Jóshwa 2:14 - Bokyi Bible

¹⁴ Banet ámbe ba-faa Ráhap ba/fu, [kyi/bát Osówo oju bě, â byi*da/chi wǎ eringe nyí byi/raa*.] Â wo a*da/sét onet nang obónge ńkyí byimu byi-chi i* be byimu byi-ryí i ǒ ocím byi/fu, ké nkéré mú Óburúkpâbí oo/kye bě esí ńnyín, be byi/chi byi-tî ǒ kanong.

Jóshwa 2:14 Iomraidhean Croise

Mátyuu 5:7

Bunyîn-dyityém mbu ne banet ḿbé mbe ba-ri ng barî-banet bafip, ké ebóng, Osówo o/chi o-ri kámbé to bafip.

Póróvep 18:24

Bacín mbe kô] ḿbé badalángê ba/fu, mbé ba-chi i bacín, nké bacín mbe kô to ḿbé mbe ba-tî ng dyityém ne onet ba-shwôm bwǎn-bané.

Jénésis 24:49

Kántîk, â ba/fu, ba-kyâ bonchí ejí ńkyí mu o-ryuu ng wǎ onet-kyikû enen, ba-chi ńkyí n/sét běn, kamgbe, sét n̂g mě. Â baa*chi* sét n̂g mě, ne n/chi n-nyît ńkyí ndachi.

1 Kyîng 20:39

Nkéré mú otu-Ézerel o-kú o-shwôm m, mkpábé ámu o-kó ǎ o/fu, otu ejí, me m/mû mu n-nwa ng byití ńdyí onet-súja o/bê ne onet-bushwôn mú baa/kám ǎ o-ba-kye mě, o-raa ne me o/fu, kûbám onyinchéng mún. Â o/chêe, wo nké adakye kyitông eyên, kyi*fí éné* a-kye égot-byikim-syílyíba onyiryiká.

2 Sámwel 9:1

Dyicí dyibónge, Otu Dívit o/bí o/fu, onet o/tôong nang obónge ké kyikû-banet-Otu Sôl? Â onet mu kô, me kyi-nyîn n mě ńkyí ndacángê dyityém ne onet ámu, ké bubwô-Jónátan.

1 Sámwel 20:8

Kamgbe, kye mě ochwâp mún, a-tî ocím mú a/ryí mě a-sem Osówo. Nké â me n/chi kyibî, ju mě wo oyén. A-cen n nǎ ne a-yip mě a-da-kye ńchân o-ju.

Jóshwa 6:25

Jóshwa o/mîng Ráhap ne kyikû-banet emen okpó, ké nǎ, o/rôo banet-boǒfêp-esí ḿbé nyǐ o/twóm ba-ca Jéríku. Banet ḿbé ba/fím ké kyikû emen ba/tôong ké Ézerel tete kurún.

Jóshwa 6:17

Oshê mún ne kángkáng byěm ḿbyí mbyi ké mǔ ba-man ba-bên kámbyí kángkáng wǎ kyifen echi ba-kye Óburúkpâbí. Kyi*da/shwôm Ráhap mú onyi-dyikpe ne kyikû-banet emen nké badawaa* ké nǎ, nyǐ o/rôo banet-boǒfêp-esí eten.

Jóshwa 2:13

Ryí n̂g mě ocím ba/fu, ba/chi ba-nyángê dyikpen ńdyí bonchí ejí ne boné ejí ne ńdyí bwǎn-bané ejí ḿbé banyinchéng ne ḿbé banyinyi ne kángkáng banet ebe. *Da n̂g echi ba-bángê ba-ju bě*.

Jóshwa 2:15

Ráhap o/mû mu o-kyú u ké kyise ńkyí ba/cibi ekpe emen ne ekpe nyí e/wáp oshê e-fé ké kafâ, ké bubwô ámbu kâng, nyǐ o/tú orí ké wíndu, banet ámbe ba-cen ányi ba-shû kyísí.

Jénésis 47:29

Ńdyí nkéré oo/fárâng mú odakpú, o-kó Josêf mú wǎn emen o-bâ, o-sét ǎ o/fu, fé bubwô eyên ké anam ejí, a-ryí mě ocím mú aa*bên* a/fu, wo aa*ba/chi a-ryii mě ké Éjip*.

Jóshwa 6:22

Jóshwa o/mû oo/sét banet-boǒfêp-esí ḿbé ba/mû baa/bê ányi o/fu, ca n̂g ké kyise ńkyí mú onyi-dyikpe ámu ba-da-kpî ǎ ne kyikû-banet emen ba-byí kyíjí, wǎ eringe nyí ba/mû ba/ryí ǎ ocím.

2 Sámwel 2:5

o-twóm banet ba-ca áku ne kyitwóm ńkyín. O/fu, kyi/bát Óburúkpâbí ojware běn ké ofê mú ba/kye otu enen, ké oryii mú ba/ryii ǎ.

2 Sámwel 2:6

Ne kántîk to, kyi/bát Óburúkpâbí ocángê dyityém o-fé to dyityém emen ne ben. Me to n/chi n-kû běn echi kanong ké bubwô-chwǒm ńkyí ben baa/chi.

Póróvep 14:22

Banet ba/chi ba-fé dyityém ne wo ba-kye ǒ ofê â amu a-kabe ng kanong echi. Â amu a-nam m kyibî, wo amu a-tánê e.

ÂAK BǍMKPÓNGÉ ḾBÉ BANET-KYITWÓM-JISOS BA/CHI, ḾBÉ BADAKÓ ÂAK 23:22

Onet-dyishí-basúja ámu o-sét mú wǎn-kyisat ámu o/fu, *dachi a-sét onet nang obónge a/fu, wo aa/ba mě esét chwǒm ńkyín*. Ne o-sét wǎn ámu o/fu, oca dyijê.