Jóshwa 6:5 - Bokyi Bible

⁵ Mbé bajwá kâng ntán obónge mú odabwon. Â ba-jwo ng okwan ámu ba-bâ, kángkáng banet bawonge kakânkakân, ekpe nyí ba/bi ba-wáp oshê ba-fé ké kafâ e/chi e-myii. Basúja eyên bamúmú baca ocǎng kashú káshu ba-nung ké oshê.

Jóshwa 6:5 Iomraidhean Croise

Ézódos 19:19

Ntán o-jwá ng o-bâ kakânkakân. Músis o-raa, Osówo o-faa ǎ ké etare.

Azáya 25:12

O/chi o-bên byikit ḿbyí Mówep ḿbyí mbe ba-bwom m ba-nwa byití ne biǐnyáám-ekpe ebe, o-twóp kámbé ba-bírî ng ba-bâ kyísí ba-ba-nung ké édúkǎndú.

Azáya 30:25

Ké dyicí ńdyí ba/chi ba-koo byikit ḿbyí banet-bushwôn enen mbe ba-bwom m ba-nwa ng byití, ba-ju banet ebe, buce bu/chi bu-sen ké kángkáng eku nyí nyáám ne nyí kyísí kyísí.

Jeryimáya 50:15

Wonge ê dyiwonge-byití ba-wáp oshê ámu ba-fé ké otyém. Bábyílon oo/zú abwô ké bunwa kántîk. Baa/bú ekpe emen ba-pwó kyísí. N-kú n-só ng Bábyílon ewa. Ké bubwô ámbu, só n̂g kámbé ewa, ba-chi kámbé ńkyí mbé ba/chi banet bakíri.

Hyíburus 11:30

Kyi/mû ké dyityém efé ne Osówo nké ekpe nyí ba/bi ba-wáp Jéríku e/myii kyísí ké nkéré banet-Ézerel baa/cen ba-wáp kányí ké ací káchâtkányi.

Jóshwa 6:16

Ké nkéré mú ba-kú ba-wáp ng kámú ké kampén káchâtkányi, ńdyí banchi kyifen-Osówo ba-kú ba-bâ ebajwá bantán, Jóshwa o/sét banet emen o/fu, bawonge. O-sét kámbé to o/fu, Óburúkpâbí oo/kye běn oshê mún.

Jóshwa 6:20

Banchi kyifen-Osówo ba-jwá kâng bantán. Basúja ba-jwo ng kámbé ba-bâ, ba-wonge kakânkakân, ekpe nyí e/mû e/wáp oshê e-fé ké kafâ e-myii. Basúja ba-kpû okpúng ashí amúmú kyíbóng-kaku ba-shwôm ba-nung ké oshê, ba-koo kámú.

Jóshwa 6:4

Banchi kyifen ejí ashí káchâtkányi bakúng bantán káchâtkányi ba-bwóp mkpukpu-byěm ejí kashú. Ké ací káchâtkányi, wo ne basúja eyên, cen n̂ ba-wáp oshê ámu kampén káchâtkányi, banchi kyifen ejí bacen to ba-jwá ng bantán ámbe.

Jóshwa 6:6

Jóshwa o-kó banchi kyifen-Osówo o-sét kámbé o/fu, kúng n̂g mkpukpu-byěm-Osówo. Banet káchâtkányi babwóp kámú kashú ne bantán ké abwô.

Jójis 20:37

Banet ámbe ba/zóngê babap ba-dim ḿbú Gyíbya, ba-pwôo byiryibyiryi ké oshê ba-ju kángkáng banet ányi.

1 Sámwel 17:20

Dívit o-bûu nensang ké orî-dyicí ké dyicófóróng, o-mîng onet okíri ne etám-ebû, o-yip byiryíng ámbyi, o-dim wǎ eringe bonchí o/sét ǎ. Nyǐ o/ribi ké bampyep-byití ké ochíchí-nkéré mú banet-Ézerel ba-kú ba-dim m ba-wâa ké otáng-byití enwa, ba-wonge e dyiwonge-byití.

1 Sámwel 17:52

Banet-Ézerel ne ḿbé Júda ba-wonge, ba-rim ne mbé ké kyikû, ba-zóngê ne mbé tete ba-ribi [Gât,] ba-ribi to ne mbé ké afyi-dyishí-bukwóp nyí Ékoron. Banet-Fyilíta ḿbé ba/némê, ba-róng ng ba-câ ké bukwóp ḿbú mbu bu-wâa ng Sháryam, tete ba-ribi Gât ne Ékoron.

1 Sámwel 4:5

Nkéré mú mkpukpu-byěm-Óburúkpâbí o/ribi, banet-Ézerel ba/wonge ejá kyíbóng kyíbóng ké ojêe mú ba/jêe, mú o/chi esí e-náng.