Jóshwa 21:10 - Bokyi Bible

¹⁰ banet ḿbé ba/fím ké kyikû-Éron mú o/mû o/fím ké kyikim-banet ḿbé Kóhat, ḿbé ba/mû ba/fím ké kyikû ńkyí Lyíva. Mbé nké ba/mû bambwôp kashú-banet ḿbé ba/kyii esí ba-kye kámbé.

Jóshwa 21:10 Iomraidhean Croise

1 Korónyíkil 6:54

Nyín něen esí nyí ba/kye bwǎn ḿbé Éron mú kyikim-banet ńkyí Kóhat. Mbé ba/koo mbwôp kashú-kyikit-esí ńkyí ba/tî bǎmgbán-nchi kyifen-Osówo.

Ézódos 6:18

Kóhat o/mû ne bwǎn-banyinchéng ashí anyii, Amáram ne Éza ne Héboron ne Ózel. Kóhat o/rí bajam-aje nyâchât esim diǐkpú ne achât.

Nómba 3:27

Byikû ḿbyí Amáram ne Éza ne Héboron ne Ózel nké byi/fím ne Kóhat.

Nómba 4:2

opan ocím-banet ḿbé Lyíva, ḿbé kyikû-banet ńkyí Kóhat ké byikim ké byikim ne ké byikû ké byikû,

Jóshwa 21:11

Ba/kye kámbé oshê mú Ába, Ába o/mû bonchí mú Ának, oshê ámu kántîk ba-kú ba-kó ng kámú Héboron, mǔ mu ké esí nyí Júda nyí eku éku, cibicibi ne byikit ḿbyí byitú byidaryí baryî, ḿbyí byi/wáp kámú byi-fé ké kafâ.

Jóshwa 21:4

Byikû-dyibóng-Lyíva ḿbyí kyikû-banet-onyinchéng obónge mú odabángê Kóhat nké ba/bwóp kashú ba-kye kámbé eshê. Banet ḿbé ba/fím ké kyikû ńkyí Éron mú nchi kyifen-Osówo, ba/kye kámbé eshê diǐkpú ne echât, ké esí nyí Júda ne Syímyon ne Běnjámin.

Jóshwa 21:9

Nyín něen azîn-eshê nyí e/fím ké esí nyí Júda ne Syímyon nyí ba/kyii ba-kye