Jóshwa 23:9 - Bokyi Bible

⁹ Óburúkpâbí oo/ró biǐtí-eshê ḿbyí mbyi ne busa byi-chêe eringe nyí ben bamu ba-bâ, ne nang onet obónge o*fí mú oo/man ebwom ne ben*.

Jóshwa 23:9 Iomraidhean Croise

1 Kyîng 21:26

Nyǐ o/chi biinchi éshwân-byibî ḿbyí byi/rêe byi-shwôm, ḿbyí nyǐ o/kye erím-bakye ofê wǎ eringe nyí banet-Ámórit ba/chi, ḿbé Óburúkpâbí oo/ró kámbé ké esí ńnyín, ńdyí banet-Ézerel mbe ba-tín n ba-bâ.

2 Korónyíkil 20:7

Wo a-chi i Osówo mú eten. Ké nkéré banet eyên ḿbé Ézerel ba/bê ba-ba-nung ké esí ńnyín, wo a/ró banet ḿbé ba/mû nyín, ne a-kúng esí ńnyín a-kye bwǎn ḿbé Ébarahâm mú ocín eyên a/fu, ekyú nyí ebe ne banyá.

Ézódos 23:23

Orím ejí mú onong o/chi o-ca běn kashú, o-kúng běn o-ca ne ben ké esí nyí banet ḿbé Ámórit ne nyí ḿbé Hyítat ne nyí ḿbé Périzit ne nyí ḿbé Kínan ne nyí ḿbé Hyíbit ne nyí ḿbé Jébus, ne n/chi n-ju kámbé.

Ézódos 23:30

Ńkyí n/chi n-chi, n/chi n-ró kámbé ké onyin ké onyin tete ben ba-jê mú badakoo esí.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 7:45

Ké nkéré mú kii/rí ńdyí ba/chi kámú, banchí eten ḿbé kpákpá ḿbé ba/koo mpyep ámu ne banchí ebe ba/yip kámú ba-dim ne mǔ ké nkéré mú ba/cen ne Jóshwa ba-nung ké esí nyí eshê nyí Osówo o/ró banet ké nyǐ, o-kye kámbé. Mpyep ámu o/waa ányi tete kyi-ribi ké nkéré mú Otu Dívit.

Dyitórónómyi 11:23

Nyǐ kâng o/chi o-ró kángkáng eshê ányi â ba-kú ba-cen n ba-câ, ne ben ba/chi ba-kyú ké esí nyí e/já eshê nyí nyi ne kiǐtí-busa e-shwôm běn.

Dyitórónómyi 7:24

O/chi o-kúng batu ebe o-fé běn ké abwô. Ben ba/chi ba-ju kámbé, ne ba/chi ba-ráp kyi-kim ne mbé. Onet o*fí mú o/chi o-man běn eku ké bukwóp*. Ba-ju ng nang yeě nang yeě.

Jóshwa 1:5

Onet o*fí nang obónge mú o/chi o-man běn ekpógê* â wo amu okpó* ǎ Jóshwa*. Me n/chi n-kyú ne wo wǎ eringe nyí m/mû ne Músis. Me n/chi n-kyú ne wo kángkáng nkéré. Me mm*ba/chi m-mîng ǒ ne banyá*.

Jóshwa 15:14

Kálep o/ró banet ḿbé ba/fím ké kyikû ńkyí Ának ba-byí ké oshê ámu, mú byikû-banet ḿbyí Shésha ne Ahíman ne Tamyâ.

Jóshwa 23:5

Óburúkpâbí mú Osówo enen o/chi o-chi kámbé ba-kûbwa kyikû esim ésim ké bushú enen, ne nyǐ o/chi o-ró kámbé ba-chêe, â ben ba-kú ba-câ. Ben ba/chi ba-koo esí ebe wǎ eringe nyí Óburúkpâbí mú Osówo enen oo/ryí běn ocím.

Jóshwa 23:8

Nké fé n̂g dyityém ne Óburúkpâbí wǎ eringe baa/fé tete kyi-ribi dyicí ńdyí kurún.

Jóshwa 24:18

Nkéré mú be byi/mû byi-cen n byi-bâ kashú ké esí ńnyín, Óburúkpâbí o/ró kángkáng banet-Ámórit ḿbé ba/mû ba-kyú u nyín. Ké bubwô ámbu kâng, be to byi-man byi-kye Óburúkpâbí ofê. Nyǐ o-chi i Osówo eten.