Jóshwa 23:7 - Bokyi Bible

⁷ eringe nyí baa*bé barî ne banet ḿbén ḿbé ba/waa ne ben* ba-raa to nang oraa kyi-kim ne erím-bakye ebe* ba-kúng nang erím-bakye ebe ányi ba-sem chwǒm* ba-kye nang erím-bakye ányi ofê* ba-tím nang arông kyísí ba-kye kányí*.

Jóshwa 23:7 Iomraidhean Croise

Ézódos 23:13

Fwôo n̂g atông ba-jwo kángkáng byěm ḿbyí me Óburúkpâbí nn/sét běn. *Da n̂g efé nshwam ba-kye esówo ekíri*. *Da n̂g ekó nang azîn ebe*.

Jeryimáya 5:7

Óburúkpâbí o/bí o/fu, ebóng ńkyí ndapwoo byibî ḿbyí banet ejí. Mbé baa/mîng mě, ne baa/fé esówo nyí e*fí ké kafâ*. Me n/kye banet ejí byiryíng tete ba-zût, nké mbé ba/chi byinam, ba-bên bankéré ebe ne banet-akpara.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 16:4

Banet ḿbé mbe ba-zóngê e ba-kâm m esówo ekíri mbe ba-tut ng afaníkong chwóó ba-kyâ byiko ebe.] Me mm*ba/chi n-kyú ne abwô ké byifen ebe ḿbyí mbe ba-chi i*. Me mm*ba/chi n-kye esówo ebe ofê*.

Ézódos 23:33

*Da n̂g ebángê banet ámbe ba-kyú ké oshê enen*. Â ba/mîng kámbé ba-kyú ne ben, ba/chi ba-chi běn ba-chi byibî ké bushú ejí. Â ben ba-kye esówo ebe ofê, kyi/chi kyi-kyú kyibî-kaǎtám ńké baa/kuu ba-tî byiko enen.

Efyíshan 5:11

*Da n̂g ekûfé abwô enen ké byěm ḿbyí byi*da/byí chwǒm* ḿbyí banet ḿbé mbe ké kyifip mbe ba-chi i*. Nké fîm m̂ kámbyí ba-tî ké kiinwángé.

1 Koríntyan 15:33

*Da n̂g echi ba-mîng onet o-nîm běn*. Bucen ne banet ḿbé baa*nwa* bu-cen n ne édúú nyí enong ebên.

Zefanyâ 1:5

N/chi m-man to ne banet ḿbé mbe ba-tíngê e kyísí ba-kyâ mě ofê ké bambwôm-byise, ba-kyâ óbyísû ne otukáku ne ékpére ofê, ne ḿbé mbe ba-tíngê e kyísí to ba-sem m mě, ba-bwa esim ba-da-sem dyizîn ńdyí orím-bukye-Myíkom,

Póróvep 4:14

*Dace kyicê ńkyí byibî-banet mbe ba-câ*. *Dakúng kyiká-bucen ńkyí bambên atyém*.

Jóshwa 23:12

 ben ba/né ǎ, ba-cibi ne eshê nyí e/waa ne ben, ba-kûbé barî,

Hozáya 2:17

Mm*ba/chi n-chî ǎ ebángê o-kó dyizîn ńdyí Bâl*.

Nómba 32:38

ne Nébo ne Bâl-Myôn, mú ba/yángê kámú dyizîn, ne Síbama ba-bi. Mbé ba/kye eshê nyí mbé ba/bwât ba-bi azîn nyí afyîfî.

Ézódos 20:5

*Da n̂g etíngê kyísí ba-fé orím-bukye nang obónge* ké nǎ, me n-chi i Osówo Óburúkpâbí enen, ne orêm mu o-chi i mě kyi-kim ne esówo ekíri. Me mu n-kyâ banet ḿbé mu n-sa ng kámbé kafâ busông, cibicibi ne bwǎn ebe tete kyi-ribi ké byikim-banet byinyii.

Dyitórónómyi 6:13

Shî n̂g Óburúkpâbí mú mu Osówo enen, ba-kye ǎ nyǐ nké nke ofê, ba-ryí ecím enen ké dyizîn emen nké nke.

Dyitórónómyi 10:20

Chi n̂g ńkyí Óburúkpâbí mú mu Osówo enen mu o-sét ng běn, ba-kû ǎ efé nyǐ nké nke. Fé n̂g dyityém ne nyǐ, ba-kûryí ocím ké dyizîn emen nké nke.

Jóshwa 23:8

Nké fé n̂g dyityém ne Óburúkpâbí wǎ eringe baa/fé tete kyi-ribi dyicí ńdyí kurún.

Jeryimáya 12:16

 mbé ba/chi ba-koo Osówo mú banet ejí mbe ba-fâ ne kángkáng atyém ebe, ba-ryí ocím ba/fu, ké dyizîn ńdyí Óburúkpâbí mú mu okpó, wǎ eringe nyí mbé ba/mû ba/tángê banet ejí ba-ryí ocím ké dyizîn ńdyí Bâl, mbé kâng ba/chi ba-kyú ké burwám-banet ejí, ne ba/chi ba-já ńkyí mbe ba-ryuu ng.

Nómba 33:55

Nké â ben ba*da/ró banet ḿbé mbe ba-kyú u ké esí ányi* banet ḿbé ba/waa ba-kû ng běn ekye afaníkong wǎ byiwong nké mbyi byi-tím m běn ké byiko, ne mbé ba/chi ba-nwa ne ben.

Dyitórónómyi 6:14

*Da n̂g efé esówo ekíri* nang osówo obónge* mú banet ḿbé mbe ba-kyú u ba-fárâng ng běn*.

2 Kyîng 5:18

Ké bubwô ámbu, me n/kabe n/fu, Óburúkpâbí o/chi o-pwoo mě, â n/dim ne otu ejí ké kyikû byi-ca ké kyise-kyifen echi ńkyí Ryíman mú mu osówo mú Syírya byi-da-kye ǎ ofê. Ké ntûntû, Óburúkpâbí o/chi o-pwoo mě.

2 Kyîng 17:12

ba-bên kyije ńkyí Óburúkpâbí o/sét kámbé o/fu, ba*dachi ba-sháng bakye*.

2 Korónyíkil 7:19

Nké â wo ne banet eyên ba/né byije etî ḿbyí me nn/kye běn, ba-kye esówo ekíri ofê,