Jóshwa 23:2 - Bokyi Bible

² O-kó kâng banet-Ézerel ashí amúmú cibicibi ne bakínkán-banet ebe ne banet-ashí ebe ne bampan bampan ebe ne banet-ashí-basúja ebe, o-raa ne mbé o/fu, me nn/kâa kanong kanong.

Jóshwa 23:2 Iomraidhean Croise

1 Kyîng 1:1

Otu Dívit o/mû oo/kâa kanong kanong nkéré ámu, nang ké bǎmgbán emen ba/mû mbe ba-cít ng ǎ biǐmbim, dyibyi dyi/mû dyi/tôong dyi-nwa ng ǎ.

1 Kyîng 8:1

Otu Sólómon o-twóm kâng o/fu, kángkáng banet-ashí ḿbé byikû-banet ḿbyí Ézerel babâ ba-kâm ǎ ké Jerúsélem, eringe nyí badadakúng mkpukpu-byěm-Óburúkpâbí ké Záyon, mú mu oshê mú Otu Dívit, ba-bâ ne mǔ ké kiǐtí-kyise-kyifen-Osówo echi.

1 Korónyíkil 23:2

Otu Dívit o/kó kángkáng banet-ashí ḿbé Ézerel ne banchi kyifen-Osówo ne bǎmgbán-nchi kyifen-Osówo o-tî kyikit kyibónge.

1 Korónyíkil 28:1

Otu Dívit o/kye busa o/fu, kángkáng banet-ashí ḿbé Ézerel bacibi kyikit kyibónge ké Jerúsélem. Ké bubwô ámbu kâng, kángkáng banet-bǎmkpóngé ḿbé byikû-banet ḿbyí Ézerel, ne banet-ashí-bǎmkpóngé ḿbé mbe ba-tóbê ng bǎmkpóngé ḿbé oshê, ne banet-ashí-byikim-banet, ne bantóbe byitú ne byěm ḿbyí byi/já otu, ne bwǎn emen ḿbé banyinchéng, ne kángkáng banet-ashí-bǎmkpóngé-kyibám-otu, ne banet-ashí-basúja, ne biǐtí-banet kángkáng kangkang ba/cibi ké Jerúsélem.

Dyitórónómyi 31:28

Kó n̂g kángkáng banet-ashí-oshê ne bakínkán ba-ba-bwom ké bushú ejí, eringe nyí me ndasét kámbé byěm ḿbyín, n/fu, me n/chi n-kó bubóng ne esí byi-bwom mě ntûesé byi-bât kámbé.

Jóshwa 13:1

Jóshwa o/mû oo/kâa kanong kanong. Dyicí dyibónge, Óburúkpâbí o-raa ne nyǐ o/fu, wo aa/kâa kanong kanong, nké esí e/tôong chwóó nyí adachîkoo.

Jóshwa 23:3

Ben baa/ri kángkáng byěm ḿbyí Óburúkpâbí mú Osówo enen oo/chi eshê ńnyín kángkáng, ké bubwô enen. Óburúkpâbí mú Osówo enen mu o-nwa ng bunwa o-kyâ běn kángkáng nkéré.

Jóshwa 24:1

Jóshwa o-cibi kángkáng byikû-banet-Ézerel kyikit kyibónge ké Shékem. O-kó ḿbé bakínkán-banet ne ḿbé banet-ashí ne bampan bampan ne banet-ashí-basúja, ba-ba-cibi ké bushú ḿbú Osówo.

1 Sámwel 12:2

ne kántîk, nyǐ nké o/firi běn ntông kiǐfáng. Kyi-kim ne me, me nn/kâa kanong kanong, ébyî e-byí mě ké dyishí, ne bwǎn ejí ḿbé banyinchéng mbe nyín ne ben. Me nn/kyú onet-dyishí enen kyi-fím ké dyikwá ejí tete kyi-ribi kántîk.