámbé ké bubwô* n-fîm kámbé ba-byí ké Éjip*. Nang ké m/mû kámbé wǎ otyép, mbé ba*da/tî ocím ámu mú n/ryí ne mbé*.

Hozáya 6:7

Nké mbé ba-nung ng ké esí ányi ba-bâ, ké oshê mú Ádam,] ba-bên ocím mú m/mû n/ryí ne mbé.

Lyívyítyíkus 5:15

â onet o*da/tigi ne o-chi kyibî ńkyí o/né ekye Óburúkpâbí byěm-ociring ḿbyí byi/já ǎ* onet ámu obâ ne otyítǎm mú o*fí ne kyinêm ké byiko* o-ba-kye Óburúkpâbí wǎ kyifen-dyifwá eré. Bari eringe nyí ebû ányi e/kwárê ne eringe nyí badakan byěm ké mpyep-ociring.

Habákuk 2:6

Banet ḿbé baa/kpógê kámbé ba/chi ba-dángê banet ámbe ḿbé ba/kpógê kámbé, ba-tông kámbé eringe nyí kafâ nke ka-sa ng kámbé ne mbé. Ba/chi ba/sét kámbé ba/fu, ben bamu ba-kúng ng ńkyí kyi*da běn ejá* nké ben ba/firi ké busông. Ben ba-já ng esang ba-câ kashú ka-rí nǎ, ké banet-afwá enen ḿbé bamu ba-tírîng ng kámbé ké busa ba/fu, baré běn afwá enen.

Zákaryâ 5:4

Óburúkpâbí mú o/rêe o-shwôm mu o-sét ng o/fu, nyǐ o/chi o-twóm kyishû ńkyín kyi-ca, ne kyi/chi kyi-nung ké kyise ńkyí nang yeě mú mu o-jii ng kajii, ne ńkyí nang yeě mú mu o-sét ng kyisédéng o-sem m Osówo. Kyi/chi kyi-waa ké byise ebe, kyi-mîng kámbé ké busông.

Mátyuu 22:21

Mbé ba-faa ǎ ba/fu, ḿbyí otu mú Rûm. Ne Jisos o-sét kámbé o/fu, ehê, kye n̂g kâng otu mú Rûm ńkyí kyi/já ǎ, ba-kye to Osówo ńkyí kyi/já ǎ.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 5:9

Pyíta o-raa kâng ne nyǐ o/fu, ebóng wo ne otyép eyên ba/cibi ba/fu, ben ba-kan Busun ḿbú Otu Kyítá. Banet ḿbé ba/ryii otyép eyên baa/ribi kántîk nyín ké ocím-dyifyi. Ba/chi ba-yip ǒ to ba-byí ne wo.

Dyitórónómyi 17:2

 ben ba/jwo ba/fu, ké oshê enen obónge, onyinchéng nang onyinyi obónge oo/chi kyibî ké bushú ḿbú Óburúkpâbí, o-bên ocím emen mú o/ryí ne nyǐ,

Hyíburus 4:13

Chwǒm kyi*fí nang kyibónge ńkyí kyidanwa erôo ké bushú ḿbú Osówo*. Kángkáng byěm ḿbyí Osówo o/chi mbyi bâabâa ne kyíjí wááng ké achi nyí emen. Ké bushú emen to nké be kángkáng byi/chi byi-bwom byi-sét kángkáng byěm ḿbyí byi/chi ké dyikpen eten.

Jóshwa 23:16

 ben ba*da/tî ocím mú Óburúkpâbí mú Osówo enen o/fu, ben batî* ne â ben to ba-kú ba-chi i bǎmkpóngé ba-kyâ erím-bakye, ba-kye to kányí nang ofê, ké kafâ emen esa, nyǐ o/chi o-kye běn kâng busông, ne kaa*ba/chi ka-bwon* ne ben ashí amúmú ba-man ké kiǐnínǒng-esí ńkyín ńkyí nyǐ oo/kye běn*.

Jóshwa 7:1

Ńkyí Óburúkpâbí o/sét banet-Ézerel o/fu, ba*dachi ba-kúng chwǒm nang kyibónge ké Jéríku ba-dim ne nkyí* mbé ba*da/jwo*. Onyinchéng obónge mú odabángê Ákan o/róng kyije ánkyi. Ké bubwô ámbu kâng, kafâ ka/sa Óburúkpâbí kanong kanong ne banet-Ézerel. Bonchí-Ákan o/mû o-bángê e Kámyi. Ne bonchí emen mú kánkán o/mû o-bángê e Zábadyi. Nyǐ o/fím ké kyikim-oshê ńkyí onyinchéng obónge mú odabángê Zéra, kyicê-kyikû-banet ńkyí Júda.

Jóshwa 7:10

Óburúkpâbí o-faa Jóshwa o/fu, bûu nensang. Ebóng ńkyí a/myii kyísí éné.

Jójis 2:20

Kafâ ka-kpet esa kâng Óburúkpâbí ne banet-Ézerel, o-raa o/fu, oshê mún oo/bên ocím mú me m/mû n/sét banchí ebe ḿbé kpákpá n/fu, batî. Ne ké nǎ, mbé ba*da/chi ńkyí me n/sét kámbé*

1 Sámwel 14:38

Otu Sôl o-sét kâng banet-ashí-banet-Ézerel o/fu, bâ n̂g kwán ba-ké kyikû kyi-kim ne kyibî ńkyí bii/chi kurún.