Jóshwa 21:4 - Bokyi Bible

⁴ Byikû-dyibóng-Lyíva ḿbyí kyikû-banet-onyinchéng obónge mú odabángê Kóhat nké ba/bwóp kashú ba-kye kámbé eshê. Banet ḿbé ba/fím ké kyikû ńkyí Éron mú nchi kyifen-Osówo, ba/kye kámbé eshê diǐkpú ne echât, ké esí nyí Júda ne Syímyon ne Běnjámin.

Jóshwa 21:4 Iomraidhean Croise

1 Korónyíkil 6:39

Ásap o/mû onet-dyishí-nnyinyěng-burwám-banet-ekwan. Otáng-banet-kyikû emen mú o/kpet ne Lyíva o/mû Ásap mú wǎn-Berekyâ, mú o/mû wǎn-Shimyâ.

Ézódos 6:16

Lyíva o/mû ne bwǎn-banyinchéng ashí achât, Géshon ne Kóhat ne Merári. Mbé nké ba/mû banchí ḿbé kpákpá ḿbé byikû-banet ḿbyí mbyi byi-bángê e azîn ebe. Lyíva o/rí bajam-aje nyâchât esim onyiryiká ne afee.

Ézódos 6:20

Amáram o/bé wǎn-boné-bonchí emen mú onyinyi mú odabángê Jókebet, mú o/fwon ǎ Éron me Músis. Amáram o/rí bajam-aje nyâchât esim onyiryiká ne afee.

Nómba 3:27

Byikû ḿbyí Amáram ne Éza ne Héboron ne Ózel nké byi/fím ne Kóhat.

Jóshwa 21:3

Ké bubwô ḿbú ńkyí Óburúkpâbí o/raa éné kâng, banet-Ézerel ba/kye banet-Lyíva eshê ne esí nyí byitú ebe byidakûryí baryî ké nyǐ, ké esí ebe mbé bayén nyí ba/mû ba/kyii ba-kye kámbé.

Jóshwa 21:5

Banet ḿbé kwán ḿbé ba/waa, ḿbé ba/fím ké kyikû ńkyí Kóhat, ba/kye kámbé eshê diǐkpú ké esí nyí Éferem ne Dǎn ne ké esí nyí banet-Manáse ḿbé mbe ké kyicê ńkyí esû edaríbî e-jâ.

Jóshwa 24:33

Elyǎza mú wǎn-Éron o-kpú. Ba-ryii ǎ ké Gyíbya. Oshê mún mu ké esí nyí Éferem nyí eku éku, nyí ba/mû ba/yip kányí ba-kye wǎn emen mú odabángê Fyinéhas.