Jóshwa 3:8 - Bokyi Bible

⁸ Sét banchi kyifen ejí ḿbé ba/kúng mkpukpu-byěm ejí a/fu, â ba/ribi ké Jódan, mbé banung ké kafâ, ba-bwom fáráng ké bukô.

Jóshwa 3:8 Iomraidhean Croise

2 Kyîng 2:6

Ne Elája o-sét Elásha kâng o/fu, kyú nyín, Óburúkpâbí oo/sét mě o/fu, me nca ké kace ńké Jódan. Nké Elásha o/faa ǎ o/fu, me n/sem ké ofê mú Óburúkpâbí mú mu okpó ne ké ofê mú eyên to n/fu, me mm*ba/chi m-mîng ǒ*. Ne ba-dim kâng ba-ca kashú,

2 Korónyíkil 29:15

Banyinchéng ḿbén ba/kó bábe-bǎmgbán-nchi kyifen-Osówo ba-cibi kyikit kyibónge, ne mbé kángkáng ba-soo byiko ebe kpárám. [Mbé kâng, ké busa ḿbú Otu Hezekyâ o/kye, ba-kpet efîm byibî ké kiǐtí-kyise-kyifen-Osówo echi, wǎ eringe byije ḿbyí Óburúkpâbí byi/sét.]

2 Korónyíkil 29:27

Otu Hezekyâ o-kye busa o/fu, bachi kyifen-eyáré eshí, ne ké nkéré ba-kpet ng kyifen-eyáré eshí ba-bâ, banet-Ézerel ba/kwán ekwan-akpee ba-kye Óburúkpâbí, ne bankim ane ba-kpet kángkáng byitógé-ane ekim ne biintán ejwá.

2 Korónyíkil 29:30

Otu Hezekyâ ne banet-ashí-oshê ba-sét bǎmgbán-nchi kyifen-Osówo ba/fu, bakwán ekwan-akpee nyí Otu Dívit ne Ásap mú mkpábé mú odasét byiraa-Osówo ba/mû ba/sáng kyísí ba-kye Óburúkpâbí. Ké bubwô ámbu, nang yeě o/kwán ekwan ne bunyîn-dyityém ḿbú kiǐtí ké nkéré ba/tím arông kyísí ba-kye Osówo ofê.

2 Korónyíkil 30:12

Osówo to o/mû o-chi i bǎmkpóngé ké Júda, ne o/cibi banet ejá kyikit kyibónge ba-bángê echi ńkyí nyǐ o/sét otu ne banet-ashí-bǎmkpóngé emen o/fu, basét kámbé.

Nehemyâ 13:22

Me n/kye busa n/fu, bǎmgbán-nchi kyifen-Osówo basoo byiko ebe ba-kye Osówo, ba-dim edabám afyi ba-ri ba/fu, banet-Ézerel mbe ba-tî ng dyicí-ékwâbashi kanong. Me n/fé nshwam n/fu, ô Osówo, kû mě ezîim ké bubwô ńkyín to, ne ri mě bafip ké bubwô-kyijé eyên ńkyí kiǐtí.

Nehemyâ 13:28

Jwâda o/mû wǎn mú Elyǎship mú otu-nchi kyifen-Osówo. Nké wǎn mú Jwâda obónge o/bé wǎn-Sábalat mú onyinyi, mú o/fím oshê mú Bét-Hóron. Ké bubwô ámbu, me n/chi Jwâda o-dim ké Jerúsélem.

Ézódos 14:13

Músis o-faa kámbé o/fu, *da n̂g eshî*. Bwom m̂ kíngkíng, ne ba/chi ba-ri ńkyí Óburúkpâbí o/chi o-chi o-nyii běn. Baa*ba/chi ba-chîri banet ḿbé Éjip ámbe*.

Lamantéshan 3:26

Ké bubwô ámbu, kyi-nwa ng kyi-shwôm ńkyí byidabwom chee, byi/fu, onyii bě.

Jóshwa 3:17

Nkéré mú banet-Ézerel mbe ba-nyáng ng ba-câ ké esí nyí jwómjwóm, banchi kyifen-Osówo ḿbé ba/kúng mkpukpu-byěm-Óburúkpâbí ba/bwom ányi ké otyém-kace ké esí nyí jwómjwóm tete kángkáng banet ba-nyáng.

Jóshwa 3:3

ba-sét ng banet ba/fu, â ba/ri banchi kyifen-Osówo ḿbé mbe ba-kúng ng mkpukpu-byěm-Óburúkpâbí mú Osówo enen, fút n̂g bampyep ba-dim ne mbé ké kyikû.

Jóshwa 3:7

Óburúkpâbí o-raa ne Jóshwa o/fu, ńkyí me n/chi n-chi kurún kyi/chi kyi-chi banet-Ézerel ba-kpet ǒ ekye ofê wǎ kiǐtí-onet, ne mbé to ba/chi ba-kûnyît ba/fu, me mu ne wo wǎ eringe m/mû ne Músis.

Jóshwa 3:9

Jóshwa o-sét kâng banet o/fu, bâ n̂g kwán ba-ba-jwo ńkyí Óburúkpâbí mú Osówo enen mu o-sét ng běn.

Jóshwa 4:11

Nkéré mú baa/nyáng kace ánke ashí amúmú, banchi kyifen-Osówo ḿbé ba/mû ba/kúng mkpukpu-byěm-Óburúkpâbí ba-bwóp kámbé kashú.