Jóshwa 2:18 - Bokyi Bible

¹⁸ Nyín něen ńkyí wo adaman a-chi. Ké nkéré mú bii/nung ne byití ké oshê enen, bwá kiǐshíshét-orí ńkyín ké wíndu ámu mú byi/cen ne byi-shû. Kpî bonchí eyên ne boné eyên ne bwǎn-bané eyên ḿbé banyinchéng ne kángkáng kyikû-dyibóng-bonchí eyên a-tî ké kyise eyên.

Jóshwa 2:18 Iomraidhean Croise

Jénésis 12:2

N/chi n-kye ǒ bwǎn chwóó, ne ba/chi ba-firi kiǐtí-oshê. Me n/chi n-jware ǒ, n-chi dyizîn eyên dyi-kyú kiǐtí, eringe nyí badakúng kándyí ne ba-jware banet.

Jénésis 7:1

Óburúkpâbí o/sét Núwa o/fu, nung ké ńsukyíkang ne kángkáng kyikû-banet eyên. Me nn/ri n/fu, wo kǎnchí ké ejíí emúmú nké amu a-chi i ńkyí nkyi kanong.

Esitá 8:6

Me n-cíp ng kánkyí nǎ, â afaníkong ńnyín a/bê a-kâm banet ejí, ba-ju bwǎn-bané ejí.

Ézódos 12:13

Baróng ḿbé ba/chi ba-sabe ké ekíkírí-afyi ba/chi ba-kyú ekap nyí e/chi e-tông byise ḿbyí bamu ba-kyú u. Â n/ri baróng ámbe, n/chi n-shwôm běn ne mm*ba/chi n-chi běn chwǒm* ké nkéré n-kú n-kyâ banet ḿbé Éjip busông*.

Okwan 4:3

Byibî-ocím eyên mbyi wǎ bucat ḿbú shíshét, nang ké byidanwa bunong ké nkéré a-kú a-raa ng kyiraa. Ánán eyên nyi a-san n ké kafâ-kaǎsém eyên ńké a/cít.

Lyívyítyíkus 14:4

nchi kyifen-Osówo o/chi o-sét ba-bâ ne bunurung-ociring bufee, cibicibi ne kaare-séda ne bucat ḿbú shíshét ne kaare-kajang.

Nómba 19:6

Elyǎza kâng o/chi o-kúng kaare-séda kakíri ne kyire-kajang ne bucat ḿbú shíshét o-fé kámbyí ké kafâ-okwâ ámu.

Nómba 4:8

Ba/chi ba-paam kyídí ńkyí shétshét ba-cít byěm ḿbyín kángkáng, ba-cít kámú ekwop-enyam nyí enong enong, ne ba-fé kâng echí nyí badayip kámú.

LÛK BǍMPÉM ḾBÉ BANONG KYI-KIM NE JISOS KARÂS ERINGE NYÍ LÛK O/SÁNG 19:9

Jisos o-sét Zakyíyos o/fu, kurún, Osówo oo/nyii kyikû-banet eyên, ké ebóng, wo to a/fím ké kyikû ńkyí Ébarahâm.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 10:27

Pyíta o/wâa o-pem m ne Konélus o-câ, o-da-nung ké kafâ-kyise, o-ri banet chwóó ḿbé ba/bakyú kyikit kyibónge.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 10:33

Ne n-twóm kâng ochéé óchee n/fu, bâ, ne a/nwa dyityém to ńkyí wo a/bê. Kántîk, be kángkáng byimu nyín ké bushú ḿbú Osówo, byi-bám m byi/fu, byi-jwo ng nang ebóng chwǒm ńkyí Otu Kyítá oo/kye ǒ busa o/fu, wo asét.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 11:14

Nyǐ o/chi o-pem běn bǎmpém ḿbé ba/chi ba-chi Osówo o-nyii ǒ ne kyikû-banet eyên.

2 Tyímótyi 1:16

Kyi/bát Otu Kyítá ori kyikû-banet ńkyí Onésyifóros bafip, ké ebóng, Onésyifóros o/chi mě n-kyú ké bunyîn-dyityém kampén chwóó. Éshwân e*da ǎ echi* ké ebóng, me mu ké mgbokobá*.

Hyíburus 9:19

Ké mbwôp kashú, Músis o/sét banet-Ézerel kángkáng byije-Osówo eringe nyí nyǐ o/sáng ké Nwet-Byije emen. Ne o-yip kâng kyicê-kyídí o-ním ké byire-kajang, o-lip ké baróng-byisu-bampong ne ḿbé ebû cibicibi ne omu, o-myî ké Nwet-Byije emen ne banet ámbe kángkáng.

Jóshwa 2:21

Ráhap o-bángê. O-fu kámbé ba-dim. Ké nkéré mú baa/dim, o-yip kiǐshíshét-orí ánkyi o-tú ké wíndu.

Jóshwa 6:23

Ba-dim kâng ba-da-kpî Ráhap o-byí kyíjí, nyǐ ne bonchí ne boné emen ne bwǎn-bané emen ḿbé banyinchéng ne kángkáng kyikû-banet emen. Ba-kpî kámbé kángkáng ba-da-tî kámbé kanong kanong, fáráng ne kyikit ńkyí banet-Ézerel mbe ba-kyú u.

Jóshwa 6:25

Jóshwa o/mîng Ráhap ne kyikû-banet emen okpó, ké nǎ, o/rôo banet-boǒfêp-esí ḿbé nyǐ o/twóm ba-ca Jéríku. Banet ḿbé ba/fím ké kyikû emen ba/tôong ké Ézerel tete kurún.