Jóshwa 4:23 - Bokyi Bible

²³ Sét n̂g kámbé ba/fu, Óburúkpâbí mú Osówo enen o/chi kace ńkén ka-núng ké bubwô eten tete ké nkéré mú bii/nyáng, wǎ eringe nyí nyǐ o/chi baya ḿbé badakó Rêt ba-núng ké bubwô eten.

Jóshwa 4:23 Iomraidhean Croise

1 Kyîng 8:43

fwôo atông ké nshwam emen. A-chi ńkyí nyǐ o/bí ǒ, eringe nyí kángkáng banet ḿbé ké ejíí bada ǒ enyît ba-kye ǒ ofê wǎ eringe banet eyên ḿbé Ézerel mbe ba-chi i. Kyi-fím ányi kâng, mbé ba/chi ba-nyît ba/fu, kiǐtí-kyise-kyifen eyên echi ńkyín, ńkyí me m/bi, kyi-chi i kyikit ńkyí bada ǒ ekye ofê.

Nehemyâ 9:11

Wo a/chi kiǐfáng ké baya ḿbé baryên a-tî banet eyên a-sí kámbé ba-shwôm ké esí nyí yéyé. Banet ḿbé ba/mû ba-nwa ng ne mbé ba/jé ké kiǐríbíríbí-baya ḿbé baryên, wǎ buká ḿbú budaríbî ké baya.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 78:13

Nyǐ o/kyii baya ḿbé baryên ne o-yip kámbé ba-shwôm ké mbé. Nyǐ o/chi omu mú baya ámbe o-bwom wǎ ekpe.

Ézódos 14:21

Músis o-bwom ké bukô-baya o-yip ochí emen kyíbóng o-tông ké baya, ne Óburúkpâbí o-yip bufú ḿbú buryên ḿbú bu/fím ké kyicê ńkyí esû edabyí o-kyii baya ámbe. Bufú ámbu bu/tugi buchú bumúmú tete bu-chi baya ba-núng. Baya ba/kyii byicê byifee,

Ézódos 15:19

Banet ḿbé Ézerel ba/nyáng baya ké esí nyí jwómjwóm. Nké ké nkéré mú bamútu ḿbé Éjip, ḿbé bubyî-orá budatut ne bubyî-orá ebe ne banet ḿbé mbe ba-tut ng kámbé ba/nung ké baya, Óburúkpâbí o/bwa ne kace esim ka-cít kámbé.

Azáya 43:16

Ké nkéré mú o/shwôm ké esim, Óburúkpâbí o/chi bukwóp bu-shwôm ké baya ḿbé baryên. Kiǐfáng ńkyí kyi/shwôm ké kace ńké nke ka-náng ng.