Jóshwa 5:10 - Bokyi Bible

¹⁰ Nkéré mú banet-Ézerel mbe ba-kyú u ké kyikit ánkyi, ńkyí nkyi ké ndege-esí mú o/fárâng ne Jéríku, mbé ba/chi dyijî-kyifen ńkyí Shwôm, ké dyikurúku, ké ací diǐkpú ne achât nyí otukáku ámu.

Jóshwa 5:10 Iomraidhean Croise

2 Sámwel 15:28

Me oyén n/chi n-da-kyú ké anyǎng-kace ké kyikim-dyikán n-kûbám tete wo a-twóm ejá ba-sét mě.

Ézódos 12:11

Baryí kányí ochéé óchee, ká nǎ, ba-man ba-kpá byiko ḿbyí badadim bucen ne abe ké byiká ne ochí ké bubwô. Kyi/chi kyi-kyú dyijî-kyifen ńkyí ozîim mú ba/firi ké byiko ebe, ńkyí ba/chi ba-kûtî ké ofê ejí, me Óburúkpâbí.

Ézódos 12:18

Kyi-fím ké dyikurúku ńdyí ací diǐkpú ne anyii nyí mbwôp kashú-otukáku tete kyi-ribi ké dyikurúku ńdyí ací bujam ne din, baa*man ba-ryí berêt mú ba/fé bukye o-mut*.

Ézódos 12:6

Ké dyikurúku ńdyí ací diǐkpú ne anyii, ké otukáku mún, kángkáng banet ḿbé Ézerel ba/chi ba-ju ebû ányi.

Jeryimáya 39:5

Nké basúja ḿbé Bábyílon ba/rim ne mbé ké kyikû, ba-da-kám Otu Zedekyâ ké byikit ḿbyí ndege ńdege ḿbyí byi/fárâng ne Jéríku. Ne ba-kúng ǎ kâng ba-dim ne nyǐ ké kyikit-Otu Nébúkanéza, mú o/mû ké oshê mú Ryíla, ké esí nyí Hámat. Ányi nké Otu Nébúkanéza o/pan ǎ mpan.

Ezékyel 12:3

Kántîk, ǎ wǎn-onet, wuri byěm eyên a-bwá ké dyiku wǎ onet mú ba/kúng ǎ ké oshê emen, a-dim ne buchú bu-kûjí. Mîng nang yeě o-ri ǒ ké nkéré a-kú a-dim m kyicê kyikíri. [Kakíri bambíri bunwa-banet ámbe ba/chi ba-ri ǒ.]

Lyívyítyíkus 23:5

Dyijî-kyifen ńkyí Shwôm, ńkyí badachi ké ofê mú Óburúkpâbí, dyi-kpet ng ké nkéré mú esû edaríbî, ké ací diǐkpú ne anyii nyí mbwôp kashú-otukáku.

Máka 6:5

Banet ejí, zîim m̂ ńkyí Otu Bálek mú Mówep o/kabe o/fu, nyǐ o-chi i běn, ne eringe nyí Bálim mú wǎn-Bého o/faa ǎ. Zîim m̂ eringe nyí ben ba/nyáng kace ńké Jódan, ké nkéré mú ba/fím Akákya ba-kú ba-wâa ng Gyígal. Zîim m̂ byěm ḿbyín ne ben ba/chi ba-nyît ńkyí me n/chi n/fu, n-nyii ng běn.

Jóshwa 4:19

Banet-Ézerel ba/nyáng kace ánke ké ací diǐkpú, ké mbwôp kashú-otukáku, ba-bi bampyep ebe ké oshê mú badakó Gyígal, oshê ámu mu ké kyicê-Jéríku ńkyí esû edabyí.

Jóshwa 5:11

Ké orî-dyicí ba-byii byiryíng ḿbyí ba/kpang ké Kínan, esang-byichí nyí ba/fwá ofwáng ne berêt mú ba*da/fé bukye ḿbú odamut*.

Jóshwa 9:6

Ba-da-nung ké Gyígal, ké kyikit ńkyí banet-Ézerel ba/mû ba-kyú u. Ba-sét Jóshwa ne banet-Ézerel ba/fu, be byi/fím tíbítíbí ne byi-bâ nyín. Byimu byi-ryuu ng byi/fu, byichi kyikwáré ne ben.

1 Sámwel 7:16

Dyije nang dyirá, nyǐ o-cen n ké Bétel ne Gyígal ne Myízipa, o-nap ng kámbé ashwôn o-câ.