Jóshwa 3:16 - Bokyi Bible

¹⁶ kace ka-mîng omíng esen, ka-cibi kyikit kyibónge, tete ka-ribi oshê mú badakó Ádam, mú mu tíbítíbí ké bushûyû-kace, fáráng ne oshê mú badakó Zárétan. Kyikim ńkyí busyísen, ńkyí kyi/ribi ké baya ḿbé badakó Bukyû, kyi/núng onúng nang onyin o*da/waa*. Banet-Ézerel ba-nyáng kâng fáráng ne Jéríku.

Jóshwa 3:16 Iomraidhean Croise

Jénésis 14:3

Batu ḿbén ashí atánge ba/cibi ne barî, ba-tî basúja ebe kyikit kyibónge ké owo mú Sídim, mú o/firi kántîk baya ḿbé badakó Bukyû.

1 Kyîng 4:12

Eshê-Tának ne Megído ne kángkáng esí nyí e/fárâng ne Bét-Shǎan, fáráng ne oshê-Zárétan, ké kyicê-busyísen-oshê mú badakó Jézerel, tete a-byí oshê mú badakó Ébel Mehóla ne oshê-Jókamyam e/mû e/já Bána mú wǎn-Ahílut.

1 Kyîng 7:46

Otu Sólómon o/fu, bachi kámbyí kángkáng ké kyikit ńkyí badachi biǐré, ké otyém ne otyém mú Súkot ne Zárétan, ké ndege-esí mú Jódan.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 114:3

Baya ḿbé badakó Rêt ba/kan achi ba-chêe. Kace ńké Jódan ka/mîng esen.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 114:5

Baya, ebóng kyi/chi ne wo a-chêe. Ne wo, ǎ kace ńké Jódan, ebóng ńkyí a/mîng esen.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 29:10

Biǐríbíríbí-baya mbyi ké bubwô-Óburúkpâbí. Nyǐ mu o-níbî ng kámbyí wǎ Otu.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 33:7

Nyǐ o/kpaa kángkáng buce o-tî kyikit kyibónge o-kpaa baya o-fín ké kafâ-banfût emen kyísí.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 66:6

Nyǐ o/yángê baya ḿbé baryên ba-firi esí nyí yéyé. Banchí eten ḿbé kpákpá ba/nyáng baya ámbe ké byiká. Ányi nké banet eten ba/jêe ké bubwô ńkyí nyǐ o/chi.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 74:15

Wo a/chi booce ḿbú mbu bu-byí i ké bambwo bu-sen, a-chi baya ba-núng.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 77:19

Wo a/cen a-shwôm ké baya ḿbé baryên. Wo a/nyáng baya ḿbé ba/ríbî, nké ba*da/man eri abe-byiká eyên nyí a/cím*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 78:13

Nyǐ o/kyii baya ḿbé baryên ne o-yip kámbé ba-shwôm ké mbé. Nyǐ o/chi omu mú baya ámbe o-bwom wǎ ekpe.

Ézódos 14:21

Músis o-bwom ké bukô-baya o-yip ochí emen kyíbóng o-tông ké baya, ne Óburúkpâbí o-yip bufú ḿbú buryên ḿbú bu/fím ké kyicê ńkyí esû edabyí o-kyii baya ámbe. Bufú ámbu bu/tugi buchú bumúmú tete bu-chi baya ba-núng. Baya ba/kyii byicê byifee,

Ézódos 14:22

ne banet ḿbé Ézerel ba-nung ké kyikit-baya ńkyí kii/núng, omu o-bwom kámbé byicê byimúmú wǎ ekpe-kyise.

Ézódos 14:29

Nké banet ḿbé Ézerel ba/cen ké éshíshě ba-nyáng baya, omu o-bwom kámbé byicê byimúmú wǎ ekpe-kyise.

Ézódos 15:8

Wo a/tuu bufú ké baya ne kace ba-bwom dyibwôm. Ka-bûu ka-bwom kyíbóng wǎ ekpe-kyise, kyikit-kace ńkyí kyi/ríbî kyi-shwôm kyi-jwóm.

Azáya 50:2

Ebóng banet ejí ba/né ebángê ne me ké nkéré n/dim n-kâm kámbé n/fu, n-nyii ng kámbé. Ebóng mbé ba*da/bángê ké nkéré n/kó kámbé*. Me n/jang ejap kyeekyee mú mm*man enyii kámbé*? Me m-man n enyán baya ḿbé baryên ba-núng, n-chi buce bu-firi kyikim-dyikán, ekworê nyí e/mû ké mbú e-kpú kyijé-omu.

