Jóshwa 4:6 - Bokyi Bible

⁶ Aká ńnyín a/chi a-kûzîim banet-Ézerel kyi-kim ne ńkyí Óburúkpâbí oo/chi. Ké nkéré mú mu o-bâ, â bwǎn enen ba/bí běn ba/fu, aká ńnyín a/byí nǎ,

Jóshwa 4:6 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 44:1

Ô Osówo, be bii/jwo kánkyí ne atông eten. Banchí eten ḿbé kpákpá baa/sét bě kyi-kim ne nkyí, kyi-kim ne biǐtí-byěm ḿbyí wo a/chi ké nkéré mú ebe, ké ací nyí a/shwôm ké esim,

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 71:18

Ô Osówo, *da mě emîng kántîk mú me nn/kâa m-byí ébyî*. Kyú ne me ké nkéré n-kú n-sét ng kángkáng banet ḿbé ba/chi ba-fwon kámbé ké nkéré mú kashú kyi-kim ne busa eyên.

Ézódos 12:14

Ba-man ba-tî dyicí ńdyín wǎ dyicí ńdyí bada mě ekye ofê, ńdyí dyi/chi dyi-kû běn ezîim ńkyí me Óburúkpâbí nn/chi. Kú n̂g echi dyijî ándyi ké kángkáng aje nyí nyi a-bâ.

Ézódos 13:14

Ké nkéré mú mu o-bâ ké kashú, â bwǎn enen ba/bí běn ba/fu, ńkyí bamu ba-chi i něen kyi/byí nǎ, sét n̂g kámbé ba/fu, Óburúkpâbí o/yip kiǐtí-busa emen o-fîm bě byi-byí ké Éjip, ké kyikit ńkyí byi/mû básóng.

Ézódos 13:9

Dyijî ńdyí bamu ba-chi i něen dyi/chi dyi-bwom wǎ chwǒm-dyizíím, wǎ chwǒm ńkyí onet odabwá ké bubwô nang ké dyishí. Dyi/chi dyi-zîim běn ba-kûnyît ba-kwâa ng Byije ḿbyí Óburúkpâbí ba-câ kashú, ké nǎ, Óburúkpâbí o/kúng kiǐtí-busa emen ne o-fîm běn ba-byí ké Éjip.

Ézódos 31:13

o/fu, osét banet ḿbé Ézerel o/fu, tî n̂g dyicí-ékwâbashi enen wǎ dyicí-ociring ejí ńdyí badajáng, ké nǎ, dyi/bwom bě wǎ ekap ké kángkáng bankéré ḿbé mbe ba-bâ, eringe nyí dyi/chi dyi-tông bě dyi/fu, me Óburúkpâbí nn/chi běn ba-firi banet ejí.

Azáya 38:19

Banet ḿbé mbe bakpó nké bada ǒ ekpee wǎ eringe nyí me mu m-kpee ng ǒ kántîk. Banchí mbe ba-sét ng bwǎn ebe eringe nyí wo amu a-tî ng ocím eyên mú a/ryí.

Azáya 55:13

Byichí ḿbyí byiryên byiryên ne ḿbyí byinong byinong byi/chi byi-byí ké byikit ḿbyí biǐbyâa ne byiwong mbyi kántîk. Nyín ekap nyí e/chi e-byí, nyí e/chi e-waa ne banyá, nyí e/chi e-zîim banet ńkyí Óburúkpâbí oo/chi.

Ezékyel 20:12

Me n/chi dyicí-ékwâbashi ebe etî wǎ ekap nyí ocím mú byi/ryí barî eringe badazîim ba/fu, me Óburúkpâbí nké n/chi kámbé banet ḿbé ba/já mě.

Ezékyel 20:20

Chi n̂g dyicí-ékwâbashi enen dyi-kyú dyicí ńdyí dyinong eringe nyí dyidakyú ekap nyí ocím eten mú byi/ryí, ne dyi/chi dyi-chi běn ba-zîim ba/fu, me mu Osówo Óburúkpâbí enen.

Nómba 16:38

Nyǐ a/já mě kyi-fím ké nkéré ba/shí burwan ké nyǐ ké kyikit-kyifen echi ńkyí Óburúkpâbí. Ké bubwô ámbu, yip acáng-okwâ nyí banyinchéng ḿbén ḿbé ba/ju kámbé ké dyishí-byibî ebe, a-díp kányí a-firi biǐbáá-borôn, a-kúng kányí a-chi kiinkíbí ńkyí badacít kyikit-kyifen ejí echi. Kyi/chi kyi-kyú banet-Ézerel chwǒm-ekó ekuri.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 2:39

Ké ebóng, ocím mú Osówo o/ryí, o/ryí běn ben ne bwǎn enen, ne kángkáng banet ḿbé mbe tíbítíbí, kángkáng banet ḿbé Osówo Óburúkpâbí mu o-kó ng o/fu, babâ ba-kâm ǎ.

Dyitórónómyi 11:19

Tángê ê bwǎn enen kámbyí. Raa n̂g kyi-kim ne mbyí ké byise enen ne ké nkéré baa/byí kyíjí ne ké nkéré ba-kú ba-jáng ng ne ké nkéré ba-kú ba-chi i bǎmkpóngé.

Jóshwa 22:27

Nké byi/tî kánkyí wǎ ekap nyí banet eten ne ḿbé enen ne nyí byitông-banet ḿbé mbe ba-bâ eringe nyí badanyît ba/fu, ké ntûntû, be byi/fé Óburúkpâbí ké bushú-mpyep-kyifen emen echi ne eyáré eten ekye byi/fu, bashí, ne byifen to echi, ne eyáré ekye to nyí kyikwáré. Ńkyín kyi-man n echi banet ḿbé ba/fím ké kyikû enen baa*man to esét ḿbé ba/fím ké kyikû eten ba/fu, mbé ba*da/já kyiraa ne Óburúkpâbí*.

Jóshwa 4:21

O-sét banet-Ézerel o/fu, ké nkéré mú mu o-bâ, â bwǎn enen ba/bí běn ba/fu, aká ńnyín a/byí nǎ,

Jóshwa 4:5

O-sét kámbé o/fu, ca n̂g ké kace ánke ńké badakó Jódan. Bwóp n̂g mkpukpu-byěm-Óburúkpâbí mú Osówo enen kashú. Nang yeě ké burwám enen okúng buká bubónge o-twôom ké byikem, ké byikû-banet-Ézerel byimúmú.