Jóshwa 3:5 - Bokyi Bible

⁵ Jóshwa o-sét banet-Ézerel o/fu, soo n̂g byiko enen, ké nǎ, nencí Óburúkpâbí o/chi o-chi akat o-kye běn.

Jóshwa 3:5 Iomraidhean Croise

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 1:5

Ké nkéré mú ací nyí dyijî aa/man, Jôp o-kó ng bwǎn emen ba-bâ o-jware kámbé. Nyǐ o-jwóbê ng ké dyicófóróng pirípirí o-chi byifen o-kye Osówo ké ocím-bwǎn emen kángkáng, ké nǎ, Jôp o/fu, kakíri bwǎn emen baa/chi byibî ba-cábê Osówo ké dyityém ebe. Ké bubwô ámbu, nyǐ o/chi byifen o-jware bwǎn emen kángkáng nkéré.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 77:15

Wo a/nyii bwǎn ḿbé Jekôp ne ḿbé Josêf, ḿbé mbe banet eyên.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 86:10

Wo a/rêe ne amu a-chi i byěm-akat. Wo kǎnchí nké amu Osówo.

Jówel 2:16

Kó n̂g banet ḿbé Júda ba-bâ kyikit kyibónge. Kpá n̂g kámbé byiko ké ncibi mú Osówo. Bâ n̂g ne ḿbé bakínkán ne ḿbé bwǎsíng ne ḿbé bwǎn-bajújwô to. Nang banet ḿbé ba/bé dyibé abeabe ba-man ba-byí ké banfût ebe, ba-bâ kyíjí.

Lyívyítyíkus 10:3

Músis o-sét Éron o/fu, ńkyín nké Óburúkpâbí o/mû mu o-raa ng ńdyí o/raa o/fu, kángkáng banet ḿbé mbe ba-chi i bǎmkpóngé ejí ba-man ba-kye kanong ejí ofê. [Me n/chi n-tông banet ejí busan ejí ḿbú ragerage.] Nké Éron [o*da/faa ojá*.]

Lyívyítyíkus 20:7

Tî n̂g byiko enen ké dyikpen ńdyí dyinong ekyú, ké nǎ, me n-chi i Óburúkpâbí mú mu Osówo enen.

Nómba 11:8

Bu/mû bu-róng ng ké kafâ-oshê ne buchú cibicibi ne kyibû. Ké dyicófóróng, banet-Ézerel ba-byí kyíjí ba-da-bwóp kámbú, ba-kwa kámbú, bukíri ba-kíbî kámbú bu-firi wǎ filáwa mú badachi berêt. Ne mbé kâng ba-rám kámbú ba-bîi byirim-berêt ḿbyí gbalegbale ba-ká. Bu/mû bu-nyîn n éné wǎ berêt mú ba/ká ké bakút-ólif.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 17:19

Ne ké bubwô ebe, nn/kúng byiko ejí n-kye ǒ, eringe nyí mbé to badakúng byiko ebe ntûntû ba-kye ǒ.

Jóshwa 3:13

Ké nkéré mú banchi kyifen-Osówo ḿbé ba/kúng mkpukpu-byěm-Óburúkpâbí mú mu Otu mú ejíí emúmú ba/fé abe ebe ké kace, kace ka/chi ka-mîng esen, ne omu mú mu ké kyicê ńkyí bushûyû o/chi o-ba-cibi kyikit kyibónge.

Jóshwa 3:4

Ben ba/mû ba*da/bê ne nyín*. Ne ké bubwô ámbu, mbé nké bada běn etông kiǐfáng ńkyí badacen. Nké *da n̂g echi ba-cen ba-fárâng mkpukpu-byěm-Osówo*. Waa n̂g kwán ké esim, ké kyilómyíta nang obónge.

Jóshwa 3:6

O-sét kâng banchi kyifen-Osówo o/fu, bakúng mkpukpu-byěm-Osówo ba-ca ne mǔ kashú. Ba-chi kâng wǎ eringe nyǐ o/sét kámbé.

Jóshwa 7:13

Bûu nensang. Banet eyên basoo byiko ebe, a-kpá kámbé byiko ḿbyí badabê ké bushú ejí nencí. Sét kámbé a/fu, bakpá byiko, ké nǎ, me Óburúkpâbí mú Osówo-Ézerel nké n/raa n/fu, ben bamu ne byěm ányi byikíri ḿbyí n/sét běn n/fu, bên n̂ kámbyí. Ben baa*ba/chi ba-man ebwom ne banet-bushwôn enen* tete ba-bên byěm ámbyi.

1 Sámwel 16:5

Nyǐ o-faa kámbé o/fu, âa, ḿbú bunyîn-dyityém. Me m/bê kyifen ebachi n-kye Óburúkpâbí. Soo n̂g byiko enen ba-bâ ne me ké kyikû. O-sét to Jésyi ne bwǎn emen ḿbé banyinchéng o/fu, basoo byiko ebe kpárám. O-sét to kámbé o/fu, babâ to ké kyifen ánkyi.