Jóshwa 2:3 - Bokyi Bible

³ O-twóm kyitwóm ba-sét Ráhap ba/fu, banet ḿbé ba/nung ǒ éné ba/bê ebaryuu kyikû kyi-kim ne oshê eten omúmú, bâ ne mbé kyíjí.

Jóshwa 2:3 Iomraidhean Croise

Jénésis 38:24

Ńdyí kii/rí chwǒm wǎ etukáku echât, onet obónge o/sét Júda o/fu, onyi-wǎn eyên o-kú o-cen n wǎ onyi-akpara, ne oo/koo dyifít. Júda o-kye busa o/fu, bafîm ǎ o-byí kyíjí, ba-fwá ǎ ké okwâ o-kpú.

Jénésis 42:31

Be byi/sét ǎ byi/fu, be bii*chi banet-boǒfêp-esí* byi-chi i banet ḿbé banong.

2 Sámwel 10:3

banet-ashí-banet-Ámon ba/raa ne otu ebe ba/fu, wo a/kabe a/fu, nkyi ké ofê mú bonchí eyên nké Otu Dívit o/twóm banet ḿbén o/fu, baba-saa ǒ byiko? Ké ntûntû, kyi*fí éné*. Nyǐ o/twóm kámbé nyín wǎ banet-boǒfêp-esí eringe badakyé kyikû kyi-kim ne oshê, eringe nyí nyǐ oda bě eman ekpógê.

2 Sámwel 17:20

Banet-ashí-bǎmkpóngé-Abyísálam ba-ba-ribi ké kyise ánkyi, ba-bí mú onyinyi ámu ba/fu, Ahímaz ne Jónátan mbe nyá. Nyǐ o-faa kámbé o/fu, baa/nyáng kace. Banet ámbe ba-kyé kámbé, nké ba*da/ri kámbé*. Ne ba-bwa kâng esim Jerúsélem.

1 Korónyíkil 19:3

banet-ashí-Ámon ba-raa ne otu ba/fu, wo amu a-kabe ng a/fu, ké ofê mú bonchí eyên nké Otu Dívit oo/twóm banet ḿbén o/fu, baba-saa ǒ byiko? Kyi*fí éné*. Nyǐ oo/twóm kámbé nyín wǎ banet-boǒfêp-esí o/fu, baba-kyé kyikû-oshê eringe nyí nyǐ odaman ekpógê kámú.

JÔP MBWÔP KASHÚ-NWET KYI-KIM NE BYIRAA-BYINYÍDÍNG ḾBYÍ BANET-ÉZEREL 21:30

Ké dyicí ńdyí Osówo mu o-sa ng kafâ ne mu o-kyâ banet busông, kángkáng nkéré o-mîng ng mbên dyityém.

Lyívyítyíkus 24:14

kúng onyinchéng ámu o-byí ké kafâ-oshê. Nang yeě mú o/jwo ǎ ké nkéré mú o/shú mě, otwôom onyinchéng ámu abwô ké dyishí o-sét o/fu, o/shú mě, ne oshê omúmú ba/chi ba-tím ǎ aká ba-ju.

JǑN BǍMPÉM ḾBÉ BANONG KYI-KIM NE JISOS KARÂS ERINGE NYÍ JǑN O/SÁNG 19:4

Pálet o-chîbwa esim kyíjí kabónge o-da-raa ne banet-Jûs ámbe o/fu, kû n̂g eri, n/chi m-bâ ne nyǐ kyíjí ba-ri ǎ, eringe nyí ben ba/chi ba-nyît ba/fu, me n*da/ri dyishí-chwǒm ńdyí ndafu, baju ǎ*.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 12:4

Ké nkéré mú ba/kám Pyíta, ba/kúng ǎ ba-fé ké mgbokobá. Ké kyikit ńkyí ba/tî basúja ashí anyii anyii ké byikit byinyii ba/fu, bakû ǎ ebám. Otu Hérot o/tî okabe o/fu, nyǐ o-byí i ne Pyíta wááng ba-pan ǎ mpan ké nkéré mú dyijî dii/man.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 12:6

Ké buchú ḿbú dyicófóróng dyi/chi dyi-cé ne Otu Hérot o-fîm Pyíta o-kye banet-oshê, Pyíta o/mû mu o-rê ng ké otyém mú basúja ashí afee ḿbé ba/mû ba-bám m ǎ. Ba/fé ǎ bamgbokobá bafee ké abwô, ne basúja ba/mû mbe ba-bám m dyifyi ńdyí ké kyibám-mgbokobá ánkyi.

Jóshwa 10:23

Ba-bâa kâng ocím-bucim, ba-kpî kámbé

Jóshwa 2:2

Otu-Jéríku o-jwo ba/fu, banet-Ézerel baa/nung ké oshê ké buchú ámbu ba-bâ ebaryuu kyikû kyi-kim ne oshê.

Jóshwa 2:4

Ráhap o-faa o/fu, ké ntûntû, banyinchéng ba/bê ké kyise ejí, nké me n*fí n-nyît ng kyikit ńkyí ba/mû ba/fím*. Mbé ba/dim ké dyikurúku ne ba-kûfâng dyifyi ńdyí ké dyishí-bukwóp. Me n*da/bí kámbé kyikit ńkyí mbe ba-wâa ng*. Nké â a/ró kámbé ké kyikû babap, a-man n ekâm kámbé. Ányi Ráhap oo/kpî kámbé ba-yú ba-jâ kyíbóng-kyise o-da-rôo kámbé ké kafâ-azu-biǐbyâa ḿbyí o/mû o/tî.

Jójis 4:20

Sisárá o-sét ǎ kâng o/fu, bûu a-bwom ké ocím-dyifyi, ne â onet o/ba ǒ ebí o/fu, onet mu ányi dí. Sét ǎ a/fu, aa*wááng*.