Jóshwa 5:1 - Bokyi Bible

¹ Kángkáng batu-Ámórit ḿbé mbe ké kyicê-kace ńké Jódan, ńkyí esû nyi e-byí i, ne kángkáng batu to ḿbé Kínan, ḿbé mbe ba-kyú u ké bukô-baya ḿbé badakó Medeterényan ba/jwo ba/fu, Óburúkpâbí oo/chi Jódan o-núng tete banet-Ézerel ba-nyáng kánké. Bushî bu-róng kámbé kanong kanong.

Jóshwa 5:1 Iomraidhean Croise

Jénésis 12:6

Ébaram o/cen ké esí ányi tete o-ribi ké kyichí-ociring ńkyí Móre, ké kyikit ńkyí kyi/já Osówo, ké Shékem. Ké nkéré ámu, banet ḿbé Kínan ba/mû ba/tôong ba-kyú u ké esí ányi.

Jénésis 48:22

Wo nké n/kye ǒ Shékem, *chí bwǎn-bané eyên*. Kyikim-esí ánkyi ńkyí kyidajang ebát byiryíng, ńkyí n/nwa byití ne banet ḿbé Ámórit ne n-koo.

2 Sámwel 21:2

Banet-Gyíbwon ba/mû ba*da/fím ne banet-Ézerel*. Mbé ba/mû kaǎzú-banet-Ámórit ḿbé banet-Ézerel ba/mû baa/ryí ocím ba/fu, mbé ba-ku ng kámbé, nké Otu Sôl o/kan o/fu, nyǐ o-ju ng kámbé, ké bubwô-kiǐtí-kyijé ńkyí o/mû ne nkyí ne banet-Ézerel ne ḿbé Júda.

1 Kyîng 10:5

O/ri byiryíng ḿbyí ba/mû mbe ba-tî ng ké ókpákpúrúk emen, ne byise ḿbyí banet-ashí-bǎmkpóngé emen ba/mû ba-kyú u, ne eringe bǎmgbán ḿbé ké kyibám-butu emen ba/mû ba-chi i bǎmkpóngé ebe, ne azong-byidóng nyí ba/mû mbe ba-fâ, ne bǎmgbán emen ḿbé badachi bǎmkpóngé ké ajî, ne byifen ḿbyí o/mû mu o-chi i ké kiǐtí-kyise-kyifen-Osówo echi. Busa bu-man ǎ, o-waa ocím ké dyishí fúú.

Ézara 9:1

Ké nkéré baa/chi ńkyín kángkáng, banet-ashí bakíri ḿbé banet-Ézerel ba/bê ba-ba-sét mě ba/fu, banet-Ézerel ne banchi kyifen-Osówo ne bǎmgbán-banchi kyifen-Osówo ba*fí ba-tî ng byiko ebe cát* ne banet ḿbé eshê nyí e/fárâng ne mbé* banet ḿbé Ámon ne Mówep ne Éjip ne Kínan ne Hyítat ne Périzit ne Jébus ne Ámórit. Mbé mbe ba-chi i azong-byibî-byěm abónge nyí banet ámbe mbe ba-chi i.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 135:11

Batu wǎ Otu Síhon mú otu mú Ámon, ne Otu Ôok mú otu mú Báshan, ne kángkáng batu ḿbé Kínan.

Ézódos 23:28

N/chi n-fé banet-bushwôn enen bushî.] N/chi n-ró banet ḿbé Hyíbit ne ḿbé Kínan ne ḿbé Hyítat ké nkéré ba-kú ba-câ kámbé ké abwô.

Azáya 41:5

Banet ḿbé mbe ba-kyú u ké eshê nyí tíbítíbí baa/ri ńkyí me n/chi. Ba-kú ba-shî ng ba-tím m banê. Ké bubwô ámbu, mbé ashí amúmú ba/cibi ba-bâ.

Ezékyel 16:3

Sét Jerúsélem ńkyí Óburúkpâbí mú mu Otu Kyítá mu o-sét ng ǎ, o/fu, wo ba/mû ba/fwon ǒ ké esí nyí Kínan. Bonchí eyên o/mû onet mú o/fím Ámon, ne boné eyên o/mû onet mú o/fím Hyítat.

Ezékyel 21:7

 ba/bí ǒ ńkyí kyi/chi ne wo amu a-shwám m, sét kámbé a/fu, wo amu a-shwám m ké bubwô-kyitwóm ńkyí nkyi kyi-bâ. Ké nkéré kii/bê, atyém ebe a/chi a-sú ne bushî. Abwô ebe a/chi a-firi kyeekyee, ne asa a/chi a-man kámbé, ne arông ebe a/chi a-tím banê. Nkéré oo/fyi, ne oo/ribi nyín. Óburúkpâbí mú mu Otu Kyítá nké o/raa.

Dányel 5:6

Kashú emen ka-bên, ne bushî bu-róng ǎ kanong kanong ḿbú bu/chi arông emen a-kpet banê esó.

