Jóshwa 21:1 - Bokyi Bible

¹ Banet-ashí ḿbé byikû-abóng-Lyíva ba/dim ba-kâm Elyǎza mú nchi kyifen-Osówo ne Jóshwa mú wǎn-Nûn ne banet-ashí ḿbé kángkáng byikû-banet-Ézerel,

Jóshwa 21:1 Iomraidhean Croise

Jénésis 49:7

Busa-dyityém ebe buwaa ne kyishû, ké nǎ, bu/jang ebên bu-shwôm. Kyishû kyiwaa to ne kafâ esa ebe, ké nǎ, ka/jang ebên to ka-shwôm. Me n/chi n-chi kámbé ba-pwôo byiryibyiryi ké esí nyí Ézerel. N/chi m-pap kámbé ké burwám-banet ebe.

Ézódos 6:14

Rúben mú ókpá-wǎn-onyinchéng mú Jekôp o/mû ne bwǎn-banyinchéng ashí anyii, Hánok ne Pálu ne Hézoron ne Kámyi. Mbé nké ba/mû banchí ḿbé kpákpá ḿbé byikû-banet ḿbyí mbyi byi-bángê e azîn ebe.

Ézódos 6:25

Elyǎza mú wǎn-Éron o/bé wǎn mú Pútyel ne o-fwon ǎ Fyinéhas. Mbé nké ba/mû banet-ashí-byikû-banet ḿbyí Lyíva.

Nómba 35:1

Ké ndege-esí mú Mówep, ké esim-kace-Jódan nyí esû edabyí, fáráng ne Jéríku, Óburúkpâbí o/raa ne Músis o/fu,

Nómba 35:8

Ocím-eshê nyí badakye bǎmgbán-nchi kyifen ejí ké kyikû-banet nang kyirá ofím ké baryên ḿbé kyikim-esí-kyikû-banet ánkyi.

Jóshwa 14:1

Nyín něen eringe ba/kyii esí-Kínan, ké kyicê-Jódan ńkyí esû edaríbî, ba-kye banet-Ézerel. Elyǎza mú nchi kyifen-Osówo ne Jóshwa mú wǎn-Nûn ne banet-ashí-byikû-banet-Ézerel ba/kyii esí ányi ba-kye kámbé.

Jóshwa 17:4

Mbé ba/dim ba-kâm Elyǎza mú nchi kyifen-Osówo ne Jóshwa mú wǎn-Nûn ne banet-ashí-banet-Ézerel, ba-sét kámbé ba/fu, Óburúkpâbí o/mû o/sét Músis o/fu, okye bě to kyicê-esí byi-ryí bukyû ké nyǐ wǎ eringe nyí o/kye bwǎn-bané eten ḿbé banyinchéng. Nké wǎ eringe nyí Óburúkpâbí o/sét, ba/kye kámbé esí cibicibi ne bwǎn-bané ebe ḿbé banyinchéng.

Jóshwa 19:51

Elyǎza mú nchi kyifen-Osówo ne Jóshwa mú wǎn-Nûn ne banet-ashí ḿbé byikû-banet-Ézerel ba/kyii byikim-esí ḿbyín ba-kye banet ké dyímám etwóp, eringe nyí badapem ne Óburúkpâbí, ké oshê mú Shílo, ké ocím-dyifyi mú mpyep-kyifen-Óburúkpâbí echi. Ké bukwóp ḿbún nké ba/kúng ne ba-kyii kángkáng esí ányi.