Jóshwa 2:4 - Bokyi Bible

^4-6 Ráhap o-faa o/fu, ké ntûntû, banyinchéng ba/bê ké kyise ejí, nké me n*fí n-nyît ng kyikit ńkyí ba/mû ba/fím*. Mbé ba/dim ké dyikurúku ne ba-kûfâng dyifyi ńdyí ké dyishí-bukwóp. Me n*da/bí kámbé kyikit ńkyí mbe ba-wâa ng*. Nké â a/ró kámbé ké kyikû babap, a-man n ekâm kámbé. Ányi Ráhap oo/kpî kámbé ba-yú ba-jâ kyíbóng-kyise o-da-rôo kámbé ké kafâ-azu-biǐbyâa ḿbyí o/mû o/tî.

Jóshwa 2:4 Iomraidhean Croise

2 Kyîng 6:19

Ne Elásha o-dim kâng o-kâm kámbé, o-raa ne mbé o/fu, ben baa/mume kiǐfáng. *Chí oshê mún nké bamu ba-kyé ng*. Bâ n̂g ne me ké kyikû, me n/chi n-tông běn onet mú bamu ba-kyé ng. Ne o-kúng kámbé o-ribi ne mbé Samérya.

Ézódos 1:19

Mbé ba-faa ǎ ba/fu, banyinyi ḿbé Hyíburus ba*fí wǎ ḿbé Éjip*. Bufwon boo*zût kámbé efwon* ne ba-bwóp ng kpá kashú ba-fwon ne be byi-ribi áku.

Jêmsyi 2:25

Kyi/mû eringe ebónge ne onyinyi mú o/mû o-ryí i akpara, mú odabángê Ráhap. Osówo o/két mpan o-nwa ǎ ké bubwô-édúú emen, ké okoo mú o/koo banet-kyitwóm ḿbé Jûs kanong, ne ké ochwâp mú o/chwáp kámbé ba-chêe ké kiǐfáng kyikíri.

Jóshwa 2:3

O-twóm kyitwóm ba-sét Ráhap ba/fu, banet ḿbé ba/nung ǒ éné ba/bê ebaryuu kyikû kyi-kim ne oshê eten omúmú, bâ ne mbé kyíjí.

Jóshwa 6:17

Oshê mún ne kángkáng byěm ḿbyí mbyi ké mǔ ba-man ba-bên kámbyí kángkáng wǎ kyifen echi ba-kye Óburúkpâbí. Kyi*da/shwôm Ráhap mú onyi-dyikpe ne kyikû-banet emen nké badawaa* ké nǎ, nyǐ o/rôo banet-boǒfêp-esí eten.

Jóshwa 6:25

Jóshwa o/mîng Ráhap ne kyikû-banet emen okpó, ké nǎ, o/rôo banet-boǒfêp-esí ḿbé nyǐ o/twóm ba-ca Jéríku. Banet ḿbé ba/fím ké kyikû emen ba/tôong ké Ézerel tete kurún.