Jóshwa 20:3 - Bokyi Bible

³ Nang ebóng onet nké o/ju orî-onet ké bukwóp ḿbú ofene, onet ámu o-man n echêe o-da-rem áku, ké bubwô-onet mú mu o-kyé ng ǎ o/fu, nyǐ o-só ng ǎ ewa.

Jóshwa 20:3 Iomraidhean Croise

2 Sámwel 14:11

Onyinyi ámu o-faa ǎ o/fu, otu ejí, kamgbe, fé nshwam a-kye Óburúkpâbí mú Osówo eyên a/fu, wǎn-boné ejí mú o/fu, nyǐ o-só ng ewa ké bukyû-wǎn ejí, o*dachi o-chi kyibî ńkyí kyi/rêe kyi-shwôm ké oju mú o/fu, nyǐ o-ju ng wǎn ejí mú o/waa*. Otu Dívit o-faa ǎ o/fu, me n/ryí ocím n-sem Óburúkpâbí mú mu okpó n/fu, chwǒm kii*ba/chi kyi-chi wǎn eyên ámu nang kaǎnyín*.

Lyívyítyíkus 4:2

osét banet ḿbé Ézerel o/fu, nang yeě mú o*da/tigi ne o-chi kyibî* nang o-bên kyije-Óburúkpâbí, o-man o-tî byije ḿbyín.

Nómba 35:12

Ányi nké onet ámu o/chi o-fem ké abwô nyí wǎn-boné-onet mú nyǐ o/ju, mú mu o-fu ng nyǐ o-só ng ewa. *Da n̂g eju onet mú ba/fu, o/ju onet* â ba*da ǎ epan ne mpan ké esuk*.

Nómba 35:19

Wǎn-boné-onet mú ba/ju ǎ mu ne busa ḿbú odaju onet mú o/ju wǎn-boné emen. Â o/ri ǎ, oju ǎ.

Nómba 35:22

Nké â onet kâng o/ju mú o*fí o-sa ng ǎ kafâ* ké ofene, nang ké bukwóp ḿbú kiǐsâ-abwô ejê, nang o-tím ǎ chwǒm.

Hyíburus 6:18

Ké bubwô ḿbú byěm ámbyi byifee bii*nwa eyángê* ne Osówo to oo*man esét kyisédéng kyi-kim ne mbyí* be mú bii/chêe byi-da-rem oshê emen, oo/kye bě dyityém ecíp kanong kanong ńdyí byidaníbî achi eten etî kíngkíng ké byěm ḿbyí nyǐ o/tî bě ké bushú eten.

Jóshwa 20:2

osét banet-Ézerel o/fu, bacá eshê-dyirem nyí nyǐ o/sét Músis o/fu, osét kámbé.

Jóshwa 20:4

Nyǐ o-man n echêe o-da-rem ké oshê mún obónge, o-dim o-da-kyú ké kyikit-mpan, ké ocím-dyifyi mú oshê ámu, o-sét banet-ashí eringe nyí kyi/cen. Mbé kâng ba/chi ba-bángê ǎ o-nung ké kafâ-oshê, ba-kye ǎ kyikit ńkyí odakûkyú, o-firi kâng ányi.