Émos 2:9

Nké, ǎ banet ejí, kyi/mû ké dyishí enen nké n/ju banet ḿbé Ámórit, banet ḿbé ba/mû ba/kwóp wǎ biǐwó, ba-shwane e wǎ nsan.

Nómba 13:29

Banet ḿbé Amálek mbe ba-kyú u ké kyicê-esí ńkyí busyísen. Ḿbé Hyítat ne Jébus ne Ámórit mbe ba-kyú u ké esí nyí eku éku. Banet ḿbé Kínan mbe ba-kyú u fáráng ne baya ḿbé badakó Medeterényan ne bakô-kace ńké Jódan.

Jóshwa 17:12

Nké banet-Manáse ba*da/man eró banet ḿbé ba/mû ba-kyú u ké eshê ányi*. Ké bubwô ámbu kâng, banet-Kínan ba/waa ányi.

Jóshwa 17:18

Esí nyí eku éku e/chi e-kyú nyí enen. Nang ké nyǐ nyi éné kyizinge kyízinge, ben ba/chi ba-tyém kányí e-firi nyí enen kyi-fím nyín tete a-ribi kú. Nké kyi-kim ne banet-Kínan, ben ba/chi ba-ró kámbé ba-chêe, nang ké mbé mbe éné ne bamútu ḿbé ba/chi ké biǐré, ne ba-chi i banet to ḿbé mbe ba-shwane e.

Jóshwa 24:15

 ben ba*fí ba-bángê e ba/fu, ba-kyâ ǎ nyǐ ofê* sét n̂g kurún Osówo mú ben ba/chi ba-kû ǎ efé, nang erím-bakye ányi nyí banchí enen ḿbé kpákpá ba/mû ba-kyâ kányí ofê ké Mesopotémya, nang nyí banet-Ámórit, ké esí nyí ben ba-kú ba-kyú u kántîk. Ké kakim ńké ejí ne kyikû-banet ejí, be byi-fâ Óburúkpâbí.

Jóshwa 3:16

kace ka-mîng omíng esen, ka-cibi kyikit kyibónge, tete ka-ribi oshê mú badakó Ádam, mú mu tíbítíbí ké bushûyû-kace, fáráng ne oshê mú badakó Zárétan. Kyikim ńkyí busyísen, ńkyí kyi/ribi ké baya ḿbé badakó Bukyû, kyi/núng onúng nang onyin o*da/waa*. Banet-Ézerel ba-nyáng kâng fáráng ne Jéríku.

Jóshwa 3:17

Nkéré mú banet-Ézerel mbe ba-nyáng ng ba-câ ké esí nyí jwómjwóm, banchi kyifen-Osówo ḿbé ba/kúng mkpukpu-byěm-Óburúkpâbí ba/bwom ányi ké otyém-kace ké esí nyí jwómjwóm tete kángkáng banet ba-nyáng.

Revelíshon 18:10

Mbé ba-bwom m tíbítíbí, ké nǎ, mbé mbe ba-shî ng busông emen, ba-raa ba/fu, kyi/bên kyi-shwôm. Kii*nwa eri*. Kiǐtí ne kiimbâng-oshê mún mú Bábyílon. Ké kyikim-nkéré kyibónge nké mpan eyên oo/ribi.

Jójis 1:1

Ké nkéré mú Jóshwa oo/kpú, banet-Ézerel ba/bí Óburúkpâbí ba/fu, kyikû-banet eten kyirá kyidabwóp kashú kyi-da-kye banet-Kínan bunwa.

Jójis 11:23

Kyi/mû Óburúkpâbí mú Osówo-Ézerel nké o/ró banet-Ámórit ké bubwô-banet emen, ányi kyi/byí, banet-Ézerel.

Jójis 3:3

Banet ḿbé ba/mû ba/waa ké esí ányi ba/mû eshê-Fyilíta etánge ne banet-Kínan bamúmú ne banet-Sádon ne banet-Hyíbit ḿbé ba/mû ba-kyú u ké eku nyí Lebánon kyi-fím ké kaku ńké Bâl-Hémon tete kyi-ribi ké kyikit ńkyí badayú kaku, ńkyí badakó Hámat.

Jójis 4:2

Ké bubwô ámbu kâng, Óburúkpâbí o/mîng Otu Jábyin o-kpógê kámbé, nyǐ o/mû otu mú Kínan. O/mû o-kyú u ké Házo. Onet mú o/mû onet-dyishí-basúja emen o/mû o-bángê e Sisárá, nyǐ o/mû o-kyú u ké oshê mú Haróshet, mú o/já banet ḿbé ba*fí banet-Ézerel*.

1 Sámwel 25:37

Ne ńdyí achi aa/wángê ǎ kanong kanong, nyǐ o/sét ǎ kángkáng byěm. O-waa ányi o-róng kyibî-orwôm, byipang-enyam-byiko emen byi-kpú kángkáng.