Jóshwa 22:9 - Bokyi Bible

⁹ Banet ámbe kâng ba-bwa esim dyijê. Ba-mîng banet-Ézerel ḿbé áku ké Shílo, ké esí nyí Kínan, ba-kpet ebwa esim dyijê ké esí nyí ebe, esí nyí Gyílet, nyí mbé baa/koo wǎ eringe nyí Óburúkpâbí o/sét kámbé ké ocím mú Músis.

Jóshwa 22:9 Iomraidhean Croise

2 Sámwel 2:9

Ábina o-chi ǎ áku o-firi otu mú esí nyí Gyílet ne [Ásha] ne Jézerel ne Éferem ne Běnjámin, ne ké ntûntû, nyǐ o/mû otu mú esí-Ézerel emúmú.

1 Korónyíkil 5:9

Mbé ba/mû ne byitú chwóó ké esí nyí Gyílet, ne ké bubwô ámbu, mbé ba/koo esí tete ba-ribi ké kyikim-dyikán ńkyí kyicê ńkyí óbyísû mu o-byí i, ńkyí kyi/nere tete kyi-byí kace ńké Yuférétyis.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 60:7

Gyílet o/já mě, Manáse o/já mě to. Éferem mu mě otam-byití ejí, ne Júda mu mě ochí-butu ejí. Nké n/chi n-kúng Mówep wǎ dyicáng-abwô esoo ejí.

Nómba 32:1

Byikû-banet ḿbyí Rúben ne Gât byi/mû ne byitú chwóó. Ké nkéré mbé ba/ri eringe nyí esí nyí Jáze ne Gyílet nyi e-nwa ng byitú ebe,

Nómba 32:20

Músis o-faa o/fu, â ńkyí bamu ba-raa ng nkyi běn ké kafâ, kpá n̂g byiko nyín kâng ké bushú-Óburúkpâbí ḿbyí badadim byití.

Nómba 32:22

o-koo esí ebe. Ké nkéré ńkyí ányi kii/shwôm, ben ba-man n ebwa esim, ké nǎ, ben baa/chi ńkyí ben ba/ryí Óburúkpâbí ocím ne bánen-banet-Ézerel. Óburúkpâbí o/chi o-bángê kâng o/fu, esí nyí kyicê-Jódan ńkyí esû edabyí kyi/já běn ben.

Nómba 32:26

Banyi eten ne bwǎn eten ne bampong eten ne ebû eten byi/chi byi-waa nyín ké eshê nyí Gyílet.

Nómba 32:29

â banet ḿbé Gât ne Rúben ba/nyáng kace-Jódan ba-kpá byiko-byití ké busa ḿbú Óburúkpâbí, ne â mbé ba/chwáp běn ba-kpógê, kye n̂g kámbé kâng esí nyí Gyílet e-firi myí ebe.

Dyitórónómyi 3:18

Ké nkéré ámu to, me n/sét kámbé byiraa ḿbyín n/fu, Óburúkpâbí mú mu Osówo enen oo/kye běn esí ńnyín nyí ké kyicê-Jódan ńkyí esû edabyí o/fu, ben bakyú ké nyǐ. Kántîk, kye n̂g bannwa byití enen byěm-bunwa, ba-twóm kámbé ba-nyáng Jódan, ba-bwóp byikû-banet-Ézerel ḿbyí áku kashú, ba-da-chwáp kámbé ba-koo esí ebe.

Dyitórónómyi 3:20

Chwáp n̂g barî-banet-Ézerel enen tete ba-koo esí nyí Óburúkpâbí mu o-kyâ kámbé, nyí nyi ké kyicê-Jódan ńkyí esû edaríbî e-jâ, tete Óburúkpâbí o-mîng kámbé ba-kyú ké bunyîn-dyityém wǎ eringe nyí oo/chi běn bamu ba-kyú u nyín. Ké nkéré baa/chi éné, ba-man n ebwa esim ké esí ńnyín nyí nn/kyii n-kye běn.

Dyitórónómyi 34:1

Músis o/dim ké esí nyí ndege ńdege nyí Mówep, o-da-yú kaku ńké Nébo, o-ribi kyíbóng-kaku ńké Pyísaga, ké kyicê-Jéríku ńkyí esû edabyí. Ányi nké Óburúkpâbí o/tông ǎ esí emúmú nyí Kínan, kyi-fím ké kyikim-esí ńkyí Gyílet, tete kyi-ribi ké oshê mú Dǎn.

Jóshwa 13:11

Esí ányi e/cít oshê mú Gyílet ne esí nyí Géshu ne Máka, cibicibi ne kángkáng kaku ńké Hémon, cibicibi to ne oshê mú Báshan, tete a-ribi Saléka.

Jóshwa 13:25

Esí nyí ebe e/cít Jáze ne kángkáng eshê nyí nyi ké Gyílet ne kyicê-esí nyí banet-Ámon tete kyi-ribi ké Áro, mú mu ké kyicê-Rába ńkyí esû nyi e-byí i.

Jóshwa 13:31

Nyǐ e/cít to kyicê-oshê mú badakó Gyílet, cibicibi ne Ashítarat ne Édara, eshê-dyityém nyí Otu Ôok, mú o/mû ké Báshan. Kángkáng eshê ńnyín Músis o/mû o/kye kyicê-kyikû-dyibóng-onyinchéng obónge mú odabángê Mákyi, mú wǎn-Manáse.

Jóshwa 22:10

Nkéré mú banet ámbe ba/ribi ké Gélilot, [ányi ba/tôong ké kyicê-Jódan ńkyí esû edaríbî e-jâ,] mbé ba/bi kiimbâng-kyikit-kyifen-Osówo echi ányi fáráng ne kace ánke.

Jójis 20:1

Kángkáng banet-Ézerel ḿbé ba/fím ké kyikû-Dǎn, ḿbé mbe ké kyicê-bushûyû tete a-ribi ké Byíshíba ké kyicê-busyísen, cibicibi to ne ḿbé ba/fím ké esí nyí Gyílet ké kyicê ńkyí esû edabyí, ba/bê kyikit ńkyí ba/kó kámbé burwám kyikit kyibónge ké bushú ḿbú Óburúkpâbí, ké oshê mú Myízipa.

Jójis 5:17

Banet ḿbé ba/fím ké kyikû ńkyí Gât ba/waa ké kyicê ńkyí esû edabyí ké kace ńké Jódan, ne banet ḿbé ba/fím ké kyikû ńkyí Dǎn ba/waa áku ne bǎnsukyíkang. Banet ḿbé ba/fím ké kyikû ńkyí Ásha ba/waa áku ké eshê nyí e/fárâng ne baya ḿbé Medeterényan, mbé ba/waa ké bukô-baya.