Jóshwa 7:1 - Bokyi Bible

¹ Ńkyí Óburúkpâbí o/sét banet-Ézerel o/fu, ba*dachi ba-kúng chwǒm nang kyibónge ké Jéríku ba-dim ne nkyí* mbé ba*da/jwo*. Onyinchéng obónge mú odabángê Ákan o/róng kyije ánkyi. Ké bubwô ámbu kâng, kafâ ka/sa Óburúkpâbí kanong kanong ne banet-Ézerel. Bonchí-Ákan o/mû o-bángê e Kámyi. Ne bonchí emen mú kánkán o/mû o-bángê e Zábadyi. Nyǐ o/fím ké kyikim-oshê ńkyí onyinchéng obónge mú odabángê Zéra, kyicê-kyikû-banet ńkyí Júda.

Jóshwa 7:1 Iomraidhean Croise

Jénésis 34:27

Ńdyí ba/ju kámbé éné, bwǎn-Jekôp ḿbé áku ba-da-nung ké oshê ba-wuri byěm ba-só kámbé ewa nyí ba/fé wǎn-boné ebe mú onyinyi éshwân.

2 Sámwel 24:1

Kafâ ka/chîsa Óburúkpâbí ne banet-Ézerel, ne nyǐ o-chi Otu Dívit o-kye kámbé busông. Óburúkpâbí o/sét ǎ o/fu, ca a-da-pan banet-Ézerel ne ḿbé Júda.

2 Kyîng 5:24

Ké nkéré mú ba/ribi ké kaku ńké Elásha o/mû o-kyú u, Geháze o-koo biimbam ámbyi byifee o-da-tî ké kyise. O-twóm bǎmgbán-Náman ba-bwa esim.

1 Korónyíkil 21:7

Ńkyí ba/chi kyi*da/nyîn Osówo* ne ké bubwô ámbu, nyǐ o/kye banet-Ézerel busông.

2 Korónyíkil 24:18

Ké bubwô ámbu, banet-Júda ba/mîng Osówo ofê ekye ké kiǐtí-kyise-kyifen-Osówo Óburúkpâbí echi, mú banchí ebe ḿbé kpákpá. Ba-kpet erím-bakye ofê ekye, aciringaciring nyí osówo-onyinyi mú badakó Ashéra. Byibî ebe ḿbyín byi/chi Óburúkpâbí o-sa kafâ ne Júda ne Jerúsélem.

Ézara 9:6

Me n/fu, ô Osówo, me éshwân nyi e-chi i mě e-shwôm nyí ndabêem dyishí ejí ké bushú eyên. Byibî eten mbyi byi-sú u byi-nyâam m byi-shwôm ashí eten. Mbyí mbyi byi-nyâam m byi-câ wǎ bubóng.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 35:8

Orî-onet eyên nké mu o-ri ng busông ké bubwô-byibî eyên, ne kanong ńké amu a-chi i ka-chwáp ng ǎ.

Ekyilyizátes 9:18

Bubong mbu bu-chi i kanong bu-shwôm byiyám-byití, nké nchi byibî obónge o-man n ebên byěm ḿbyí kanong echi chwóó.

Dányel 9:7

Óburúkpâbí, wo kángkáng nkéré amu a-chi i ńkyí nkyi kanong. Nké be kángkáng nkéré byimu byi-fâ byiko eten éshwân. Ńkyín kyi/kim ne be kángkáng mú byimu byi-kyú u ké Judyâ ne Jerúsélem ne kángkáng banet-Ézerel ḿbé wo a/pwó byiryibyiryi ké eshê nyí fáráng ne nyí tete, ké nǎ, mbé ba/mû ba*da/fé dyityém ne wo*.

Lyívyítyíkus 10:6

Ne Músis o-sét kâng Éron bwǎn emen, Elyǎza ne Étama o/fu, *da n̂g echi ba-mîng eji enen cage* ba-ját nang byídí enen* kyi-tông kyi/fu, ben bamu ba-ta ng dyikán*. Â ba/chi éné, ba-kpú u, ne kafâ ka/chi ka-sa Óburúkpâbí ne oshê omúmú. Nké burwám-banet-Ézerel ḿbé áku ba-man n eta dyikán ńdyí bukyû ḿbún ḿbú bu/cen ká okwâ mú Óburúkpâbí o/twóm.

Jóna 1:7

Banet-bǎmkpóngé-ńsukyíkang ba-raa ne barî ba/fu, bâ n̂g byi-twóp dyímám byi-ri onet mú mu o-chi i bě byi-ri ng afaníkong ńnyín. Ba-twóp dyímám dyi-bên Jóna.

Jóshwa 22:16

ba-kpet eraa ne mbé ké dyishí ńdyí kángkáng banet-Óburúkpâbí ba/fu, ebóng kyi/chi ne ben ba-chi kyibî-chwǒm ńkyín ba-bât Osówo-Ézerel. Ben baa/bírî bunwa ne Óburúkpâbí ké obi mú ba/bi kyikit-kyifen-Osówo echi ńkyín ba-kye byiko enen. Ben ba*fí to ba-cen n ne nyǐ ké kyikû*.

Jóshwa 22:18

Ben bamu ba-bâ ebané ecen ne nyǐ ké kyikû kántîk dí. Â ben ba/bírî bunwa ne Óburúkpâbí kurún, nyǐ dyityém dyi/chi dyi-sa ǎ ne nang yeě nang yeě mú mu ké Ézerel nencí.

Jóshwa 22:20

Zîim m̂ eringe Ákan mú wǎn-Zéra o/né echi ńkyí Óburúkpâbí o/sét kyi-kim ne byěm ḿbyí nyǐ o/fu, babên kámbyí. Banet-Ézerel bamúmú ba/ri busông ké bubwô-chwǒm ánkyi. *Chí Ákan nké nke nké o/kpú ké bubwô-kyibî emen*.