Jóshwa 3:10 - Bokyi Bible

¹⁰ O/fu, â ben ba-kú ba-câ kashú, nyǐ o-man o-ró banet ḿbé Kínan ne ḿbé Hyítat ne ḿbé Hyíbit ne ḿbé Périzit ne ḿbé Gyígashit ne ḿbé Ámórit ne ḿbé Jébus. Ben ba/chi ba-nyît ba/fu, Osówo mú mu okpó mu ne ben,

Jóshwa 3:10 Iomraidhean Croise

Jénésis 15:21

ne ḿbé Ámórit ne ḿbé Kínan ne ḿbé Gyígashit ne ḿbé Jébus.

1 Kyîng 22:28

Makáya o-faa ǎ o/fu, â wo a/fyi beem! ányi kâng Óburúkpâbí o*da/raa ké ocím ejí*. Ne o-chîraa kâng o/fu, fwôo n̂g atông ashí amúmú ké ńkyí me nn/raa.

2 Kyîng 19:4

Otu mú Asyírya oo/twóm onet-dyishí-basúja emen o-ba-shú Osówo mú mu okpó. Kyi/bát Óburúkpâbí mú mu Osówo eyên ojwo byishû ḿbyín o-kye banet ḿbé ba/shú ǎ busông. Ké bubwô-ámbu, fé nshwam a-kye Osówo ké bubwô-banet eten ḿbé ba/waa bakpó.

1 Korónyíkil 1:14

Kínan o/mû to bonchí mú kpákpá, mú banet ḿbé Jébus ne ḿbé Ámórit ne ḿbé Gyígashit

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 42:2

Osówo mú odakye dyikpen, me mu n-kyé ng ǒ. Sét mě nkéré mú n/chi n-já bukwóp ḿbú nda ǒ ekye ofê ké bushú eyên.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 9:16

Óburúkpâbí oo/tông byiko emen wááng ké kanong emen ńké mu o-chi i ké bampan ekét, ne bambên atyém baa/róng ké kaǎtám ńké byibî-byěm ḿbyí mbé mbe ba-chi i.

Ézódos 17:7

Ba-kpet ekó kyikit ánkyi Mósa ne Meryíba, ké nǎ, banet ḿbé Ézerel ba/shwôn ne Óburúkpâbí ba-kan ǎ ké nkéré mú ba/bí ba/fu, Óburúkpâbí mu ne be ké kyikû? aa o*fí*.

Ézódos 3:8

ne mm/bê n/fu, m-bâ ng enyii kámbé ké abwô nyí banet-Éjip, n-fîm kámbé ba-byí ké Éjip ba-jâ ké esí nyí e/rêe, nyí edabát byiryíng, nyí banet ḿbé Kínan ne Hyítat ne Ámórit ne Périzit ne Hyíbit ne Jébus mbe ba-kyú u kántîk.

Ézódos 33:2

Me n/chi n-twóm orím mú onong, mú oda běn etông kiǐfáng, ne n/chi n-ró banet ḿbé Kínan ne ḿbé Ámórit ne ḿbé Hyítat ne ḿbé Périzit ne ḿbé Hyíbit ne ḿbé Jébus ba-dim.

Azáya 7:14

Kántîk kâng Óburúkpâbí oyén o/chi o-tông ǒ ekap. Búsé ḿbú mbu ne dyifít bu/chi bu-fwon wǎn, ne ba/chi ba-fé wǎn ámu dyizîn ńdyí badakó Émánwel, ányi kyi/byí, Osówo mu ne be.

Jeryimáya 10:10

Nké wo, ǎ Óburúkpâbí, nké amu Osówo mú ntûntû. Wo amu Osówo mú okpó ne Otu mú ne banyá. Â a-kú a-sa ng kafâ, ejíí emúmú e-kûnáng. Eshê ee*man ebwom kafâ esa eyên*. [

Hozáya 1:10

Banet ḿbé Ézerel ba/chi ba-jê wǎ éshíshě nyí ké baya, nyí ee*nwa epan* nang okan to ee*nwa ekan*. Kántîk, Osówo mu o-raa ng ne mbé o/fu, ben baa*chi banet ejí* nké dyicí ndyi dyi-bâ ńdyí o/chi o-sét kámbé o/fu, ben ba-chi i bwǎn ḿbé Osówo mú mu okpó.

Nómba 13:29

Banet ḿbé Amálek mbe ba-kyú u ké kyicê-esí ńkyí busyísen. Ḿbé Hyítat ne Jébus ne Ámórit mbe ba-kyú u ké esí nyí eku éku. Banet ḿbé Kínan mbe ba-kyú u fáráng ne baya ḿbé badakó Medeterényan ne bakô-kace ńké Jódan.

Mátyuu 16:16

Sámon Pyíta o-faa o/fu, wo a-chi i onet mú Osówo o/kúng ǎ butu, Wǎn mú Osówo mú mu okpó.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 6:69

Kántîk bii/nyît ne bii/bángê ne atyém eten byi/fu, wo nké amu onet mú onong, mú o/fím ké bushú ḿbú Osówo.

Dyitórónómyi 31:17

Ké nkéré mú chwǒm ánkyi kyi/chi kyi-chi, me n/chi n-sa kafâ ne mbé. N/chi m-mîng kámbé, ne ba/chi ba-ju kámbé. Byibî-byěm-busông chwóó byi/chi byi-bâ byi-kâm kámbé, ne mbé kâng ba/chi ba-nyît ba/fu, byěm ḿbyín mbyi byi-chi i kámbé, ké nǎ, me, Osówo ebe, n*fí to ne mbé*.

