Jóshwa 22:4 - Bokyi Bible

⁴ Kántîk kâng, wǎ eringe nyí Óburúkpâbí mú Osówo enen o/mû o/ryí ocím, nyǐ oo/kye barî-banet-Ézerel enen bunyîn-dyityém. Bwa n̂g dyijê kâng ba-jâ ké esí nyí ben ba/koo e-firi nyí enen, esí nyí nyi ké Jódan, ké kyicê ńkyí esû edabyí, nyí Músis mú ḿgbán-Óburúkpâbí o/kye běn.

Jóshwa 22:4 Iomraidhean Croise

1 Korónyíkil 22:18

Nyǐ o-raa o/fu, Osówo Óburúkpâbí enen oo/kye běn bunyîn-dyityém ké byicê byimúmú. Nyǐ o/chi mě m-kpógê kángkáng banet ḿbé ba/mû ba-kyú u ké esí ńnyín, ne kántîk, mbé ba/firi ké bubwô enen ne ḿbú Óburúkpâbí.

Ézódos 33:14

Óburúkpâbí o-sét ǎ o/fu, me n/chi n-ca ne ben ké kyikû, ne n/chi n-chi běn ba-kpógê.

Nómba 32:18

Be bii*ba/chi byi-bwa dyijê* tete kángkáng banet-Ézerel ḿbé áku ba-koo esí nyí ba/kyii ba-kye kámbé.

Dyitórónómyi 12:9

ké nǎ, ben ba*da/nung ne* ké esí nyí Óburúkpâbí mú mu Osówo enen mu o-kyâ běn* ké kyikit ńkyí ben ba/chi ba-kyú ké bunyîn-dyityém.

Dyitórónómyi 29:8

byi-koo esí ebe, byi-kyii kányí byi-kye byikû-banet ḿbyí Rúben ne Gât ne kyicê-kyikû-banet ńkyí Manáse.

Dyitórónómyi 3:20

Chwáp n̂g barî-banet-Ézerel enen tete ba-koo esí nyí Óburúkpâbí mu o-kyâ kámbé, nyí nyi ké kyicê-Jódan ńkyí esû edaríbî e-jâ, tete Óburúkpâbí o-mîng kámbé ba-kyú ké bunyîn-dyityém wǎ eringe nyí oo/chi běn bamu ba-kyú u nyín. Ké nkéré baa/chi éné, ba-man n ebwa esim ké esí ńnyín nyí nn/kyii n-kye běn.

Hyíburus 4:8

Ké nǎ, â Jóshwa o/mû o/kpî banet ámbe ba-nung ké dyijâng ne Osówo, Osówo o/mû oo*ba/chi o-chîraa kyi-kim ne dyicí-dyijâng dyikíri*.

Jóshwa 1:15

tete ké nkéré mú baa/koo esí nyí nyi ké kyicê-kace ńkyí áku, nyí Óburúkpâbí mú Osówo enen oo/kye kámbé. Ké nkéré mú Óburúkpâbí oo/bwât kángkáng byikû-banet-Ézerel o-tî kanong, ben ba-man ebwa esim nyín ké esí nyí enen, ké kyicê ńkyí esû nyi e-byí i, ké kace ńkén, nyí Músis mú ḿgbán-Óburúkpâbí o/kye běn.

Jóshwa 12:6

Músis ne banet-Ézerel ba/kpógê batu ḿbén bafee. Músis mú ḿgbán-Óburúkpâbí o-yip esí ebe ányi o-kye banet ḿbé ba/fím ké kyikû-Rúben ne ḿbé ba/fím ké kyikû-Gât ne kyicê-banet ḿbé ba/fím ké kyikû-Manáse, o/fu, baryí bukyû ké nyǐ.

Jóshwa 13:15

Músis o/mû oo/kye kyikim-banet ḿbé ba/fím ké kyikû-Rúben kyicê-esí o/fu, kyifiri ńkyí ebe.

Jóshwa 13:8

Banet ḿbé ba/fím ké kyikû ńkyí Rúben ne ḿbé ba/fím ké kyikû ńkyí Gât ne kyicê-banet ḿbé ba/fím ké kyikû ńkyí Manáse ba/mû baa/koo esí nyí Músis mú ḿgbán-Óburúkpâbí o/kye kámbé. Esí ányi e/mû ké kyicê-kace ńké Jódan ńkyí esû edabyí.

Jóshwa 22:3

Tata kurún, ben ba*da/chêe ne ba-mîng barî-banet-Ézerel nang kabónge*. Ben baa/bám byiko enen eringe nyí badachi ńkyí Óburúkpâbí mú Osówo enen o/sét běn.