Jóshwa 2:9 - Bokyi Bible

⁹ o-sét kámbé o/fu, me mu n-nyît ng n/fu, Óburúkpâbí oo/kye běn esí ńnyín. Nang yeě nang yeě ké oshê mún mu o-shî ng běn.

Jóshwa 2:9 Iomraidhean Croise

Jénésis 35:5

Ké nkéré mú Jekôp ne bwǎn emen ba/kpet edim, kiǐtí-bushî kyi/róng banet ḿbé eshê nyí e/mû ányi fáráng, ne ba*da/rim ne mbé ké kyikû*.

2 Sámwel 17:10

Kyi-fím ányi kâng, nang bakân-banet ḿbé baa*shî bushî* wǎ ekpang, ba/chi ba-kpet eshî, ké nǎ, nang yeě nang yeě ké Ézerel mu o-nyît ng o/fu, bonchí eyên o-chi i onet-súja mú oo*nwa eri* o-nyît ng to o/fu, banet emen ba-chi i bannwa byití bayén ḿbé bánbán.

2 Kyîng 5:15

O-bwa esim-kyikit-Elásha ne kángkáng banet emen, o-sét ǎ o/fu, me nn/nyît kántîk n/fu, Osówo okíri o*fí to* kyi-cibi ne Osówo mú Ézerel*. Ké bubwô ámbu, ǎ bonchí, koo eyáré ké abwô ejí.

2 Kyîng 7:6

Óburúkpâbí oo/chi basúja ḿbé Syírya ba-jwo kyicoge éné wǎ bujê-basúja nké mbe ba-bâ ne bubyî-orá ne bamútu ḿbé bubyî-orá budatut, ne basúja ḿbé Syírya ba-kabe ba/fu, otu mú Ézerel oo/yámê batu ḿbé Hyítat ne [Éjip] ne basúja ebe o/fu, baba-nwa ne mbé.

Nehemyâ 6:16

Ké nkéré banet-bushwôn eten ḿbé ké eshê nyí wângwâng ba/jwo ńkyín, mbé ba/ri ba/fu, éshwân ee/wuri kámbé, ké nǎ, nang yeě o/nyît o/fu, Osówo nké o/kye ochwâp ne bǎmkpóngé ámbe ba-man.

Esitá 8:17

Ké oshê nang orá ne ké kyikim-oshê nang kyirá nké ba/kó ńkyí otu o/sét, banet-Jûs ba/kyú ké dyijâng ne dyijî ne bunyîn-dyityém. Ké ntûntû, bujê-banet bakíri ba/bírî ba-firi banet-Jûs, ké nǎ, mbé ba/kpet eshî kámbé.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 19:25

Nké mu n-nyît ng n/fu, onet mu kô kyíbóng mú ké nkuli kyikû o/chi o-ba-bwom mě ké esim. [

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 112:10

Bambên atyém ba-ri ng ńkyín ka-kpet kámbé esa. Mbé ba-tún n ǎ achi ne dyityém-busa, ba-rím. Okabe ebe oo*kyú to ne banyá*.

SÂM NNYINYĚNG-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 115:16

Bubóng bu/já Óburúkpâbí kǎnchí, nké nyǐ o/kye banet esí.

Ézódos 18:11

Kántîk n-kú n-nyît ng n/fu, Óburúkpâbí mu kiǐtí o-shwôm kángkáng esówo, ké nǎ, nyǐ o/chi ńkyín ké nkéré mú banet ḿbé Éjip ba/kám banet ḿbé Ézerel fúú.

Ézódos 23:27

Me n/chi n-chi banet ḿbé mbe ba-bwom m bunwa ne ben ba-kû mě eshî. Me n/chi n-chi banet ḿbé bamu ba-nwa ng byití ne mbé ba-firi yógeyóge, ne n/chi n-chi kángkáng banet-bushwôn ba-chêe ké bushú enen. [

Ekyilyizátes 8:12

Nang nchi byibî mu o-chi i byibî kampén bujam, o-kpen n o-câ, me mu n-nyît ng ké ntûntû n/fu, kyi/chi kyi-ca kanong ne banet ḿbé mbe ba-chi i ńkyí Osówo o/sét, ké nǎ, mbe ba-shî ng ké bushú emen.

Azáya 19:1

Nyín kyitwóm ńkyí Osówo o/twóm mě kyi-kim ne Éjip. Óburúkpâbí mu o-bâ ké Éjip ochéé óchee ké ófíbí. Erím-bakye nyí Éjip e-kú e-tím m banê ké bushú emen, ne busa boo/man banet ḿbé Éjip.

Azáya 23:5

Nang banet ḿbé Éjip kyi/chi kyi-chi kámbé wǎ chwǒm-akat ba-waa ocím ké dyishí fúú â ba/jwo ba/fu, baa/bên Táya.

Jeryimáya 27:5

me n/chi ejíí ne banet ne kángkáng enyam nyí nyi e-kyú u ké ejíí, ké kiǐtí-busa ejí. Ne n-kyâ nang yeě mú o/nyîn mě kányí.

Náhum 2:10

Baa/bên Nyínyíve, banet baa/chêe ké mǔ ne oo/waa kafâ dyikáá. Atyém aa/kyee ké bushî, arông a-kú a-tím m kámbé banê, busa boo/man kámbé, bashú baa/kpú.