Dyitórónómyi 5:26

Onet mu kô mú oo/chîkpen? ké nkéré oo/jwo Osówo mú mu okpó o-bwom ké okwâ o-raa ne nyǐ?

Dyitórónómyi 7:1

Óburúkpâbí mú mu Osówo enen o/chi o-bâ ne ben ké esí nyí ben ba/chi ba-da-nung ba-kyú ké nyǐ, ne o/chi o-ró eshê chwóó e-byí ké esí ányi. Â ba-kú ba-cen n ba-câ, nyǐ o/chi o-ró eshê káchâtkányi nyí e/rêe, ne nyi ne busa e-shwôm běn. Eshê ányi nyi banet ḿbé Hyítat ne ḿbé Gyígashit ne ḿbé Ámórit ne ḿbé Kínan ne ḿbé Périzit ne ḿbé Hyíbit ne ḿbé Jébus.

Dyitórónómyi 7:21

Ké bubwô ámbu, *da n̂g echi ba-shî banet ḿbén*. Óburúkpâbí mú mu Osówo enen mu ne ben. Nyǐ o-chi i Osówo mú kiǐtí, mú bada ǎ eshî.

1 Tesalónyan 1:9

Kángkáng banet ámbe mbe ba-raa ng kyi-kim ne eringe nyí ben ba/koo bě ké nkéré mú byi/ba běn eri, ne eringe nyí ben ba/mîng erím-bakye ba-bírî ba-kâm Osówo, ba/fu, ben ba-fâ Osówo mú mu ntûntû ne mú mu o-kpen n.

Hyíburus 10:31

Nkyi kyibî-chwǒm kanong kanong ńkyí adafene ké abwô nyí Osówo mú mu ne dyikpen.

Jóshwa 11:3

O-twóm to kyitwóm ba-sét banet-Kínan ké byicê byimúmú ḿbyí kace ńké Jódan, ba-sét to banet-Ámórit ne ḿbé Hyítat ne ḿbé Périzit ne ḿbé Jébus, ḿbé mbe ba-kyú u ké esí nyí eku éku, cibicibi ne ḿbé Hyíbit, ḿbé ba/mû ba-kyú u ké kyikû-kaku ńké Hémon, ké esí nyí Myízipa.

Jóshwa 12:8

Esí ányi e/cít esí nyí eku éku ne byikû-eku ké kyicê ńkyí esû edaríbî e-jâ, ne owo mú Jódan ne esim-eku nyí nyi ké kyicê-esû edabyí ne kyikim-dyikán ńkyí nkyi ké kyicê ńkyí busyísen. Esí ányi e/mû e/já banet Hyítat ne banet-Ámórit ne banet-Kínan ne banet-Périzit ne banet-Hyíbit ne banet-Jébus.

Jóshwa 21:45

Óburúkpâbí o/tî ocím emen nang orá mú nyǐ o/ryí banet-Ézerel.

Jóshwa 22:31

Fyinéhas o-raa ne mbé o/fu, kántîk, bii/nyît byi/fu, Óburúkpâbí mu ne be. Ben ba*da/bírî bunwa ne nyǐ*. Ne ké bubwô ámbu, ben baa/nyii banet-Ézerel ké busông ḿbú Óburúkpâbí.

Jóshwa 24:11

Ben ba/nyáng Jódan ba-bâ Jéríku. Banet-Jéríku ba-nwa ne ben wǎ eringe nyí ḿbé Ámórit ne ḿbé Périzit ne ḿbé Kínan ne ḿbé Hyítat ne ḿbé Gyígashit ne ḿbé Hyíbit ne ḿbé Jébus ba/nwa ne ben. Nké me n/chi běn ba-kpógê kámbé ashí amúmú.

Jóshwa 3:9

Jóshwa o-sét kâng banet o/fu, bâ n̂g kwán ba-ba-jwo ńkyí Óburúkpâbí mú Osówo enen mu o-sét ng běn.

Jóshwa 9:1

Okpóge mú banet-Ézerel mbe ba-kpógê e banet o/ribi o-kâm kángkáng batu ḿbé mbe ké kyicê-Jódan ńkyí esû nyi e-ríbî ng e-jâ, ké eku ne ké byikû-eku ne ké kángkáng ndege-esí mú mu fáráng ne baya ḿbé Medeterényan, tete kyi-ribi ké Lebánon mú mu ké kyicê ńkyí bushûyû. Batu ámbe ba/mû batu-Hyítat ne ḿbé Ámórit ne ḿbé Kínan ne ḿbé Périzit ne ḿbé Hyíbit ne ḿbé Jébus.

1 Sámwel 17:26

Dívit o-bí banet ḿbé ba/kim ne nyǐ o/fu, onet mú odaju onyinchéng-Fyilíta mún, eringe oyén odafîm banet-Ézerel éshwân ńnyín ké bushú, ba-kyâ ǎ ebóng. Nshâng bakye-onet-Fyilíta mún to yeě, mú odacábê basúja-Osówo mú mu okpó.

1 Sámwel 26:6

Dívit o-bí kâng Ahyímélek mú o/fím Hyítat ne Abyísha mú wǎn-boné-Jówap, mú boné ebe o/mû o-bángê e Zerúya o/fu, ben ashí afee yeě o/chi o-ca ne me ké kyikû ké bampyep-Otu Sôl. Abyísha o-faa o/fu, me n-câ.