Jóshwa 23:1 - Bokyi Bible

¹ Ké nkéré mú ńkyín kii/shwôm, ka-rí chwóó, Óburúkpâbí o/fîm banet-Ézerel bushî ké byiko ké abwô nyí banet-bushwôn ebe ḿbé ba/mû ányi fáráng ne mbé. Ké nkéré ámu, Jóshwa o/mû oo/kâa kanong kanong.

Jóshwa 23:1 Iomraidhean Croise

1 Kyîng 1:1

Otu Dívit o/mû oo/kâa kanong kanong nkéré ámu, nang ké bǎmgbán emen ba/mû mbe ba-cít ng ǎ biǐmbim, dyibyi dyi/mû dyi/tôong dyi-nwa ng ǎ.

1 Korónyíkil 23:25

Otu Dívit o-raa o/fu, Osówo Óburúkpâbí mú Ézerel oo/kye banet emen bunyîn-dyityém, ne nyǐ oyén o/chi o-kyú ké Jerúsélem ne banyá.

1 Korónyíkil 27:1

Nyín něen azîn nyí banet-ashí-byikû-banet-Ézerel ne banet-ashí-byikim-banet ne banet-ashí-basúja ebe ḿbé ba/tún oshê mú Ézerel ba-kye Otu Dívit. Ké otukáku nang orá, dyizu-banet dyikíri ńdyí ndyi ne égot-banyinchéng etánge etánge ké byikit bujam ne byinyii dyi/mû ké bǎmkpóngé, ké abwô-onet-dyishí-bǎmkpóngé ké otukáku ámu.

2 Korónyíkil 14:1

Otu Abyíja o/kpú, ba-ryii ǎ ké akun nyí batu, ké Oshê mú Otu Dívit. Ása mú wǎn emen o-kúng kyikit emen wǎ otu, ne oshê ámu o/já bunyîn-dyityém ké aje diǐkpú, ké nkéré mú Ása o/mû otu.

2 Korónyíkil 14:5

Ké nǎ, nyǐ o/man ne biinchéng-bakye ebe ne byikit-burwan eshí ké kángkáng eshê nyí Júda, oshê ámu o/kyú ké bunyîn-dyityém ké nkéré nyǐ o/mû otu.

2 Korónyíkil 20:30

Ké bubwô ámbu, Otu Jehósháfat o/kyú otu ké bunyîn-dyityém, ne Osówo o/ku ǎ ké byicê byimúmú.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 46:9

Nyǐ mu o-kám m byití ké ejíí emúmú. Nyǐ mu o-bún n báre, o-bên n byíbye. Ne mu o-fâ édem ké okwâ e-shí kángkáng.

Azáya 63:14

Wǎ eringe nyí badakúng bampong ba-ca ne mbé ké bukô-kace ḿbú mbu ne byiryíng, éné nké Óburúkpâbí o/chi banet emen ba-jáng. O/tông banet emen kiǐfáng, o-kye dyizîn emen ofê.

Dyitórónómyi 31:2

o-sét kámbé o/fu, me nn/rí bajam-aje nyâchât, ne mm*man to ekyú onet-dyishí enen*. Bwa kwán, Óburúkpâbí oo/sét mě o/fu, me mm*ba/chi n-nyáng kace ńké Jódan*.

Jóshwa 11:23

Jóshwa o-koo esí ányi emúmú wǎ eringe nyí Óburúkpâbí o/mû o/sét Músis. Jóshwa o-yip kányí o-kye banet-Ézerel e-firi nyí ebe. O-kyii kámbé kányí ké byikim ké byikim. Kyikû-banet-Ézerel nang kyirá ba-kúng kyikim kyibónge. Kyi-fím ányi kâng, atyém ebe a-shû kyísí ké byití enwa.

Jóshwa 13:1

Jóshwa o/mû oo/kâa kanong kanong. Dyicí dyibónge, Óburúkpâbí o-raa ne nyǐ o/fu, wo aa/kâa kanong kanong, nké esí e/tôong chwóó nyí adachîkoo.

Jóshwa 21:44

Óburúkpâbí o-kye kámbé bunyîn-dyityém ké esí ányi emúmú, wǎ eringe nyí nyǐ o/mû o/ryí banchí ebe ḿbé kpákpá ocím. Onet-bushwôn ebe nang obónge o*fí* mú oo/man ebwom ne mbé* ké nǎ, Óburúkpâbí o/kye busa o/fu, banet-Ézerel bakpógê banet-bushwôn ebe bamúmú.

Jóshwa 22:4

Kántîk kâng, wǎ eringe nyí Óburúkpâbí mú Osówo enen o/mû o/ryí ocím, nyǐ oo/kye barî-banet-Ézerel enen bunyîn-dyityém. Bwa n̂g dyijê kâng ba-jâ ké esí nyí ben ba/koo e-firi nyí enen, esí nyí nyi ké Jódan, ké kyicê ńkyí esû edabyí, nyí Músis mú ḿgbán-Óburúkpâbí o/kye běn.

1 Sámwel 12:2

ne kántîk, nyǐ nké o/firi běn ntông kiǐfáng. Kyi-kim ne me, me nn/kâa kanong kanong, ébyî e-byí mě ké dyishí, ne bwǎn ejí ḿbé banyinchéng mbe nyín ne ben. Me nn/kyú onet-dyishí enen kyi-fím ké dyikwá ejí tete kyi-ribi kántîk.