Jóshwa 6:4 - Bokyi Bible

⁴ Banchi kyifen ejí ashí káchâtkányi bakúng bantán káchâtkányi ba-bwóp mkpukpu-byěm ejí kashú. Ké ací káchâtkányi, wo ne basúja eyên, cen n̂ ba-wáp oshê ámu kampén káchâtkányi, banchi kyifen ejí bacen to ba-jwá ng bantán ámbe.

Jóshwa 6:4 Iomraidhean Croise

Jénésis 2:3

Osówo o/jware dyicí ńdyí ací káchâtkányi o-tî dyicí ándyi o/fu, dyijá ǎ nyǐ, ké nǎ, [ké dyicí ándyi, nyǐ o/man bǎmkpóngé emen ḿbé o/chi ejíí.]

1 Kyîng 18:43

O-raa ne ḿgbán emen o/fu, ca a-da-tún achi ké kyicê-baya ḿbé Medeterényan. Ḿgbán emen ámu o-dim o-ca, o-bwa esim, o-sét ǎ o/fu, n*da/ri nang chwǒm*. Kampén káchâtkányi ńké Elája o/sét ǎ o/fu, oda-tún.

2 Kyîng 5:10

Elásha o-twóm ḿgbán emen obónge o/fu, oda-sét ǎ o-da-kôo omu kampén káchâtkányi ké kace ńké Jódan ne orwôm emen o/chi o-man.

2 Kyîng 5:14

Ne Náman o-dim kâng ké Jódan, o-da-ríbî ké kafâ-kace kampén káchâtkányi wǎ eringe nyí Elásha o/mû o/sét ǎ, ne orwôm emen o-man. Enyam-byiko emen e-firi shwaneshwane kanong kanong wǎ nyí kaǎwásíng.

2 Korónyíkil 13:12

Osówo oyén mu bě onet-dyishí, ne banchi kyifen emen baa/kpá byiko nyín ne biintán ḿbyí badajwá ba-kó bě byi-nwa byití ne ben. Banet-Ézerel, *da n̂g enwa ne Osówo Óburúkpâbí mú banchí enen ḿbé kpákpá*. Ben baa*man ekpógê*.

2 Korónyíkil 20:17

Ben baa*ba/chi ba-nwa byití ḿbyín*. Bwom m̂ ké byikit enen ba-kûbám. Ben ba/chi ba-ri Óburúkpâbí ké o/chi o-chi běn ba-kpógê. Banet-Júda ne Jerúsélem, *da n̂g echi kabekabe* ba-shî nang oshî*. Ca n̂g byití, ne Óburúkpâbí o/chi o-kyú ne ben.

2 Korónyíkil 20:19

Bǎmgbán-nchi kyifen-Osówo ḿbé ba/fím ké kyikim-banet ńkyí Kóhat ne ńkyí Kóra ba-bûu nensang ba-kye Osówo Óburúkpâbí mú Ézerel akpee ne ejá kyíbóng kyíbóng.

2 Korónyíkil 20:21

Ké nkéré otu oo/pem ne mbé, nyǐ o/kye busa o/fu, bankim ane bafé byídí-ociring ebe ba-ca basúja kashú, ba-kwán n ba-fu, kye n̂g Óburúkpâbí akpee. Kyijé emen kii*man*.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 42:8

Kántîk, kúng n̂g batyép-mpong káchâtkányi ne etyítǎm káchâtkányi ba-kye Jôp ké kyifen echi ké byiko enen. Jôp o/chi o-fé nshwam ké bubwô enen, ne me n/chi n-faa ojá ké nshwam emen, ne mm*ba/chi n-fé běn éshwân nyí e/kwárê ne ben*. Ben ba*da/sét ntûntû kyi-kim ne me* wǎ eringe nyí nyǐ o/sét*.

Azáya 27:13

 dyicí ándyi dyi/fyi, ba/chi ba-jwá ntán ba-kó kángkáng banet ḿbé Ézerel ké Asyírya ne ké Éjip, ḿbé ba/mû baa/jé ké eshê ányi. Mbé ba/chi ba-bâ ba-ba-fé Óburúkpâbí ké Jerúsélem, ké kaku-ociring emen.

Lyívyítyíkus 14:16

o-yip kafwa ńké bubwô-etyebéng o-lip ké bakút ámbe o-myî kyicê emen ányi kampén káchâtkányi ké bushú ḿbú Óburúkpâbí.

Lyívyítyíkus 4:6

O/chi o-yip kafwa emen o-lip ké baróng ámbe o-myî kámbé ké bushú-ékpígí nyí edacít mkpukpu-byěm-Osówo kampén káchâtkányi.

Zákaryâ 4:2

o-bí mě o/fu, wo amu a-ri ng ebóng. Me n-faa ǎ n/fu, mu n-ri ng kyikwap ńkyí badatwôom etyuryíkáng, ńkyí ba/chi ké gûl. Ké dyishí-kyikwap ánkyi ba/twôom dyicáng ńdyí badafé bakút-otyuryíkáng. Ké kyikwap-etyuryíkáng ánkyi, etyuryíkáng nyi káchâtkányi nyí ba/twôom, ne ba/mû ba/chi to byikit káchâtkányi ḿbyí badafé bacat káchâtkányi.

