Jóshwa 3:7 - Bokyi Bible

⁷ Óburúkpâbí o-raa ne Jóshwa o/fu, ńkyí me n/chi n-chi kurún kyi/chi kyi-chi banet-Ézerel ba-kpet ǒ ekye ofê wǎ kiǐtí-onet, ne mbé to ba/chi ba-kûnyît ba/fu, me mu ne wo wǎ eringe m/mû ne Músis.

Jóshwa 3:7 Iomraidhean Croise

1 Korónyíkil 29:25

Óburúkpâbí o/chi oshê omúmú ba-kûshî Otu Sólómon, ne o/chi ǎ o-kyú kiǐtí o-shwôm otu nang orá mú o/mû o/kyú otu mú Ézerel.

2 Korónyíkil 1:1

Otu Sólómon mú wǎn-Otu Dívit o/níbî oshê mú Ézerel shwaneshwane wǎ otu, ne Óburúkpâbí mú Osówo emen o/jware ǎ, o-chi ǎ o-firi ne busa kanong kanong.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 7:17

Ebóng ńkyí onet mu ǒ kiǐtí. Ebóng ńkyí amu a-fwôo ng atông ké byěm ḿbyí nyǐ mu o-chi i.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 18:35

Ô Óburúkpâbí, wo amu a-ku ng mě ne amu a-nyii ng mě. [Otûn] eyên mú amu a-tún n mě oo/chi mě n-firi kiǐtí, ne busa eyên boo/tî mě kanong.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 17:1

Ké nkéré mú Jisos oo/raa byěm ḿbyín kpók, o-bêem achi o-tún kyíbóng, o-raa o/fu, Kyítá, nkéré oo/fyi. Kye Wǎn eyên akpee, eringe nyí Wǎn eyên to oda ǒ ekye akpee.

Fyilyípyan 1:20

Okabe ejí mú mu mě ké kafâ-dyityém ne achi etî ejí nyi něen, n/fu, mm*ba/chi m-mîng bǎmkpóngé ejí* nké n/fu, ké kángkáng nkéré, aciringaciring kántîk, busa bu/chi bu-nung mě kanong kanong. Eringe nyí ne kyirim ejí kángkáng, me n/chi n-chi ba-kûkye Karâs ofê, nang mu n-kpen n, nang mu m-kpú u.

Jóshwa 1:17

Be byi-kyâ ǒ ofê wǎ eringe nyí byi/mû byi-kyâ Músis kángkáng nkéré. Kyi/bát Óburúkpâbí mú Osówo eyên okyú ne wo wǎ eringe nyí o/mû ne Músis.

Jóshwa 1:5

Onet o*fí nang obónge mú o/chi o-man běn ekpógê* â wo amu okpó* ǎ Jóshwa*. Me n/chi n-kyú ne wo wǎ eringe nyí m/mû ne Músis. Me n/chi n-kyú ne wo kángkáng nkéré. Me mm*ba/chi m-mîng ǒ ne banyá*.

Jóshwa 1:9

Zîim a/fu, me nn/sét ǒ n/fu, fé busa a-kyú to ne dyityém dyibónge. *Dachi a-shî* a-jwâa asa* ké nǎ, me Óburúkpâbí mú Osówo eyên, me mu ne wo nang a-ca nyá nang a-ca nyá.

Jóshwa 3:6

O-sét kâng banchi kyifen-Osówo o/fu, bakúng mkpukpu-byěm-Osówo ba-ca ne mǔ kashú. Ba-chi kâng wǎ eringe nyǐ o/sét kámbé.

Jóshwa 3:8

Sét banchi kyifen ejí ḿbé ba/kúng mkpukpu-byěm ejí a/fu, â ba/ribi ké Jódan, mbé banung ké kafâ, ba-bwom fáráng ké bukô.

Jóshwa 4:14

Ńkyí Óburúkpâbí o/chi dyicí ándyi kyi/chi banet-Ézerel ba-kúng Jóshwa wǎ kiǐtí-onet. Ba-kpet ǎ ekye ofê kángkáng nkéré ké dyikpen emen, wǎ eringe nyí ba/mû ba-kyâ Músis.