Jóshwa 4:10 - Bokyi Bible

¹⁰ Banchi kyifen-Osówo ámbe ba/bwom ányi ké otyém-kace tete ba-chi kángkáng byěm ḿbyí Óburúkpâbí o/sét Jóshwa o/fu, osét banet ba-chi. Nyín něen ńkyí Músis o/mû o/sét kámbé. Banet-Ézerel ba/nyáng kace ánke ochéé óchee.

Jóshwa 4:10 Iomraidhean Croise

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 119:60

Me mm*bên nkéré ké byije eyên etî*.

Ézódos 12:39

Ba/chi berêt mú baa*fé bukye o-mut* ké filáwa mú badachi berêt, mú mbé ba/mû ba/kúng ké Éjip, ké nǎ, ba/ró kámbé ké Éjip ochéé óchee, mú ba*da/já nkéré mú badarám byiryíng* ba-chi nang berêt mú badafé bukye o-mut*.

Póróvep 27:1

*Datông byiko kyi-kim ne dyicí ńdyí nencí* ké nǎ, wo a*fí a-nyît ng ńkyí kyi/chi kyi-chi nang kurún*.

Ekyilyizátes 9:10

Nang ebóng ńkyí amu a-chi i chi kánkyí a-fé busa, ké nǎ, ké oshê-bakúsí mú mu kyikit ńkyí amu a-wâa ng, bǎmkpóngé ba*fí* okabe o*fí* byinyídíng byi*fí* nang bubong bu*fí*.

Azáya 28:16

Ńkyí Óburúkpâbí mú mu Otu Kyítá mu o-raa ng kántîk nkyi něen. O/fu, nyǐ mu o-bi ng kiimkpet kyikû-ekpe ńkyí kyidashwane ké Záyon. Ké kiimkpet kyikû-ekpe ánkyi nyǐ mu o-fâ otyép-kiǐtí-buká ńkyí ba/sáng ké nkyí ba/fu, dyityém efé ne Osówo ńdyí ndyi shwanshwan dii*ju byiko*.

2 Koríntyan 6:2

Jwo n̂g ńkyí Osówo o/sét o/fu, me n/fwôo atông n-jwo běn ké ochíchí-nkéré mú ejí. Me n/chwáp běn ké dyicí ńdyí n/fu, n-nyii ng běn. Ben kâng, ǎ bacín ejí, fwôo n̂g atông ba-jwo. Nyín nkéré mú byidakoo ochwâp mú Osówo, kurún nké nkyi dyicí ńdyí Osówo oda bě enyii.

Dyitórónómyi 31:9

Ne Músis kâng o-sáng byije-Osówo kyísí o-kye banet-ashí-Ézerel ne banchi kyifen-Osówo ḿbé kyikû ńkyí Lyíva, ḿbé ba/mû ba-tún n mkpukpu-byěm-Óburúkpâbí.

Jóshwa 24:11

Ben ba/nyáng Jódan ba-bâ Jéríku. Banet-Jéríku ba-nwa ne ben wǎ eringe nyí ḿbé Ámórit ne ḿbé Périzit ne ḿbé Kínan ne ḿbé Hyítat ne ḿbé Gyígashit ne ḿbé Hyíbit ne ḿbé Jébus ba/nwa ne ben. Nké me n/chi běn ba-kpógê kámbé ashí amúmú.

Jóshwa 3:13

Ké nkéré mú banchi kyifen-Osówo ḿbé ba/kúng mkpukpu-byěm-Óburúkpâbí mú mu Otu mú ejíí emúmú ba/fé abe ebe ké kace, kace ka/chi ka-mîng esen, ne omu mú mu ké kyicê ńkyí bushûyû o/chi o-ba-cibi kyikit kyibónge.

Jóshwa 4:11

Nkéré mú baa/nyáng kace ánke ashí amúmú, banchi kyifen-Osówo ḿbé ba/mû ba/kúng mkpukpu-byěm-Óburúkpâbí ba-bwóp kámbé kashú.

Jóshwa 4:9

Jóshwa o/sím to aká diǐkpú ne afee o-bi cip ké otyém-kace, ké kyikit ńkyí banchi kyifen-Osówo ḿbé ba/kúng mkpukpu-byěm-Osówo ba/mû ba/bwom. Nang kántîk, aká ányi a/tôong áku.