Ezékyel 47:8

Nyǐ o-raa ne me o/fu, kace ńkén nke ka-sen n ka-shwôm esí ńnyín ka-jâ ḿbú kyicê ńkyí óbyísû mu o-byí i, ne ké owo mú Jódan ka-ribi ké baya ḿbé badakó Bukyû. Ké nkéré kaa/sen ka-nung ké baya ḿbé badakó Bukyû, nke ka-yángê e omu mú baya ámbe mú mu bano báno o-firi mú badajwáp.

Náhum 1:4

Nyǐ o-nyán n baya ḿbé baryên ne buce byi-núng, o-chi byifát ḿbyí Báshan byi-jwóm, o-chi kaku ńké Kámel ka-jwóm, o-chi ekong-byichí nyí Lebánon e-kpú.

Habákuk 3:8

Óburúkpâbí, buce nké bu/chi ǒ ne a-sa kafâ? baya nké ba/chi ne kafâ ka-bírî ǒ? Wo a/yú a-cen ké éfíbí. Bubóng ḿbú boo/jîi nké bu/mû mútu eyên ké nkéré mú a/chi banet eyên ba-kpógê.

Nómba 34:3

Buti ḿbú kyicê ńkyí busyísen bu/chi bu-fím ké kyikim-dyikán ńkyí Zîn bu-cen ké buti ḿbú Édom. Mbú bu/chi bu-kpet ké kyicê ńkyí esû edabyí, ké dyishí-baya ńdyí busyísen, ḿbé badakó Bukyû.

Dyitórónómyi 1:1

Nwet mún o/sét kyi-kim ne byiraa ḿbyí Músis o/raa ne banet-Ézerel ké nkéré ba/mû ké kyikim-dyikán, ké kyicê-kace-Jódan ńkyí óbyísû odabyí. Mbé ba/mû ké owo mú kace ńké Jódan, fáráng ne Sûp, ké otyém ne otyém mú oshê mú Páran ne eshê nyí Tófel ne Lában ne Házerot ne Dyizáhap.

Dyitórónómyi 3:17

Ké kyicê ńkyí óbyísû mu o-ríbî ng o-jâ, esí ebe n/nere tete e-ribi ké kace ńké Jódan, kyi-fím ké baya ḿbé Gályílyi ké kyicê ńkyí bushûyû tete e-ribi ké baya ḿbé Bukyû, ké kyicê ńkyí busyísen tete kyi-ribi ké kyikû-kaku ńké Pyísaga, ké kyicê ńkyí óbyísû odabyí.

Jóshwa 12:3

Butu emen bu/ribi to ké owo mú Jódan, kyi-fím ké baya ḿbé Gályílyi bu-ribi ké oshê mú Bét-Jéshímot, ké kyicê ńkyí busyísen, ké kyicê-baya ḿbé badakó Bukyû ńkyí esû edabyí, bu-shwôm bu-ca kashú ké kyicê ńkyí kyikû-kaku ńké Pyísaga.

Jóshwa 15:2

Buti ḿbú kyicê-busyísen ámbu bu/fím ké kyikit ńkyí bu/kúlî ké baya ḿbé badakó Bukyû,

Jóshwa 16:7

Bu-fím ányi kâng bu-shû bu-jâ kyísí ké Janáwa bu-ribi Átarot ne Nára, tete bu-ribi Jéríku bu-da-kúlî ké Jódan.

Jóshwa 3:13

Ké nkéré mú banchi kyifen-Osówo ḿbé ba/kúng mkpukpu-byěm-Óburúkpâbí mú mu Otu mú ejíí emúmú ba/fé abe ebe ké kace, kace ka/chi ka-mîng esen, ne omu mú mu ké kyicê ńkyí bushûyû o/chi o-ba-cibi kyikit kyibónge.

Jóshwa 4:22

ben ba-man n esét kámbé kyi-kim ne nkéré mú banet-Ézerel ba/nyáng kace ńkén ké esí nyí jwómjwóm.

Jóshwa 5:1

Kángkáng batu-Ámórit ḿbé mbe ké kyicê-kace ńké Jódan, ńkyí esû nyi e-byí i, ne kángkáng batu to ḿbé Kínan, ḿbé mbe ba-kyú u ké bukô-baya ḿbé badakó Medeterényan ba/jwo ba/fu, Óburúkpâbí oo/chi Jódan o-núng tete banet-Ézerel ba-nyáng kánké. Bushî bu-róng kámbé kanong kanong.

Jójis 7:22

Nkéré mú Gyídyon ne banet emen mbe ba-jwá ng bantán éné, Óburúkpâbí o-chi basúja ámbe ba-kye barî bunwa ne bushwám ebe. Ba-zóngê ba-jâ ḿbú Zárétan tete ba-ribi Bét-Shíta, tete ba-ribi oshê-Ébel-Mehóla, fáráng ne Tábat.