Jóshwa 3:4 - Bokyi Bible

⁴ Ben ba/mû ba*da/bê ne nyín*. Ne ké bubwô ámbu, mbé nké bada běn etông kiǐfáng ńkyí badacen. Nké *da n̂g echi ba-cen ba-fárâng mkpukpu-byěm-Osówo*. Waa n̂g kwán ké esim, ké kyilómyíta nang obónge.

Jóshwa 3:4 Iomraidhean Croise

Jénésis 31:2

Jekôp o/ri to o/fu, Lában o*fí to o-tî ng ǎ kanong kanong wǎ nkéré mú kashú*.

1 Korónyíkil 11:2

Ké nkéré mú o/shwôm ké esim, nang ké nkéré Otu Sôl o/mû o/tôong otu eten, wo a/kpî bě byi-ca byití, ne Osówo Óburúkpâbí eyên o/ryí ǒ ocím o/fu, wo a/chi a-tông banet emen bukwóp, a-firi otu ebe.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 25:12

Banet ḿbé mbe ba-chi i ńkyí Óburúkpâbí o/sét ba/chi ba-kwâa kiǐfáng ńkyí mbé badacen ne nyǐ.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 89:7

Wo amu ne ofê ké ncibi mú byěm ḿbyí mbyi kyíbóng, ne mbyí kángkáng ba-shî ng ǒ kanong kanong.

Ézódos 19:12

Tut busáng a-wáp kaku a-fé ké kafâ, ḿbú banet baa*ba/chi ba-nyáng kámbú*. A-sét kámbé a/fu, onet o*dachi o-yú kaku ánke* o-fárâng nang kánké*. Nang yeě nké o/ta kyiká ké nké, baju ǎ.

Ézódos 3:5

Osówo o-sét ǎ o/fu, *dachîking a-bâ kashú*. Pii abe eyên ké byiká, ké nǎ, wo a/cím byiká ké esí nyí e/já mě.

Ézódos 4:10

Nké Músis o/raa o/fu, aa*wááng* ǎ Óburúkpâbí*. *Da mě etwóm me*. Me mm*man eraa kyiraa* ne n*da/bwom ne wǎ onet mú odaman eraa* kyi-fím ké nkéré mú a/kpet eraa ne me*.

Azáya 30:33

Ké nkéré mú o/shwôm ké esim chwóó, ba/tî kyikit ńkyí badawóngê kiǐkâp-okwâ ńkyí badashí [otu mú Asyírya.] Kyikit ánkyi kyi/ríbî kyi-rêe ne kiǐzú-ekwón nyáám. Óburúkpâbí nké odatuu bufú-okwâ ké nkyí ne kyi-koo bumang.

Azáya 48:17

Osówo mú mu onong mú Ézerel, Óburúkpâbí mú mu o-nyii ng běn o/raa o/fu, me n-chi i Óburúkpâbí mú mu Osówo enen, mú mu o-ryuu ng o/fu, nyǐ o-tángê e běn eringe nyí kyi/chi kyi-nwa kyi-kye běn, ne mu o-tông ng běn kiǐfáng ńkyí ben badajé.

Jóshwa 3:3

ba-sét ng banet ba/fu, â ba/ri banchi kyifen-Osówo ḿbé mbe ba-kúng ng mkpukpu-byěm-Óburúkpâbí mú Osówo enen, fút n̂g bampyep ba-dim ne mbé ké kyikû.

Jóshwa 3:5

Jóshwa o-sét banet-Ézerel o/fu, soo n̂g byiko enen, ké nǎ, nencí Óburúkpâbí o/chi o-chi akat o-kye běn.