Jóshwa 24:1 - Bokyi Bible

¹ Jóshwa o-cibi kángkáng byikû-banet-Ézerel kyikit kyibónge ké Shékem. O-kó ḿbé bakínkán-banet ne ḿbé banet-ashí ne bampan bampan ne banet-ashí-basúja, ba-ba-cibi ké bushú ḿbú Osówo.

Jóshwa 24:1 Iomraidhean Croise

Jénésis 12:6

Ébaram o/cen ké esí ányi tete o-ribi ké kyichí-ociring ńkyí Móre, ké kyikit ńkyí kyi/já Osówo, ké Shékem. Ké nkéré ámu, banet ḿbé Kínan ba/mû ba/tôong ba-kyú u ké esí ányi.

Jénésis 35:4

Ne mbé kâng ba-kye Jekôp kángkáng erím-bakye nyí ba/mû ne nyǐ ne boǒré-atông ḿbú ba/mû ba-fâ. Jekôp o-kúng kámbyí o-rôo ké kyikû-kyichí-ociring fáráng ne Shékem.

1 Kyîng 12:1

Otu Ryíhobâm o/dim o-ca Shékem, ké kyikit ńkyí kángkáng banet-Ézerel ḿbé kyicê ńkyí bushûyû ba/bacibi ba/fu, ba-kúng ng ǎ butu.

2 Kyîng 23:1

Otu Josáya o-kó kángkáng banet-ashí ḿbé Júda ne Jerúsélem,

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 10:33

Ne n-twóm kâng ochéé óchee n/fu, bâ, ne a/nwa dyityém to ńkyí wo a/bê. Kántîk, be kángkáng byimu nyín ké bushú ḿbú Osówo, byi-bám m byi/fu, byi-jwo ng nang ebóng chwǒm ńkyí Otu Kyítá oo/kye ǒ busa o/fu, wo asét.

Dyitórónómyi 29:9

Tî n̂g kángkáng byiraa ḿbyí ocím eryí mún ne atyém enen, eringe nyí nang ebóng chwǒm ńkyí bamu ba-chi i kyida běn ebyí dyishí.

Jóshwa 20:7

Ké bubwô ámbu kâng, mbé ba/cá Kédeshi mú mu ké esí nyí Gályílyi, ké kyicê-kace ńké Jódan ńkyí esû edaríbî e-jâ, esí nyí Nafatályi nyí eku éku. Ba-cá to Shékem mú mu ké esí nyí Éferem nyí eku éku. Ba-cá to Héboron mú mu ké esí-Júda nyí eku éku,

Jóshwa 23:2

O-kó kâng banet-Ézerel ashí amúmú cibicibi ne bakínkán-banet ebe ne banet-ashí ebe ne bampan bampan ebe ne banet-ashí-basúja ebe, o-raa ne mbé o/fu, me nn/kâa kanong kanong.

Jójis 20:26

Kángkáng banet-Ézerel ba-yú kâng ba-ca ké Bétel, ba-tii. Ba-kyú áku ké bushú ḿbú Óburúkpâbí tete dyikurúku dyi-fyi, chwǒm ba*da/ryí*. Ba-chi byifen-kyikwáré, ba-shí byitú byirim byirim ké byifen echi, ké bushú ḿbú Óburúkpâbí.

1 Sámwel 10:19

Me n-chi i Osówo enen mú mu o-nyii ng běn ké kángkáng afaníkong enen ne busông eri, nké kurún ben baa/né mě, ne baa/bí mě ba/fu, nkye běn otu. Kántîk kâng, bâ n̂g kyikit kyibónge ké bushú ḿbú Óburúkpâbí, ké byikû-abóng ne ké byikim-byikû-banet.