Jóshwa 5:9 - Bokyi Bible

⁹ Óburúkpâbí o-raa ne Jóshwa o/fu, kurún, nn/fîm běn éshwân ké bushú, nyí ba/mû básóng ké esí-Éjip. Ányi nké kyi/cen ne ba-kûkó kyikit ánkyi Gyígal, éné to nké kyi/tôong kyi-bángê e.

Jóshwa 5:9 Iomraidhean Croise

Jénésis 34:14

ba/fu, bii*man ebángê wǎn-boné eten o-bé onyinchéng mú o*da/cên ne*. Ńkyí ánkyi kyi-kyú u bě chwǒm-éshwân.

2 Sámwel 19:15

Nkéré mú Otu Dívit o/dim mu o-bwa ng esim dyijê o-bâ, o/bakwárê ne banet-Júda ké kace ńké Jódan, ḿbé ba/bê ké Gyígal eringe bada ǎ esí o-nyáng kace ánke.

Nehemyâ 12:29

ne ké Bét-Gyígal ne ké Géba ne ké Azámábat.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 119:39

Chi mě n-fem ké ecábé nyí mu n-shî ng. Mpan ekét eyên mu kiǐtí kanong kanong.

Jeryimáya 9:25

Óburúkpâbí o/raa o/fu, nkéré mu o-bâ mú n/chi n-kye banet ḿbé Éjip ne ḿbé Júda ne ḿbé Édom ne ḿbé Ámon ne ḿbé Mówep ne ḿbé ké kyikim-dyikán ḿbé mbe ba-két ng eji ebe busông. Kángkáng banet ḿbén ba/cên, nké ba*da/tî ocím mú ba/ryí ba-sem dyizîn ejí* kyi-kim ne dyicên ándyi*. Nang onet o*fí ké burwám-banet ḿbén* nang onet to o*fí ké burwám-banet ḿbé Ézerel* mú oo/tî ocím mú n/ryí ne mbé ne n-sem byiko ejí*.

Ezékyel 23:3

Ké nkéré ba/mû ba-kyú u ké Éjip ne bubwásíng, ba/ribi kámbé ba-firi banet-akpara.

Ezékyel 23:8

Nyǐ o*da/mîng akpara emen nyí o/kpet ne bubwásíng ké Éjip*. Kyi-fím ké nkéré o/mû wǎsíng-onyinyi, banyinchéng ba/rí ne nyǐ, ne ba/kúng ǎ wǎ onet-akpara.

Hozáya 4:15

Nang ké ben banet ḿbé Ézerel ba*da/tî dyityém ne me* kyi/bát banet ḿbé Júda ba*dachi ba-chi dyizong-kyibî ánkyi kyibónge*. *Da n̂g echi ba-kûdakye ofê ké Gyígal ne Bétel*. Nang ocím ké byikit ámbyi ké dyizîn ńkyí Óburúkpâbí mú mu okpó, *da n̂g eryí*.

Lyívyítyíkus 24:14

kúng onyinchéng ámu o-byí ké kafâ-oshê. Nang yeě mú o/jwo ǎ ké nkéré mú o/shú mě, otwôom onyinchéng ámu abwô ké dyishí o-sét o/fu, o/shú mě, ne oshê omúmú ba/chi ba-tím ǎ aká ba-ju.

Émos 5:5

*Da n̂g ece ké Byishíba ba/fu, ba-da ng mě ekye ofê*. *Da n̂g ekan ba/fu, ben ba-kyé ng mě ké Bétel*. Bétel o/chi o-tánê. *Da n̂g ece ké Gyígal*. Ba/chi ba-kám banet ḿbé Gyígal ba-dim ne mbé wǎ básóng.

Máka 6:5

Banet ejí, zîim m̂ ńkyí Otu Bálek mú Mówep o/kabe o/fu, nyǐ o-chi i běn, ne eringe nyí Bálim mú wǎn-Bého o/faa ǎ. Zîim m̂ eringe nyí ben ba/nyáng kace ńké Jódan, ké nkéré mú ba/fím Akákya ba-kú ba-wâa ng Gyígal. Zîim m̂ byěm ḿbyín ne ben ba/chi ba-nyît ńkyí me n/chi n/fu, n-nyii ng běn.

Zefanyâ 2:8

Óburúkpâbí mú o/rêe o-shwôm o/raa o/fu, me nn/jwo ké banet ḿbé Mówep ne Ámon mbe ba-kyâ banet ejí edángé ba-shú u kámbé, ba-pám m ba/fu, mbé ba/chi ba-koo esí ebe.

Jóshwa 24:14

Jóshwa o-chîraa o-ca kashú, o/fu, kántîk kâng, shî n̂g Óburúkpâbí, ba-kye ǎ ofê ne dyityém enen kángkáng kerededet. Pwó n̂g erím-bakye ányi nyí banchí enen ḿbé kpákpá ba/mû ba-kyâ kányí ofê ké Mesopotémya ne ké Éjip, ba-kûfé Óburúkpâbí nké nke.

Jóshwa 4:19

Banet-Ézerel ba/nyáng kace ánke ké ací diǐkpú, ké mbwôp kashú-otukáku, ba-bi bampyep ebe ké oshê mú badakó Gyígal, oshê ámu mu ké kyicê-Jéríku ńkyí esû edabyí.

Jóshwa 5:8

Ké nkéré mú oo/cên kámbé ashí amúmú, mbé ba/waa ányi ké kyikit ńkyí ba/bi bampyep ebe tete acên ebe a-kpú.

1 Sámwel 14:6

Jónátan o/raa ne wǎn-kyisat ámu o/fu, byinyáng byi-wâa ké bampyep-banshâng bakye-banet-Fyilíta ámbe. Katô Óburúkpâbí o/chi o-chwáp bě. Â o/chwáp bě, chwǒm kyi*fí ńkyí kyida ǎ echi ne oo*chi bě byi-kpógê kámbé* nang be byi-kyú boǒníng nǎ*.

1 Sámwel 17:26

Dívit o-bí banet ḿbé ba/kim ne nyǐ o/fu, onet mú odaju onyinchéng-Fyilíta mún, eringe oyén odafîm banet-Ézerel éshwân ńnyín ké bushú, ba-kyâ ǎ ebóng. Nshâng bakye-onet-Fyilíta mún to yeě, mú odacábê basúja-Osówo mú mu okpó.

1 Sámwel 17:36

Me nn/ju bujê-enyam ányi, ne me n/chi n-chi nshâng bakye-onet-Fyilíta mún dyizong ándyi to, mú oo/cábê basúja-Osówo mú mu okpó.

1 Sámwel 7:16

Dyije nang dyirá, nyǐ o-cen n ké Bétel ne Gyígal ne Myízipa, o-nap ng kámbé ashwôn o-câ.