Jóshwa 4:12 - Bokyi Bible

¹² Banet ḿbé ba/fím ké kyikû ńkyí Rúben ne ḿbé ba/fím ké kyikû ńkyí Gât ne kyicê-banet ḿbé ba/fím ké kyikû ńkyí Manáse, ḿbé baa/kpá byiko-byití enwa, ba-bwóp banet ḿbé áku kashú wǎ eringe nyí Músis o/mû o/sét kámbé.

Jóshwa 4:12 Iomraidhean Croise

Ézódos 13:18

Nké o/cen ne mbé ké bukwóp ḿbú kerékeré ba-nyáng kyikim-dyikán, ké kiǐfáng ńkyí nkyi kyi-jâ baya ḿbé Rêt. Banet ḿbé Ézerel ba/mû ba/kám byěm ḿbyí badanwa byití.

Nómba 32:17

Ne be kâng byi/chi byi-kpá byiko ḿbyí byidadim ne báten-banet-Ézerel byití enwa, byi-bwóp kámbé kashú ké bunwa ekye tete byi-chwáp kámbé ba-kyú ké esí nyí e/chi e-firi nyí ebe. Banet eten kâng ba/chi ba-kyú nyín ké eshê nyí shwaneshwane eringe banet ḿbé esí ńnyín baa*man echi kámbé chwǒm*.

Dyitórónómyi 3:18

Ké nkéré ámu to, me n/sét kámbé byiraa ḿbyín n/fu, Óburúkpâbí mú mu Osówo enen oo/kye běn esí ńnyín nyí ké kyicê-Jódan ńkyí esû edabyí o/fu, ben bakyú ké nyǐ. Kántîk, kye n̂g bannwa byití enen byěm-bunwa, ba-twóm kámbé ba-nyáng Jódan, ba-bwóp byikû-banet-Ézerel ḿbyí áku kashú, ba-da-chwáp kámbé ba-koo esí ebe.

Dyitórónómyi 33:21

Mbé ba/kúng esí nyí e/nwa e-shwôm ba-kye byiko ebe. Ba/kúng kyicê ńkyí kyi/já onet-dyishí ba-kye kámbé. Mbé ba/tî kángkáng byije ḿbyí Óburúkpâbí, [ké nkéré mú banet-ashí ḿbé Ézerel ba/cibi kyikit kyibónge.]

Jóshwa 1:14

Banyi enen ne bwǎn enen ne byitú enen ba/chi ba-waa nyín, nké basúja enen ḿbé baa/kpá byiko-byití enwa ba/chi ba-bwóp banet-Ézerel ḿbé kwán kashú ba-nyáng kace eringe nyí badachwáp kámbé,

Jóshwa 4:11

Nkéré mú baa/nyáng kace ánke ashí amúmú, banchi kyifen-Osówo ḿbé ba/mû ba/kúng mkpukpu-byěm-Óburúkpâbí ba-bwóp kámbé kashú.

Jóshwa 4:13

Bajam-égot-banet nang bajam bafee ḿbé baa/kpá byiko ḿbyí byití enwa, ba/nyáng ba-jâ ké ndege-esí mú mu fáráng ne Jéríku, Óburúkpâbí o/mû ányi ne mbé.