Nómba 20:14

Músis o-twóm banet-kyitwóm ké Kádyishi ba-ca ba-kâm otu mú Édom. Mbé ba-sét otu mú Édom ba/fu, kyitwóm ńkyín kyi/fím ne byikû-banet ḿbyí Ézerel, ḿbyí bwǎn-bané eyên. Wo amu a-nyît ng afaníkong nyí be bii/ri,

Nómba 20:24

Éron oo*ba/chi o-chînung ké kyikim-esí ńkyí me n/ryí ocím n/fu, n-kyâ banet-Ézerel*. Nyǐ o/chi o-kpú, ké nǎ, ben ashí afee ba/bírî bunwa ne me ké kyikit ńkyí badakó Meryíba.

Mátyuu 20:15

Me n*fí ne busa ḿbú ndachi eringe nyí kyi/nyîn mě ne akpuga nyí ejí*? Aa wo amu a-sa ng kafâ, ké nǎ, me n/cángê dyityém?

Dyitórónómyi 11:25

Nang ba-ca nyá ké esí ányi, Óburúkpâbí mú mu Osówo enen o/chi o-chi banet ba-shî běn, wǎ eringe nyí nyǐ oo/ryí ocím, ne onet o*fí mú o/chi o-man běn eku*.

Dyitórónómyi 2:25

Kyi-fím kántîk kyi-ca kashú, n/chi n-chi kángkáng banet ba-kpet běn eshî. Nang yeě nké o/jwo dyizîn enen o/chi o-tím banê ne bushî.

Dyitórónómyi 28:10

Ne kángkáng banet ḿbé ké ejíí kâng ba/chi ba-ri ba/fu, Óburúkpâbí oo/cá běn o/fu, ben bakyú banet ḿbé emen nyǐ oyén, ne ba/chi ba-kû běn eshî.

Dyitórónómyi 32:8

Nyǐ mú mu kyíbóng kyíbóng nké o/kye eshê esí ebe. Nyǐ nké o/tî byikit ḿbyí banet badakyú. Nyǐ o/kye oshê nang orá osówo obónge.

Hyíburus 11:31

Kyi/mû ké dyityém efé ne Osówo nké Ráhap mú o/mû o-ryí i akpara o*da/kpú ne banet ḿbé ba/né echi ńkyí Osówo o/fu, bachi* ké ebóng, nyǐ o/koo banet-boǒfêp-esí ḿbé Ézerel kanong kanong.

Jóshwa 2:11

Bushî bu/kám bě kanong kanong ńdyí byi-jwo ng kánkyí byi-bâ. Óburúkpâbí mú mu Osówo enen o-chi i Osówo mú bubóng ne esí ńnyín.

Jóshwa 2:24

Ba-sét ǎ kâng ba/fu, be byimu byi-nyît ng byi/fu, Óburúkpâbí oo/kye bě oshê ámu omúmú. Banet ámbe bamúmú mbe ba-shî ng bě.

Jóshwa 2:8

Ne banet-boǒfêp-esí ámbe ba-kûrí sáre ne buchú, Ráhap o/dim o-kâm kámbé,

Jóshwa 5:1

Kángkáng batu-Ámórit ḿbé mbe ké kyicê-kace ńké Jódan, ńkyí esû nyi e-byí i, ne kángkáng batu to ḿbé Kínan, ḿbé mbe ba-kyú u ké bukô-baya ḿbé badakó Medeterényan ba/jwo ba/fu, Óburúkpâbí oo/chi Jódan o-núng tete banet-Ézerel ba-nyáng kánké. Bushî bu-róng kámbé kanong kanong.

Jóshwa 6:2

Óburúkpâbí o-sét Jóshwa o/fu, me mu m-bâ ebakúng Jéríku ne otu ebe ne bakân-basúja emen n-fé ǒ ké abwô.

Jóshwa 9:10

ne ńkyí o/chi batu-Ámórit ashí afee, ḿbé ba/mû ba-kyú u ké kyicê-kace ńké Jódan ńkyí esû edabyí, Otu Síhon mú o/fím Héshibon ne Otu Ôok mú o/fím Báshan, mú o/mû o-kyú u ké Ashítarat.

Jóshwa 9:24

Mbé ba-faa ba/fu, be byi/chi éné, ǎ bonchí, ké nǎ, be byi/jwo ba/fu, nkyi ntûntû něen, Óburúkpâbí mú Osówo enen o/sét Músis mú ḿgbán emen o/fu, okye běn esí ńnyín emúmú, ba-ju to banet ḿbé mbe ba-kyú u ké nyǐ, â ba-kú ba-tín n ba-bâ. Be byi/chi éné, ké nǎ, bushî bu/chi bě ne ben kanong kanong. Ne bushî bu/mû mbu bu-chi i bě kyi-kim ne akpen eten.

Jóshwa 9:9

Mbé ba-kpet ǎ esét kâng ba/fu, be byi/fím tíbítíbí ne byi-bâ nyín, ǎ bonchí, ké nǎ, be bii/jwo kyi-kim ne dyizîn ńdyí Óburúkpâbí mú Osówo eyên. Be bii/jwo kyi-kim ne kángkáng byěm ḿbyí nyǐ o/chi ké Éjip

Jójis 7:14

Ocín emen ámu o-faa ǎ o/fu, ányi kashwám ńké Gyídyon mú wǎn-Jówashi, mú mu onet-Ézerel. Burê ámbu bu*da/byí chwǒm kyikíri*. Osówo oo/chi ǎ o-kpógê banet-Médyan ne basúja eten to bamúmú.