Zákaryâ 4:6

Orím mú onong ámu o/sét mě o/fu, me nsét Zerubábel kyitwóm ńkyín ńkyí kyi/fím ne Óburúkpâbí. O/fu, wo a/chi a-kpógê, *chí ké bubwô ḿbú byití ekán* nang ké ḿbú busa ḿbú eyên wo eyén* nké a-kpógê ng ké bubwô ḿbú Busun ejí.

Nómba 23:1

Bálim o-raa ne Otu Bálek o/fu, bi mě byikit-kyifen-Osówo echi káchâtkányi nyín, a-bâ mě to ne batyép-mpong káchâtkányi ne etyítǎm káchâtkányi.

Jóshwa 6:3

Wo ne basúja eyên, kû n̂g ecen kángkáng dyicí kampén kabónge ba-wáp ng kámú, ké ací nyâchât.

Jóshwa 6:5

Mbé bajwá kâng ntán obónge mú odabwon. Â ba-jwo ng okwan ámu ba-bâ, kángkáng banet bawonge kakânkakân, ekpe nyí ba/bi ba-wáp oshê ba-fé ké kafâ e/chi e-myii. Basúja eyên bamúmú baca ocǎng kashú káshu ba-nung ké oshê.

Revelíshon 1:20

Nyín něen kyikû-chwǒm ńkyí nkyi ké kadip kyi-kim ne ékpére káchâtkányi nyí wo amu a-ri ng ké bubwô-etyebéng ejí, ne byichí káchâtkányi ḿbyí ba/chi ké gûl ḿbyí badatwôom otyuryíkáng. Ékpére ńnyín káchâtkányi, ányi kyi/byí, barím ḿbé banong káchâtkányi ḿbé byise-ékwâbashi ámbyi káchâtkányi nyí Karâs. Byichí káchâtkányi ḿbyí badatwôom otyuryíkáng, ányi byise-ékwâbashi nyí Karâs ámbyi.

Revelíshon 1:4

Me Jǒn nké mu n-sáng ng n-kye byise-ékwâbashi nyí Karâs káchâtkányi ḿbyí ké Ésha n/fu, kanong ńké Osówo ne bunyîn-dyityém byikyú ne ben ḿbyí byi/fím ké abwô nyí Osówo, mú mu, mú o/mû, ne mú o/chi o-bâ, ne ké abwô nyí basun káchâtkányi ḿbé ba/bwom ké bushú ḿbú kakyúng-butu ńké Osówo.

Revelíshon 10:3

Ne o-kó ké ejá kyíbóng kyíbóng nyí e/raa éné wǎ ekpang chwóó nké nyi e-fém m. Ké nkéré oo/kó, etare káchâtkányi e/faa ne kyirime.

Revelíshon 15:1

M-bwa n-chîtún n-ri kâng kiimbâng ne kiinkaa byiko-chwǒm-akat kyikíri kyíbóng. Barím ḿbé banong ba/mû ányi káchâtkányi ne byěm káchâtkányi ḿbyí byidakye banet busông, ḿbyí mbyi bankuli kyikû, ké nǎ, mbyí nké mbyi byi-man n kafâ esa ńké Osówo.

Revelíshon 15:7

Ne kiǐnyám kyibónge kyi-kye barím ḿbé banong ámbe káchâtkányi acáng nyí ba/chi ké gûl, ne kafâ esa ńké Osówo mú mu ne dyikpen ne banyá ne banyá ké acáng ányi pwat.

Revelíshon 16:1

N-jwo kâng ejá kyíbóng kyíbóng nyí nyi e-fím m ké kyise-kyifen-Osówo echi e-raa ne barím ḿbé banong káchâtkányi e/fu, ca n̂g ba-da-pwó acáng-kafâ esa ńké Osówo ányi káchâtkányi ké ejíí.

Revelíshon 5:1

M-bwa n-chîtún n-ri nwet obónge ké bubwô-etyebéng ḿbú nyǐ mú o/kyú ké kakyúng-butu. Ba/sáng byěm ké mǔ esim emúmú, ne ba/tî ekap ké mǔ ké byikit káchâtkányi.

Revelíshon 5:6

M-bwa n-chîtún n-ri kâng Wǎn-Etám-Ebû éné wǎ baa/ju ǎ ba-chi kyifen, cip ké otyém, ké kakyúng-butu, ne biǐnyám ámbyi byinyii ne bachíkpi ámbe wângwâng. Wǎn-Etám-Ebû ámu o/mû ne etwóm káchâtkányi ne achi káchâtkányi ḿbyí basun ámbe káchâtkányi ḿbé Osówo oo/twóm ké ejíí emúmú.

Revelíshon 8:2

M-bwa n-chîtún n-ri kâng barím ḿbé banong ámbe káchâtkányi ḿbé mbe ba-bwom m ké bushú-Osówo. Ba/kye kámbé biintán káchâtkányi.

Revelíshon 8:6

Barím ḿbé banong ámbe ashí káchâtkányi ne biintán ámbyi káchâtkányi ba-kpá byiko kâng ḿbyí badajwá kámbyí.