Jóshwa 6:2 - Bokyi Bible

² Óburúkpâbí o-sét Jóshwa o/fu, me mu m-bâ ebakúng Jéríku ne otu ebe ne bakân-basúja emen n-fé ǒ ké abwô.

Jóshwa 6:2 Iomraidhean Croise

2 Sámwel 5:19

Otu Dívit o-bí Óburúkpâbí o/fu, nkye banet-Fyilíta bunwa dí. Wo a/chi a-chi mě m-kpógê kámbé dí. Óburúkpâbí o-faa o/fu, âa, kye kámbé bunwa. N/chi n-chi ǒ a-kpógê kámbé.

Nehemyâ 9:24

Mbé ba/koo esí nyí Kínan, wo a/kpógê banet ḿbé ba/mû ba-kyú u ányi. Wo a/kye banet eyên busa ḿbú badachi eringe nyí kyi/nyîn kámbé ne banet cibicibi ne batu ḿbé Kínan.

Dányel 2:21

Nkéré mu ké bubwô emen. Nyǐ o-kúng ng batu ne o-fîm m batu. Nyǐ nké mu o-kyâ byinyídíng ne bubong.

Dányel 2:44

Ké nkéré mú batu ámbe, Osówo mú kyíbóng o/chi o-tî butu ḿbú boo*man ne banyá*. Baa*kpógê kámbú ne banyá* nké mbú bu/chi bu-man ne batu ámbe kángkáng ne bu-waa ne banyá.

Dányel 4:17

Nyín něen ńkyí barím ḿbé banong ḿbé mbe ba-bám m byikit kángkáng nkéré ba/sét. Ké bubwô ámbu kâng, mîng kángkáng banet ké kángkáng byikit ba-nyît ba/fu, Osówo mú o/rêe o-shwôm mu ne busa ḿbú batu ké bubwô emen, ne nyǐ o-man n ekúng kámbé o-kye nang yeě mú kyi/nyîn ǎ, nang onet mú mu kyísí kyísí o-shwôm.

Dányel 4:35

Nyǐ mu o-tún n banet-ejíí wǎ ba*da/byí chwǒm*. Barím ḿbé banong kyíbóng ne banet-ejíí mbe ké bubwô emen. Onet o*fí mú odané okabe emen* o-bí nang ḿbím ké ńkyí nyǐ mu o-chi i*.

Dányel 5:18

Osówo mú o/rêe o-shwôm o/chi ńchân kiǐtí-otu, ne o/kye ǎ ofê ne busa.

Dyitórónómyi 7:24

O/chi o-kúng batu ebe o-fé běn ké abwô. Ben ba/chi ba-ju kámbé, ne ba/chi ba-ráp kyi-kim ne mbé. Onet o*fí mú o/chi o-man běn eku ké bukwóp*. Ba-ju ng nang yeě nang yeě.

Jóshwa 12:9

Banet-Ézerel ba/kpógê batu-eshê ńnyín, Jéríku ne Áyi, oshê mú mu fáráng ne Bétel,

Jóshwa 2:24

Ba-sét ǎ kâng ba/fu, be byimu byi-nyît ng byi/fu, Óburúkpâbí oo/kye bě oshê ámu omúmú. Banet ámbe bamúmú mbe ba-shî ng bě.

Jóshwa 2:9

o-sét kámbé o/fu, me mu n-nyît ng n/fu, Óburúkpâbí oo/kye běn esí ńnyín. Nang yeě nang yeě ké oshê mún mu o-shî ng běn.

Jóshwa 20:1

Óburúkpâbí o-sét kâng Jóshwa o/fu,

Jóshwa 6:1

Ba/mû ba/fâng afyi nyí Jéríku, ne banet to ba/mû mbe ba-bám m kányí eringe nyí banet-Ézerel baa*man enung*. Onet nang obónge ba/mû baa*bángê ǎ to o-nung ké kafâ* o-byí nang kyíjí*.

Jóshwa 6:3

Wo ne basúja eyên, kû n̂g ecen kángkáng dyicí kampén kabónge ba-wáp ng kámú, ké ací nyâchât.

Jóshwa 8:1

Óburúkpâbí o-raa ne Jóshwa o/fu, kpî basúja eyên bamúmú a-ca ne mbé ké Áyi. *Dachi a-shî* a-zú to nang dyityém*. Me n/chi n-chi ǒ a-kpógê otu-Áyi ne banet emen ne oshê ámu, ne esí ányi e/chi e-firi nyí enen.

Jójis 11:21

Nké Óburúkpâbí mú Osówo-Ézerel o/chi banet-Ézerel ba-kpógê Otu Síhon ne basúja emen. Banet-Ézerel ba-koo kâng esí emúmú nyí banet-Ámórit ḿbé ba/mû ba-kyú u ányi.

Jójis 11:24

Wo amu a-ryuu ng kántîk a/fu, wo a-kan n eringe adachîkoo kányí dí. Wo a-man n ewaa ne ńkyí Kémos mú orím-bukye eyên oo/kye ǒ. Nké be to byi-waa ng ne nang ebóng chwǒm ńkyí Óburúkpâbí mú Osówo eten oo/kye bě.